सोमवार, 31 ऑगस्ट 2026
Mariano Navone beat Novak Djokovic
आर्थर ॲश स्टेडियमवर खेळल्या गेलेल्या सामन्याच्या सुरुवातीपासूनच, जोकोविच न्यूयॉर्कमधील तीव्र उष्णता आणि दमटपणामुळे त्रस्त असल्याचे दिसत होते. हवामानामुळे स्टेडियमचे छत बंद होईपर्यंत, तो आराम मिळवण्यासाठी वारंवार डोक्यावर बर्फाच्या पिशव्या ठेवताना दिसला. तिसऱ्या सेटच्या सहाव्या गेमदरम्यान कोर्टवर अनेक वेळा उलट्या झाल्यामुळे त्याचा त्रास अधिकच वाढला. यानंतर, डॉक्टर आणि वैद्यकीय पथकाने औषधोपचार केले, ज्यामुळे त्याला सामन्यात टिकून राहण्यास मदत झाली.
शरीरातील पाण्याची कमतरता आणि प्रकृती अस्वस्थ असूनही, जोकोविचने दमदार खेळ केला. टायब्रेकमध्ये पहिला सेट गमावल्यानंतर, त्याने शानदार पुनरागमन करत दुसरा सेट ७-५ आणि तिसरा सेट ६-४ ने जिंकून आघाडी घेतली. पण अर्जेंटिनाच्या मारियानो नावॉनने सहजासहजी हार मानली नाही. त्याने उत्कृष्ट खेळ करत चौथा सेट ६-२ ने जिंकला आणि सामना पाचव्या व अंतिम सेटपर्यंत नेला.
Mariano’s moment 👇 pic.twitter.com/1EIuZ9v8u0 — US Open Tennis (@usopen) August 31, 2026
नवोनेने चौथ्या सेटमध्ये जोरदार पुनरागमन करत तो ६-२ ने जिंकला आणि सामना निर्णायक सेटमध्ये नेला. पाचव्या सेटमध्ये जोकोविच पूर्णपणे थकून गेलेला दिसत होता. जेव्हा नवोनेने ४-१ अशी आघाडी घेतली, तेव्हा त्या सर्बियन खेळाडूची ऊर्जा स्पष्टपणे दिसून येत होती. याचदरम्यान, जोकोविच कोर्टवर रडू लागला. २४-वेळच्या ग्रँड स्लॅम विजेत्यासाठी हा एक अत्यंत भावनिक क्षण होता. प्रेक्षक गॅलरीमध्ये त्याची पत्नी येलेनादेखील व्यथित झालेली दिसली. दुसरीकडे, नवोनेने आपला संयम राखला आणि निर्णायक सेट ६-१ ने जिंकून जोकोविचला स्पर्धेतून बाहेर काढले. यापूर्वी, जोकोविच विम्बल्डनच्या उपांत्य फेरीतून बाहेर पडला होता .
Novak Djokovic looks very emotional down 1-3 in the 5th set against Navone at the US Open. Definitely in pain physically, but these also look like emotional tears. 4+ hours at 39 years old. The New York crowd is trying to give him a push for another heroic comeback. 🥹 pic.twitter.com/QsZqF0Z04o — The Tennis Letter (@TheTennisLetter) August 31, 2026
जोकोविच आपल्या २५व्या ग्रँड स्लॅम एकेरी विजेतेपदाच्या शोधात होता. हा सामना जिंकला असता, तर तो पुरुष एकेरीमध्ये सर्वाधिक ग्रँड स्लॅम विजेतेपदे पटकावणारा खेळाडू ठरला असता. तो यूएस ओपनमधील जिमी कॉनर्सचा ९८ सामन्यांचा विक्रम मोडण्यापासून केवळ चार विजय दूर होता, परंतु पहिल्याच फेरीत झालेल्या पराभवामुळे त्याची यूएस ओपनमधील वाटचाल संपुष्टात आली.
