सोमवार, 19 ऑक्टोबर 2026
Carrom Tournament : एमआयजी कॅरम स्पर्धेत समृद्धी घाडिगावकर, प्रशांत मोरे यांची बाजी!
एमआयजी क्रिकेट क्लब, वांद्रे येथे आयोजित चौथ्या राज्य मानांकन कॅरम स्पर्धेत (Carrom Tournament) महिला एकेरी गटात ठाण्याच्या समृद्धी घाडिगावकरने, तर पुरुष एकेरी गटात मुंबईच्या प्रशांत मोरेने विजेतेपद पटकावले.
महिला एकेरीच्या अंतिम सामन्यात समृद्धीने मुंबईच्या ऐशा महम्मद साजिदचा पराभव केला. पहिला सेट 4-25 असा गमावल्यानंतर समृद्धीने जोरदार पुनरागमन करत दुसरा सेट 23-18 आणि तिसरा सेट 25-8 असा जिंकला. या विजयासह तिने स्पर्धेचे विजेतेपद आपल्या नावावर केले.
अंतिम फेरीपूर्वी समृद्धीने मुंबईच्या सोनाली कुमारीला 25-17, 4-24, 24-8 असे पराभूत केले होते. तर ऐशाने रत्नागिरीच्या आकांक्षा कदमवर 25-16, 22-9 अशी मात केली होती. तिसऱ्या क्रमांकाच्या लढतीत सोनालीने आकांक्षाला 25-1, 11-25, 18-7 असे पराभूत केले.
पुरुष एकेरीच्या अंतिम सामन्यात मुंबईच्या प्रशांत मोरेने पुण्याच्या अभिजित त्रिपनकरला 22-19, 25-22 असे सरळ दोन सेटमध्ये नमवून विजेतेपद मिळवले.
प्रशांतने उपांत्य फेरीत मुंबईच्या सिद्धांत वाडवलकरचा 25-13, 11-25, 25-2 असा पराभव केला होता. तर अभिजितने मुंबईच्या प्रफुल मोरेला 25-21, 18-17 असे नमवून अंतिम फेरीत प्रवेश केला होता. तिसऱ्या क्रमांकाच्या सामन्यात सिद्धांत वाडवलकरने प्रफुल मोरेवर 25-0, 21-23, 24-7 अशी मात केली.
IWL : 13 नोव्हेंबरपासून महिला फुटबॉलचा थरार; आठ संघांमध्ये जेतेपदासाठी चुरस
स्पर्धेतील विजेत्यांना एमआयजी क्रिकेट क्लबच्या क्रिकेट विभागाचे सचिव अमित दाणी, इनडोअर गेम्सचे सचिव निनाद बोरकर आणि ट्रस्टी केदार कलबाग यांच्या हस्ते रोख पारितोषिके, चषक आणि प्रमाणपत्रे देऊन गौरविण्यात आले.
या वेळी महाराष्ट्र कॅरम असोसिएशनचे उपाध्यक्ष यतिन ठाकूर, खजिनदार अजित सावंत, सहसचिव केतन चिखले आणि स्पर्धेचे सहाय्यक प्रमुख पंच योगेश सावंत उपस्थित होते.
Ans: ठाण्याच्या समृद्धी घाडिगावकरने महिला एकेरीचे विजेतेपद पटकावले.
Ans: मुंबईच्या प्रशांत मोरेने पुरुष एकेरीचे विजेतेपद मिळवले.
Ans: ही स्पर्धा मुंबईतील वांद्रे येथील एमआयजी क्रिकेट क्लबमध्ये आयोजित करण्यात आली होती.
