बुधवार, 21 ऑक्टोबर 2026
Hyderabad Beats Andhra Pradesh
मोहम्मद सिराजने कर्णधार म्हणून आपला पहिला सामना त्रिपुराविरुद्ध खेळला. या सामन्यात हैदराबादच्या संघाने फलंदाजी आणि गोलंदाजी या दोन्हीमध्ये उत्कृष्ट कामगिरी करत एक डाव आणि ४० धावांनी विजय मिळवला. संघाचा दुसरा सामना आणखी आव्हानात्मक असलेल्या आंध्र प्रदेशविरुद्ध होता. या सामन्यात मोहम्मद सिराजने कर्णधार म्हणून शानदार कामगिरी करत हैदराबादला २६७ धावांनी विजय मिळवून दिला. आपल्या नेतृत्वाखाली संघाल विजय मिळवून सिराजने बीसीसीआयलाही एक मोठा संकेत दिला आहे.
हैदराबादने नाणेफेक जिंकून प्रथम फलंदाजी करण्याचा निर्णय घेतला आणि आंध्र प्रदेशला गोलंदाजीचे आव्हान दिले. हैदराबादने आपल्या पहिल्या डावात केवळ २७५ धावा केल्या. अभिरथ रेड्डीने सर्वाधिक ६७ धावा केल्या, तर राहुल राधेशनेही नाबाद ५८ धावा केल्या. त्रिपुराना विजयने आंध्रसाठी चार विकेट्स घेतले. प्रत्युत्तरात, आंध्र प्रदेशचा संघ आपल्या पहिल्या डावात केवळ १८४ धावांवर सर्वबाद झाला. शेख राशीदने ६१ धावा केल्या. तनय त्यागराजनने हैदराबादसाठी पाच विकेट्स घेऊन आपल्या संघाला मोठी आघाडी मिळवून दिली.
दुसऱ्या डावात, हैदराबादने दमदार फलंदाजी करत ७ विकेट्स गमावून ३०६ धावांवर डाव घोषित केला. कोडिमेला हिमातेजाने १२३ धावांची नाबाद शानदार खेळी केली. तनय त्यागराजनने नाबाद ५३ धावा करून त्याला साथ दिली. प्रत्युत्तरात, आंध्र प्रदेशचा संपूर्ण संघ अवघ्या १३० धावांवर सर्वबाद झाला. यामुळे हैदराबादने २६७ धावांनी दणदणीत विजय मिळाला. दुसऱ्या डावात तनाय त्यागराजनने हैदराबादसाठी सहा विकेट्सही घेतले.
IPL 2027 आधी दिल्ली कॅपिटल्सची गुगली! फिरकीचा बादशाह आता नव्या भूमिकेत; ‘या’ खेळाडूची वापसी
