गुरुवार, 22 ऑक्टोबर 2026
फोटो सौजन्य - आयसीसी सोशल मिडिया
महिला विश्वचषक 2025 मध्ये श्रीलंकामध्ये होणारे हे सामने पावसामुळे रद्द झाले आहेत. आतापर्यत या स्पर्धेचे चार सामने पावसामुळे खराब झाले. त्यामुळे अनेक संघाना त्याच्या फायदा तर काही संघाना त्याचा तोटा होत आहे. कोलंबोमध्ये पुन्हा एकदा पावसाने कहर केला. कोलंबोमध्ये महिला विश्वचषक सामना पावसामुळे रद्द होण्याची ही चौथी वेळ आहे. न्यूझीलंड आणि पाकिस्तान यांच्यातील १९ वा सामना पावसामुळे अनिर्णित राहिला. रद्द झाल्यामुळे दक्षिण आफ्रिका आणि भारताला फायदा झाला.
सामना रद्द झाल्यामुळे, दक्षिण आफ्रिका उपांत्य फेरीत पोहोचला आणि उपांत्य फेरीत पोहोचणारा दुसरा संघ बनला. ऑस्ट्रेलियाने यापूर्वी उपांत्य फेरीत प्रवेश केला होता. न्यूझीलंड पाच सामन्यांतून चार गुणांसह पाचव्या स्थानावर आहे. दरम्यान, भारत चार सामन्यांतून चार गुणांसह चौथ्या स्थानावर आहे. भारताचा संघ आता आज इंग्लडविरुद्ध सामना खेळणार आहे हा सामना भारतासाठी महत्वाचा असणार आहे.
जर भारताने उर्वरित तीन सामने जिंकले तर ते उपांत्य फेरीत प्रवेश करेल. तथापि, जर त्यांनी एकही सामना गमावला तर त्यांना नशिबावर अवलंबून राहावे लागेल, कारण न्यूझीलंड उपांत्य फेरीत स्थान मिळविण्याच्या प्रयत्नात आहे. भारताचे तीन सामने इंग्लंड, न्यूझीलंड आणि बांगलादेशविरुद्ध आहेत, तर न्यूझीलंडचा सामना भारत आणि इंग्लंडशी होईल. सामन्याबद्दल बोलायचे झाले तर, न्यूझीलंडने नाणेफेक जिंकून प्रथम गोलंदाजी करण्याचा निर्णय घेतला. तथापि, पावसामुळे सामना लवकरच थांबला. पाऊस येण्यापूर्वी पाकिस्तानने तीन विकेट गमावल्या होत्या. त्यानंतर सामना ४६ षटकांचा करण्यात आला.
खेळ पुन्हा सुरू झाल्यावर, न्यूझीलंडच्या गोलंदाजांनी खेळावर पकड मजबूत केली आणि पाकिस्तानची धावसंख्या २५ षटकांत ५ बाद ९२ अशी केली. १९ व्या षटकात नतालिया परवेझ बाद झाली आणि त्यानंतर पुढच्याच षटकात फातिमा साना बाद झाली.
Two teams are through to the semis at #CWC25, but who will join them? Check out the State of Play for all eight teams ➡️https://t.co/bCdxHCyN63 pic.twitter.com/5Ecm6WKidQ — ICC (@ICC) October 18, 2025
न्यूझीलंडने दोन जलद विकेट्स घेऊन पाकिस्तानचे कंबरडे मोडले होते, पण त्यानंतर पुन्हा पाऊस आला. पाकिस्तानची सर्वाधिक धावा करणारी खेळाडू आलिया रियाझ (२८*) अजूनही क्रीजवर होती. पावसामुळे सामना रद्द करण्याचा निर्णय मॅच रेफरीने घेतला. लीह ताहुहूने २० धावा देऊन दोन विकेट्स घेतल्या. जेस केर, अमेलिया केर आणि एडन कार्सन यांनी प्रत्येकी एक विकेट घेतली.
