पाकिस्तानचा कर्णधार बाबर आझमने मैदानात केली ‘ती’ एक चूक, संपूर्ण संघाला मिळाली शिक्षा

पाकिस्तानच्या संघाने नुकत्याच वेस्ट इंडिजविरुद्ध (Pakistan Vs West Indies) झालेल्या एकदिवसीय मालिकेत विजय मिळवला आहे. मात्र याच मालिकेच्या शेवटच्या सामन्यात कर्णधार आझमने मैदानात केलेल्या कृत्याची शिक्षा (Babar Azam Illegal Fielding) संपूर्ण संघाला भोगावी लागली.

पाकिस्तानी संघाची कर्णधारपदाची जबाबदारी बाबर आझमच्या (Babar Azam) हाती देण्यात आलेली आहे. बाबर सध्या चांगल्या फॉर्ममध्ये आहे. त्याच्या शानदार फलंदाजीचे खूप कौतुक होत आहे. बाबरच्या नेतृत्वाखाली पाकिस्तानच्या संघाने नुकत्याच वेस्ट इंडिजविरुद्ध (Pakistan Vs West Indies) झालेल्या एकदिवसीय मालिकेत विजय मिळवला आहे. मात्र याच मालिकेच्या शेवटच्या सामन्यात कर्णधार आझमने मैदानात केलेल्या कृत्याची शिक्षा (Babar Azam Illegal Fielding) संपूर्ण संघाला भोगावी लागली.

[read_also content=”दिशाभूल करणाऱ्या जाहिरातींना बसणार आळा, केंद्र सरकारकडून नवी मार्गदर्शक तत्वे जारी https://www.navarashtra.com/india/central-government-of-india-issued-guidelines-for-advertisements-nrsr-291095.html”]

पाकिस्तान आणि वेस्ट इंडिजदरम्यानचा दुसरा सामना शुक्रवारी मुलतानमध्ये झाला. हा सामना पाकिस्तानने १२० धावांनी जिंकला. मात्र या सामन्यात पाकिस्तानचा कर्णधार बाबर याने एक चूक केली. वेस्ट इंडिजची फलंदाजी सुरू असताना मोहम्मद नवाजने २९वे षटक टाकले. त्यावेळी वेस्ट इंडिजचा अल्झारी जोसेफ स्ट्राईकवर होता. त्याने नवाजचा पहिला चेंडू डाव्या बाजूला टोलावला आणि एक धाव घेण्यासाठी धावला. यानंतर क्षेत्ररक्षकाने चेंडू यष्ट्यांच्या दिशेने फेकला. हा चेंडू क्षेत्ररक्षणासाठी उभ्या असलेल्या बाबरने अडवला पण हे करताना त्याने यष्टीरक्षण करण्याच्या हातमोज्यांचा वापर केला.

बाबरची ही कृती क्रिकेटच्या नियमानुसार अयोग्य होती. क्रिकेटचे नियम बनवणारी संस्था मेरीलेबोन क्रिकेट क्लबने याबाबत स्पष्ट नियमावली तयार केलेली आहे. या नियमावलीतील नियम २८.१ नुसार, ‘यष्टीरक्षकाशिवाय कोणत्याही क्षेत्ररक्षकाला हातमोजे किंवा बाह्य लेग गार्ड घालण्याची परवानगी नाही.’ बाबरने २९व्या षटकादरम्याने नेमके हेच केले. त्यामुळे पंचानी संपूर्ण पाकिस्तानच्या संघाला शिक्षा दिली. पंचांनी पाकिस्तानच्या संघाला दंड म्हणून वेस्ट इंडिजच्या संघाला अतिरिक्त पाच धावा दिल्या.