Paris Paralympics 2024 : निषाद कुमारचा उंच उडीमध्ये विक्रम; रौप्यपदक जिंकत केली मोठी कामगिरी

पॅरिस पॅरालिम्पिकमध्ये निषाद कुमारने उंच उडीमध्ये भारताला आणखी एक पदक मिळवून दिले. 24 वर्षीय निषाद कुमारने पॅरिसमध्ये सुरू असलेल्या पॅरालिम्पिकमध्ये उंच उडी (पुरुष श्रेणी) T47 स्पर्धेत चांगली कामगिरी करीत सिल्व्हर मेडल मिळवले.

Paris Paralympics 2024 : पॅरिस पॅरालिम्पिकमध्ये निषाद कुमारने धमाकेदार कामगिरी करीत उंच उडीमध्ये रौप्यपदक जिंकत भारताच्या पदकांमध्ये भर टाकली. 24 वर्षीय निषाद कुमारने पॅरिसमध्ये सुरू असलेल्या पॅरालिम्पिकमध्ये उंच उडी (पुरुष श्रेणी) T47 स्पर्धेत रौप्य पदक जिंकले आहे. अमेरिकेच्या रॉड्रिक टाऊनसेंडनंतर निषाद दुसऱ्या क्रमांकावर आहे. टाऊनसेंडने सुवर्णपदकावर कब्जा केला आहे.

See more

Sports transcend boundaries, uniting the world!@nishad_hj's joyous moments with fellow medallists after his #Paralympics2024 Silver win.#Cheer4Bharat @mansukhmandviya @Media_SAI @IndiaSports @PCI_IN_Official pic.twitter.com/oIHTSzljNl

— Raksha Khadse (@khadseraksha) September 2, 2024

भारतीय खेळाडूंचे आश्चर्य कायम

पॅरिस पॅरालिम्पिक 2024 मध्ये भारतीय खेळाडूंचे आश्चर्य कायम आहे. भारतीय धावपटू निषाद कुमारने पुरुषांच्या उंच उडीत (T47) रौप्यपदक जिंकले आहे. निषादने या मोसमात 2.04 मीटरची सर्वोत्तम उडी मारली. यांसह भारताने या पॅरालिम्पिकमध्ये सातवे पदक जिंकले आहे. त्याचबरोबर ॲथलेटिक्समधील भारताचे हे तिसरे पदक आहे. निषाद (२४) याने तीन वर्षांपूर्वी टोकियो पॅरालिम्पिकमध्येही या स्पर्धेत रौप्यपदक जिंकले होते. पुरुषांच्या उंच उडीत (T47) अमेरिकेचा रॉड्रिक टाऊनसेंड पहिला राहिला. त्याने सुवर्णपदकावर कब्जा केला. टाऊनसेंडने टोकियो पॅरालिम्पिकमध्येही सुवर्णपदक जिंकले.

11 खेळाडूंमध्ये वर्चस्व
या स्पर्धेत 11 खेळाडूंमध्ये वर्चस्व राखत निषादने चमकदार कामगिरी केली. मात्र, टाऊनसेंडने 2.12 मीटरचा टप्पा ओलांडून मोसमातील आपली सर्वोत्तम कामगिरी करून सुवर्णपदक पटकावले. निषादने टोकियोमधून आपले पदक आणखी सुधारण्यासाठी पॅरिस पॅरालिम्पिकमध्ये भाग घेतला होता. मात्र, अमेरिकन ॲथलीट टाऊनसेंड पुन्हा एकदा निषादसाठी अडसर ठरला.

भारताचा राम पाल सातव्या स्थानावर
दरम्यान, आणखी एक भारतीय उंच उडीपटू राम पाल यानेही (1.95 मीटर) चांगली कामगिरी केली. मात्र, तो सातव्या क्रमांकावर राहिला. निषादच्या आधी, प्रीती पालने पॅरिस पॅरालिम्पिकमध्ये ऍथलेटिक्समध्ये तिचे दुसरे पदक (कांस्य) जिंकले होते, जी महिलांची 200 मीटर T35 स्पर्धा होती.

आई व्हॉलीबॉल खेळाडू
आम्ही तुम्हाला सांगतो की वयाच्या सहाव्या वर्षी निषादला एका भीषण अपघाताला सामोरे जावे लागले होते. त्यानंतर कुटुंबाच्या शेतातील गवत कापण्याच्या यंत्राने त्याचा उजवा हात कापला. असे असूनही त्याने क्रीडा, विशेषत: ॲथलेटिक्समध्ये आपली प्रतिभा सिद्ध केली. यासाठी त्याच्या आईने त्याला प्रेरणा दिली, जी स्वतः राज्यस्तरीय व्हॉलीबॉल खेळाडू आणि डिस्कस थ्रोअर आहे. निषादने 2009 मध्ये पॅरा-ॲथलेटिक्समध्ये प्रवेश केला.

पॅरिस पॅरालिम्पिक 2024 मधील भारताचे पदक विजेते

1. अवनी लेखरा (नेमबाजी) – सुवर्णपदक, महिला 10 मीटर एअर रायफल (SH1)
2. मोना अग्रवाल (नेमबाजी) – कांस्य पदक, महिला 10 मीटर एअर रायफल (SH1)
3. प्रीती पाल (ॲथलेटिक्स) – कांस्यपदक, महिलांची 100 मीटर शर्यत (T35)
4. मनीष नरवाल (नेमबाजी) – रौप्य पदक, पुरुष 10 मीटर एअर पिस्तूल (SH1)
5. रुबिना फ्रान्सिस (नेमबाजी) – कांस्य पदक, महिला 10 मीटर एअर पिस्तूल (SH1)

6. प्रीती पाल (ॲथलेटिक्स) – कांस्यपदक, महिलांची 200 मीटर शर्यत (T35)