टेनिसपटू राफेल नदाल (Rafael Nadal) याने विम्बल्डन (Wimbledon) स्पर्धेमधून माघार घेतली आहे. पोटातील स्नायूंच्या दुखापतीमुळे (Injuru To Rafael Nadal) पुढचे दोन सामने जिंकू शकत नाही. त्यामुळे आत्मसन्मानासाठी स्पर्धेतून माघार घेण्याचा निर्णय घेतला आहे असे राफेल नदालने म्हटले आहे. राफेलच्या या निर्णयाचा फायदा ऑस्ट्रेलियाच्या निक किर्गिओसला होणार आहे. कारण राफेल खेळणार नसल्याने निक किर्गिओसला आपल्या कारकिर्दीतील पहिली ग्रँडस्लॅमच्या अंतिम फेरीत प्रवेश मिळाला आहे.
Until next time, Rafa ? Wishing you a speedy recovery.#Wimbledon — Wimbledon (@Wimbledon) July 7, 2022
मिळालेल्या माहितीनुसार, नदालला स्पर्धेच्या सुरुवातीपासूनच पोटातील स्नायूंना दुखापत झाली होती. मात्र, बुधवारी झालेल्या टेलर फ्रिट्झविरुद्धच्या उपांत्यपूर्व फेरीत त्याला झालेल्या दुखापतीचा त्रास जास्तच वाढला. मात्र, असह्य वेदना होत असतानाही नदालने लढा देत सेमीफायनलमध्ये प्रवेश केला होता. मात्र आता ही दुखापत वाढल्यानं राफेल नदालने सेमीफायलनमध्ये न खेळण्याचा निर्णय घेतला आहे. दुखापतीमुळे पुढचे दोन सामने जिंकू शकत नाही. माझ्यासाठी विजेतेपदापेक्षा आनंद महत्त्वाचा आहे. ही दुखापत जास्त दीर्घकाळ राहू नये, त्यामुळे मी हा निर्णय घेतला असल्याचे नदालने सांगितले आहे.
