शनिवार, 17 ऑक्टोबर 2026
विराट कोहली आणि अरुण धुमल(फोटो-सोशल मीडिया)
RCB Vs PBKS : आयपीएल २०२५ च्या काल पार पडलेल्या दुसऱ्या क्वालिफायर सामन्यात पंजाब किंग्जने मुंबई इंडियन्सचा ५ विकेट्सने दणदणीत पराभव केला. या विजयासह पंजाबने अंतिम फेरीत प्रवेश केला. मुंबई इंडियन्सने पंजाबसमोर २०४ धावांचे लक्ष्य ठेवले होते. धावांचा पाठलाग करताना, पंजाब किंग्जकडून श्रेयस अय्यरने ४१ चेंडूत ८७ धावांची वादळी खेळी केली. त्याच्या खेळीच्या जोरावर २०४चे लक्ष्य १९ व्या षटकात सहज पूर्ण केले. पंजाब कींग्ज आणि रॉयल चॅलेंजर्स बंगळुरू ३ जूनला आयपीएलचा अंतिम सामना खेळणार आहे. त्याआधीच आयपीएलचे अध्यक्ष अरुण धुमल यांनी क्रिकेट दिग्गज विराट कोहलीबाबत एक मोठे विधान केले आहे. त्यांच्या विधानानंतर विराट कोहलीच्या चाहत्यांना टेंशन आले आहे. पहिल्या टी-२० विश्वचषकानंतर विराट कोहलीने ज्या प्रकारे टी२० मधून निवृत्ती जाहीर केली होती. त्यानंतर त्याने अचानक कसोटी क्रिकेटला देखील निरोप दिला होता.
आता एकीकडे बंगळुरू ससंघाने अंतिम फेरीत धडक मारली आहे. त्यामुळे कोहलीचे चाहते मोठ्या चिंतेत दिसत आहेत आहेत. सोशल मीडियावर अशी चर्चा सुरू झाली आहे आय, विराट कोहली पहिला आयपीएल ट्रॉफी जिंकल्यानंतर फ्रँचायझी क्रिकेटमधून देखील निवृत्ती घेणार आहे. तथापि, अद्याप त्याबाबत कोणतेही अधिकृत विधान समोर आलेले नाही. त्याच वेळी, आयपीएल अध्यक्षांनी या चर्चेला आणखी दुजोरा दिला आहे.
रॉयल चॅलेंजर्स बंगळुरूने आयपीएल २०२५ चा अंतिम सामना जरी जिंकला तरी आयपीएल खेळत रहावे असे आवाहन आयपीएल अध्यक्षांनी विराट कोहलीला केले आहे. आयपीएल अध्यक्षांनी कोहलीच्या वचनबद्धतेचे कौतुक करत त्याची तुलना टेनिस दिग्गजांशी केली आहे.
VIDEO | IPL Chairman Arun Singh Dhumal wants Virat Kohli to reconsider his retirement from test cricket. He also wants Virat to continue playing IPL even if RCB wins the trophy this time. He has also drawn a parallel between Virat Kohli in cricket and Roger Federer and Novak… pic.twitter.com/t5Y3p1DTZH — Press Trust of India (@PTI_News) June 1, 2025
आयपीएलचे अध्यक्ष अरुण धुमल म्हणले की, “मला आशा आहे की तो आयपीएलमधून निवृत्त होणार नाही, तो या खेळाचा सर्वात मोठा राजदूत आहे. क्रिकेटसाठी त्याची बांधिलकी रॉजर फेडरर किंवा नोवाक जोकोविचसारखी आहे, जी त्यांची टेनिससाठी आहे, म्हणून त्याने तीच वचनबद्धता पुढे चालू राहू द्यावी” असे धुमल म्हणाले आहेत.
हेही वाचा : PBKS vs MI : पंजाब किंग्जची अंतिम फेरीत धडक अन् Preity Zinta ने आनंदाने मारल्या उड्या, पहा VIDEO
आरसीबी आता आयपीएलच्या फायनलमध्ये पोहचला आहे. त्यांचे हे पहिले विजेतेपद ठरू शकते. त्यांच्या जिंकण्यावर अवलंबून असलेल्या लीगमधून कोहलीच्या संभाव्य निवृत्तीबद्दलच्या चर्चा हॉट असताना त्या पार्श्वभूमीवर धुमलचे हे विधान समोर आले आहे.
