शनिवार, 24 ऑक्टोबर 2026
फोटो सौजन्य - BCCI Domestic सोशल मिडिया
Ishan Kishan Statement : भारताचा संघ सध्या दक्षिण आफ्रिका यांच्यामध्ये पाच सामन्यांची टी20 मालिका खेळवली जात आहे. विश्वचषकाआधी भारताच्या संघासाठी ही मालिका फार महत्वाची आहे. तर सय्यद मुश्ताक अली ट्रॉफीचे फायनलचा सामना काल पार पडला या सामन्यामध्ये झारखंडच्या संघाने बाजी मारली आहे. सय्यद मुश्ताक अली ट्रॉफी इशान किशनसाठी स्वप्नापेक्षा कमी नव्हती. त्याने १० सामन्यांमध्ये ५१७ धावा केल्या आणि सरासरी ५० पेक्षा जास्त होती. इतक्या चांगल्या कामगिरीनंतर, चाहत्यांना विश्वास आहे की तो फेब्रुवारी २०२६ पासून सुरू होणाऱ्या टी२० विश्वचषकासाठी टीम इंडियामध्ये स्थान मिळवेल.
त्याने या स्पर्धेमध्ये कमालीची कामगिरी केली आहे. मागील काही महिन्यांपासून त्याला भारतीय संघामध्ये जागा मिळाली नाही. तथापि, इशान किशनला विश्वचषकासाठी निवडले जाण्याची किंवा दुर्लक्षित करण्यात कोणतीही अडचण नाही. तो फक्त त्याच्या कामगिरीवर लक्ष केंद्रित करतो असे त्याने सांगितले आहे.
नोव्हेंबर २०२३ पासून इशान किशनची टीम इंडियासाठी निवड झालेली नाही. शिस्तभंगाच्या कारणांमुळे निवडकर्त्यांनी आणि मुख्य प्रशिक्षकांनी त्याला संघातून वगळले. झारखंडला SMAT विजेतेपद मिळवून दिल्यानंतर टीम इंडियासाठी निवड न झाल्याबद्दल बोलताना किशन म्हणाला, “टीम इंडियासाठी निवड होत नाही तेव्हा खूप वाईट वाटते, कारण मी चांगली कामगिरी करत होतो. मी स्वतःला सांगितले की जर अशा कामगिरीनंतरही माझी निवड होत नसेल तर मला अधिक चांगले करावे लागेल. मला कदाचित माझ्या संघाला जिंकण्यास मदत करावी लागेल. कदाचित आपल्याला एकत्र चांगले करावे लागेल.”
19 saal baad – SMAT ko mila hai ek naya champion. Undefeated. Unstoppable – Posting the highest score in the format’s history in the final – Jharkhand led by Ishan Kishan and the co have earned it! 👏 Special mention for Haryana who’ve had a fantastic season as well 🙌 pic.twitter.com/VSTGmwkeMg — Aakash Chopra (@cricketaakash) December 18, 2025
टी-२० विश्वचषकाला खूप कमी वेळ शिल्लक असल्याने, किशनचे टीम इंडियामध्ये पुनरागमन अशक्य दिसते आहे, कारण त्याला सामावून घेण्यासाठी संयोजन बदलावे लागेल. यावर बोलताना इशान म्हणाला, “मला माहित आहे की कधीकधी तुम्ही तुमच्या संधींबद्दल विचार करता. जेव्हा तुम्हाला तुमचे नाव दिसत नाही तेव्हा वाईट वाटते. मी सध्या असा विचार करत नाही. मी काहीही अपेक्षा करत नाही. माझे काम फक्त कामगिरी करणे आहे.”
