RCB Vs DC Live streaming (फोटो- ट्विटर)
दिल्ली कॅपिटल्सचा प्रथम गोलंदाजीचा निर्णय
विराट कोहली 19 रन्स करून आउट
फिलिप सॉल्टने केली शानदार अर्धशतकी खेळी
Tata IPL 2026 RCB Vs DC Live Updates: सध्या बंगळुरूच्या एम. चिन्नास्वामी स्टेडियमवर रॉयल चॅलेंजर्स बंगलोर विरुद्ध दिल्ली कॅपिटल्स यांच्यात मॅच सुरू आहे. दिल्ली कॅपिटल्सचा कर्णधार अक्षर पटेलने टॉस जिंकून प्रथम गोलंदाजी करण्याचा निर्णय घेतला होता. आज आरसीबी चिन्नास्वामी स्टेडियमवर (IPL 2026) आपला 100 वा सामना खेळत आहे. आरसीबीने प्रथम फलंदाजी करताना 20 ओव्हर्समध्ये रन्स 175 केल्या आहेत. आरसीबीने दिल्ली कॅपिटल्सला 176 रन्सचे आव्हान दिले आहे.
आरसीबीची फलंदाजी
दिल्ली कॅपिटल्सने प्रथम फलंदाजीसाठी आमंत्रित केल्यावर फिलिप सॉल्ट आणि विराट कोहली सलामीला खेळण्यासाठी आले. दोघांनी पॉवर प्लेमध्ये संघाला चांगली सुरुवात करून दिली. मात्र आपला 300 वा सिक्स मारण्याच्या प्रयत्नात असलेला विराट कोहली 19 रन्स करून आउट झाला. त्याने मारलेला फटका सिक्स गेला असतं तर आयपीएलमध्ये 300 सिक्स मारण्याचा विक्रम त्याच्या नावावर झाला असता. त्यानंतर देवदत्त पाडीकल खेळण्यासाठी मैदानात उतरला.
5️⃣0️⃣ reasons to absolutely love this knock 👏 Phil Salt keeps #RCB going with a 30-ball half-century Updates ▶️ https://t.co/vfJ6SccA9T#TATAIPL | #KhelBindaas | #RCBvDC | @RCBTweets pic.twitter.com/sBCyiRtuNC — IndianPremierLeague (@IPL) April 18, 2026
फिलिप सॉल्टने जबरदस्त अर्धशतकी खेळी केली. मात्र तो 63 रन्स करून आउट झाला. तर देवदत्त पाडीकल 18 रन्स करून आउट झाला. फॉर्ममध्ये असलेला कर्णधार रजत पाटीदार या सामन्यात मोठी खेळी करू शकला नाही. तो केवळ 8 रन्स करून आउट झाला. टीम डेव्हिड खेळायला आल्यावर त्याने पहिल्याच चेंडूवर चौकार मारला. मात्र 26 रन्स करून टीम डेव्हिड बाद झाला. शेफर्ड देखील 1 रन करून बाद झाला.
RCB Vs DC Toss Live: अक्षर पटेलने टॉस जिंकला; दिल्ली कॅपिटल्सने घेतला ‘हा’ निर्णय
दिल्ली कॅपिटल्सची गोलंदाजी
दिल्ली कॅपिटल्सच्या गोलंदाजांनी पॉवर प्लेमध्ये बऱ्यापैकी चांगली गोलंदाजी केली. दरम्यान विराट कोहली 19 रन्स वर असताना लुंगी एनगिडीने त्याची विकेट पटकावली. विराट कोहलीचा कॅच पाथूम निसांकाने पकडला. कर्णधार अक्षर पटेलने देवदत्त पाडीकलला 18 रन्सवर आउट केले तर कुलदीप यादवने सेट झालेल्या फिलिप सॉल्टला 63 रन्सवर आउट केले. मुकेश कुमारने पाटीदारला आउट केले. कुलदडेप यादवने शेफर्डची विकेट घेतली.
आरसीबीची संभाव्य टीम: फिल सॉल्ट, विराट कोहली, देवदत्त पडिक्कल, रजत पाटीदार (कर्णधार), जितेश शर्मा (यष्टिरक्षक), टिम डेव्हिड, रोमारिओ शेफर्ड, कृणाल पांड्या, भुवनेश्वर कुमार, जोश हेझलवूड, रसीख सलाम, सुयश शर्मा.
दिल्ली कॅपिटल्सची संभाव्य टीम: पाथुम निसंका, के.एल. राहुल (यष्टिरक्षक), समीर रिझवी, अक्षर पटेल (कर्णधार), डेव्हिड मिलर, ट्रिस्टन स्टब्स, आकिब नबी, कुलदीप यादव, लुंगी एन्गिडी, टी. नटराजन, मुकेश कुमार.
