गुरुवार, 22 ऑक्टोबर 2026
Tata IPL RCB Vs DC Live Streaming (फोटो- सोशल मिडिया)
आरसीबी विरुद्ध दिल्ली कपिटल्स येणार आमनेसामने
एम. चिन्नास्वामी स्टेडियमवर रंगणार सामना
पॉईंट्स टेबलमध्ये आरसीबी दुसऱ्या स्थानावर
Tata IPL 2026 RCB Vs DC Live Updates: आज बंगळुरूच्या एम. चिन्नास्वामी स्टेडियमवर रॉयल चॅलेंजर्स बंगलोर विरुद्ध दिल्ली कॅपिटल्स यांच्यात सामना होणार आहे. आज शनिवार असल्याने (IPL 2026) आज चाहत्यांना डबल हेडर सामने पाहायला मिळणार आहेत. हा सामना दुपारी 3.30 वाजता सुरू होणार आहे. दरम्यान आजच्या सामन्यात दिल्ली कॅपिटल्सने टॉस जिंकून प्रथम गोलंदाजी करण्याचा निर्णय घेतला आहे.
आरसीबीकडून विराट कोहली, टीम डेव्हिड, कर्णधार रजत पाटीदार आणि भुवनेश्वर कुमार आणि पूर्ण आरसीबीचा संघ जबरदस्त फॉर्ममध्ये दिसू येत आहे. आरसीबीने यंदाच्या हंगामात सर्व सामने जिंकले आहेत. तर दिल्ली कॅपिटल्स सध्या पॉईंट्स टेबलमध्ये 6 व्या स्थानावर आहे. त्यामुळे आजचा सामना जिंकून दिल्ली कॅपिटल्सकहा संघ पॉईंट्स टेबलमध्ये आघाडी घेण्याचा प्रयत्न करताना दिसून येईल. समीर रिझवी, केएल राहुल, अक्षर पटेल यांच्या कामगिरीकडे सर्वांचे लक्ष असणार आहे. त्यामुळे आजच्या सामन्यात धावांचा पाऊस आणि रोमांच चाहत्यांना पाहायला मिळणार आहे.
हेड टू हेड रेकॉर्ड
आयपीएलच्या इतिहासात आरसीबी विरुद्ध डीसी आतापर्यंत 33 वेळा आमनेसामने आले आहेत. त्यामध्ये आरसीबीने 20 तर दिल्लीने 12 सामने जिंकले आहेत. त्यामुळे सध्यातरी आरसीबीचे पारडे मजबूत दिसून येत आहे. मागील 5 सामन्यात आरसीबीने दिल्लीला 5 पैकी 3 सामने जिंकले आहेत. होम ग्राऊंडवर सामना होत असल्याने आरसीबीच्या संघाचे पार जड असल्याचे दिसून येत आहे. त्यामुळे आज दिल्ली कॅपिटल्स कसा खेळ करते हे पहावे लागणार आहे.
पीच रिपोर्ट
एम. चिन्नास्वामी स्टेडियमची खेळपट्टी ही फलंदाजांसाठी नंदनवन समजली जाते. आता पर्यंत या हंगामात या ठिकाणी तीन सामने झाले आहेत. तीनही सामन्यात हाय स्कोअर झाल्याचे पाहायला मिळाले. आरसीबीने होम ग्राउंडवर आपले सर्व सामने या हंगामात जिंकले आहेत. या स्टेडियमचा आकार काही प्रमाणात लहान असल्याने टॉस जिंकून गोलंदाजी करण्याचा निर्णय घेण्याची शक्यता जास्त प्रमाणात असते.
DC Vs GT: मिलरने केला दिल्लीचाच ‘गेम’; ‘त्या’ एका चुकीमुळे कॅपिटल्सचा 1 रन्सने दारुण पराभव
आरसीबीची संभाव्य टीम: फिल सॉल्ट, विराट कोहली, देवदत्त पडिक्कल, रजत पाटीदार (कर्णधार), जितेश शर्मा (यष्टिरक्षक), टिम डेव्हिड, रोमारिओ शेफर्ड, कृणाल पांड्या, भुवनेश्वर कुमार, जोश हेझलवूड, रसीख सलाम, सुयश शर्मा.
दिल्ली कॅपिटल्सची संभाव्य टीम: पाथुम निसंका, के.एल. राहुल (यष्टिरक्षक), समीर रिझवी, अक्षर पटेल (कर्णधार), डेव्हिड मिलर, ट्रिस्टन स्टब्स, आकिब नबी, कुलदीप यादव, लुंगी एन्गिडी, टी. नटराजन, मुकेश कुमार.
