जगप्रसिद्ध टेनिसपटू नोवाक जोकोविचच्या हत्येचा कट; अन्नातून दिलं होतं विष
जगप्रसिद्ध टेनिसपटू नोव्हाक जोकोविचने धक्कादायक दावा केला आहे. 2022 च्या ऑस्ट्रेलियन ओपनपूर्वी ऑस्ट्रेलियातून डिपोर्ट होण्यापूर्वी विष देण्यात आल्याचं त्याने म्हटलं आहे. त्यामुळे क्रीडा क्षेत्रासह जगभरात खळबळ माजली आहे. जागतिक नंबर वन असलेल्या जोकोव्हिचचा व्हिसा रद्द करण्यात आला आणि त्याने कोरोना व्हायरस म्हणजेच कोविड-19 चे लस घेण्यास नकार दिला. त्यामुळे त्याला परत पाठवण्यात आले होते. यावेळी त्याला एका हॉटेलमध्ये ठेवण्यात आलं होतं.
“मला काही आरोग्य समस्या होत्या आणि मला जाणवले की मेलबर्नमधील त्या हॉटेलमध्ये, मला असे काही अन्न देण्यात आले होते ज्यामुळे मला विषबाधा झाली होती. त्यानंतर त्याच्या शरीरात शिसे आणि पाराचे अंश आढळले, GQ मासिकाला दिलेल्या मुलाखतीत हा दावा त्याने केला आहे.
IND W vs IRE W : भारताला संघाला मिळाले पहिले यश, साधूने सारा फोर्ब्सला पाठवले पॅव्हेलियनमध्ये
37 वर्षीय जोकोविचने GQ मासिकाला सांगितले की, मला आरोग्याच्या काही समस्या होत्या. मेलबर्नमधील त्या हॉटेलमध्ये मला काही अन्न दिलं गेलं, त्या अन्नातून मला विष दिलं होतं. सर्बियाला परत आल्यावर मला काहीतरी जाणवलं. मी हे कधीच कोणाला जाहीरपणे सांगितले नाही, पण माझ्या शरीरात ‘जड धातू’चे प्रमाण खूप जास्त असल्याचे निष्पन्न झाले. माझ्या शरीरात शिसे आणि पारा यांचे प्रमाण खूप जास्त होते.
हॉटेलचे जेवण हे याचे कारण आहे का असे त्याला विचारले असता त्याने उत्तर दिले की, हा एकमेव मार्ग आहे. रविवारी मोसमातील पहिली ग्रँड स्लॅम स्पर्धा सुरू होत असताना जोकोविच 11वे ऑस्ट्रेलियन ओपन जेतेपद आणि विक्रमी 25वे मोठे विजेतेपद मिळविण्याच्या प्रयत्नात होता. 2022 चा वाद असूनही ऑस्ट्रेलियन लोकांबद्दल आपला कोणताही राग नाही, असे त्याने ठामपणे सांगितले. 12 महिन्यांनंतर तो मेलबर्नला परतला, जिथे त्याने स्पर्धा जिंकली. त्यावेळी तो म्हणाला की, गेल्या काही वर्षांत मी ऑस्ट्रेलिया किंवा जगाच्या इतर भागांमध्ये भेटलेले अनेक ऑस्ट्रेलियन माझ्याकडे आले आणि त्यांनी मला दिलेल्या वागणुकीबद्दल माफी मागितली, कारण त्यावेळी त्यांना त्यांच्याच सरकारकडून त्रास होत होता. आता सरकार बदलले आहे आणि त्यांनी माझा व्हिसा पुन्हा मिळवून दिला आहे, त्याबद्दल मी खूप आभारी आहे.
तो पुढे म्हणाला की, मला तिथे राहायला आवडते. मला वाटते की हे माझ्या टेनिस खेळण्याचा आणि त्या देशात राहून मला कसे वाटते याचा मोठा पुरावा आहे. काही वर्षांपूर्वी ज्यांनी मला त्या देशातून हद्दपार केले त्यांना मी कधीही भेटलो नाही. मला त्यांना भेटण्याची इच्छा नाही. मी त्यांना एक दिवस भेटलो तरी चालेल. हात जोडून पुढे जाताना मला आनंद होत असल्याचं त्यांने म्हटलं आहे.
.png "Videos"){kind=small}
