सोमवार, 19 ऑक्टोबर 2026
केएल राहुल आऊट की नॉटआऊट; प्रसिद्ध अंपायर सायमन टॉफेल यांचे यावर मोठे विधान; जाणून घ्या त्यांनी काय सांगितले
The Case of KL Rahul : ऑस्ट्रेलियाविरुद्ध केएल राहुलला बाद करण्याचा वाद संपत नाहीये. भारताचे माजी क्रिकेटपटू संजय मांजरेकर यांनी टीव्ही अंपायरच्या निर्णयाबाबत असहमत व्यक्त करीत त्यांना दिलेल्या सुविधांबाबत मी अजिबात खूश नसल्याचे सांगितले.
टीव्हीमध्ये सरळ सरळ दिसतेय हे चुकीचे
माजी भारतीय क्रिकेटपटू संजय मांजरेकर यांनीही पर्थ कसोटीच्या पहिल्या दिवशी केएल राहुलच्या डीआरएस निर्णयावर बाद झाल्याबद्दल आपली प्रतिक्रिया दिली आहे. मांजरेकर म्हणाले की, राहुलला बाद करण्यासाठी पुरेसे पुरावे नाहीत. राहुल जेव्हा 26 च्या वैयक्तिक धावसंख्येवर फलंदाजी करीत होता तेव्हा मैदानावरील पंच रिचर्ड कॅटलब्रो यांनी मिशेल स्टार्कच्या चेंडूवर झेलबाद करण्याच्या अपीलवर त्याला नाबाद घोषित केले. ऑस्ट्रेलियाने रिव्ह्यू घेतला आणि रिप्लेमध्ये, चेंडू बॅटजवळून जात असताना स्निकोमध्ये एक स्पाइक दिसला, परंतु त्याच वेळी राहुलच्या बॅटचाही पॅडला धक्का लागला.
तिसऱ्या पंचाने सांगितले निर्णय मागे घ्यावा
तिसरे पंच रिचर्ड इलिंगवर्थ यांनी कॅटलब्रोला आपला निर्णय मागे घेण्यास सांगितले. या निर्णयाशी असहमती व्यक्त करत राहुल पॅव्हेलियनमध्ये परतला आणि भारताच्या 47 धावांवर चार विकेट पडल्या. तंत्रज्ञानाचा पुरेपूर वापर झाला नसल्याचा दाखला देत मांजरेकर म्हणाले की, टीव्ही अंपायरने ऑनफिल्ड अंपायरला आपला निर्णय मागे घेण्यास सांगायला नको होते.
टीव्ही अंपायरला दिलेल्या सुविधांबाबत निराश
मांजरेकर यांनी स्टार स्पोर्ट्सला सांगितले की, ‘सर्वप्रथम मी टीव्ही अंपायरला दिलेल्या सुविधांबाबत निराश झालो आहे. त्यांनी आणखी पुरावे द्यायला हवे होते. फक्त काही कोनांवर आधारित असा महत्त्वाचा निर्णय घ्यायला हवा होता असे मला वाटत नाही. माझा मुद्दा असा आहे की उघड्या डोळ्यांना दिसणारी एकमेव गोष्ट म्हणजे बॅटने पॅडशी संपर्क साधला होता. याशिवाय, कोणत्याही निष्कर्षावर येण्यासाठी तुम्हाला Snicko ची गरज आहे.
स्निकोवर आणखी एक स्पाइक असायला हवे होते
मांजरेकर म्हणाले, ‘म्हणून जर चेंडू बॅटला लागला असता तर साहजिकच स्निकोवर आणखी एक स्पाइक असायला हवे होते कारण दोन घटना घडल्या यात शंका नाही. बॅट आणि पॅडमधला संपर्क होता हे बघून पूर्णपणे स्पष्ट झाले. जर स्पाइक त्याची असती तर ती बाह्य किनार असण्याचा प्रश्नच उद्भवला नसता. जर दोन स्पाइक दिसत असतील तर असे म्हणता येईल की पहिला स्पाइक चेंडूला मारणाऱ्या बॅटचा होता. अशा स्थितीत टीव्ही अंपायरला देण्यात आलेल्या निकृष्ट सुविधांशिवाय हे दुसरे काही नव्हते. यातून अंपायरचा निष्काळजीपणा दिसतो. एक स्पाईक आल्यावर लगेच आऊट दिला.
हेही वाचा : नितीशकुमार रेड्डीची धमाकेदार खेळी; फलंदाज एका एका धावेसाठी झगडत असताना; पॅट कमिन्सची केली धुलाई
