जगभरात डिजिटल अंधार पसरला! Amazon, Google, Snapchat आणि इतर अनेक Apps बंद

दिवाळीच्या दिवशी सकाळी जगभरातील काही सर्वात मोठ्या वेबसाइट्स आणि अॅप्सना मोठ्या इंटरनेट बिघाडाचा (आउटेज) सामना करावा लागला. या बिघाडाचा फटका Amazon, Google यांसारख्या लोकप्रिय सेवांना बसला.

• Amazon, Googleपासून Canvaपर्यंत सर्व काही बंद
• दिवाळीच्या दिवशी मोठा Outage
• सकाळी ९ वाजण्याच्या सुमारास इंटरनेट आउटेज सुरू

जगातील काही मोठ्या वेबसाइट्स आणि अॅप्सना सोमवारी सकाळी दिवाळीच्या पहिल्याच दिवशी मोठा इंटरनेट आउटेजचा सामना करावा लागला. या सेवांमध्ये Amazon, Google, Snapchat, Roblox, Fortnite आणि Canva सारख्या लोकप्रिय सेवांचा समावेश होता. अनेक युजर्सने तक्रार केली की अॅप्स आणि वेबसाइट्स लोड होत नाहीत किंवा खूप हळू काम करत आहेत. सोमवारी सकाळी ९ वाजण्याच्या सुमारास इंटरनेट आउटेज सुरू झाले.

हजारो वापरकर्त्यांनी Down Detector कडे तक्रारी दाखल केल्या आहेत. अहवालांनुसार, अनेक अॅप्स अचानक काम करणे थांबवले आणि वेबसाइट्स “सर्व्हर डाउन” सारखे एरर मेसेज दाखवू लागल्या.

WhatsApp Update: Spam ला लागणार ब्रेक! मेसेजिंग प्लॅटफॉर्म लागू करणार मंथली मेसेज लिमिट, असे असतील नियम

ही समस्या Amazon Web Services (AWS) मधील आउटेजशी थेट संबंधित आहे. AWS हा एक क्लाउड प्लॅटफॉर्म आहे जो हजारो वेबसाइट्स आणि अॅप्सना सर्व्हर, डेटाबेस आणि स्टोरेज प्रदान करतो. जेव्हा या सेवेमध्ये समस्या येते तेव्हा त्याचा परिणाम जगभरातील प्रमुख इंटरनेट कंपन्यांवर होतो.

जगभरातील युजर्संना अडचणी

या आउटेजमुळे युरोप, आशिया आणि अमेरिकेतील लाखो वापरकर्त्यांवर परिणाम झाला. सोशल मीडियावर मीम्स आणि पोस्ट शेअर करून अनेक लोकांनी आपला त्रास व्यक्त केला. काही कंपन्यांनी त्यांच्या अधिकृत खात्यांद्वारे वापरकर्त्यांना कळवले की ते या समस्येचे निराकरण करण्यासाठी काम करत आहेत. या आउटेजमुळे अनेक लोकप्रिय वेबसाइट्स आणि अॅप्सवर परिणाम झाला. यामध्ये स्नॅपचॅट, स्लॅक, सिग्नल, टिंडर आणि कॅनव्हा सारख्या प्रमुख अॅप्सचा समावेश आहे. Amazon, Amazon Music आणि Prime Video सारख्या स्ट्रीमिंग आणि ई-कॉमर्स सेवांवरही परिणाम झाला.

Roblox, Clash Royale, Clash of Clans, Fortnite आणि Pokémon Go सारख्या गेमिंग प्लॅटफॉर्मना देखील लॉगिन आणि कनेक्शन समस्या आल्या. दरम्यान, Coinbase या आर्थिक प्लॅटफॉर्मने वापरकर्त्यांना आश्वासन दिले की “सर्व निधी सुरक्षित आहेत.” UK कर वेबसाइट HMRC आणि फ्रान्सच्या SFR आणि फ्री टेलिकॉम कंपन्यांनाही याचा फटका बसला. AWS ने एक निवेदन जारी करून म्हटले आहे की ते तांत्रिक समस्येचे निराकरण करण्यासाठी काम करत आहे आणि हळूहळू सेवा पुनर्संचयित करत आहे. तथापि, सध्या सर्व वेबसाइट्स आणि अॅप्स सामान्यपणे कार्यरत नाहीत. काही ठिकाणी मंद गती आणि लॉगिन समस्या कायम आहेत.

Diwali 2025: यंदाच्या पाडव्याला साडी नाही तर तुमच्या बायकोला द्या हे बेस्ट कॅमेरावाले स्मार्टफोन, DSLR फोटोही पडतील फिके