BSNL करणार तुमच्या नव्या सिम कार्डची Home Delivery! अशा पध्दतीने करा ऑर्डर

JIO, Airtel आणि VI या कंपन्यांनी त्यांच्या टॅरिफ प्लॅनच्या किंमतीत वाढ केल्यानंतर BSNL सिमची विक्री 3 पटीने वाढली आहे. यानंतर BSNL ने देखील त्यांच्या युजर्ससाठी अनेक नवीन ऑफर्स सुरु केल्या. आता तुम्ही घरी बसून BSNL चं सिम कार्ड ऑर्डर करू शकता. आणि कंपनी तुमच्या नव्या सिम कार्डची Home Delivery करणार. BSNL ने Prune अ‍ॅप आणि LILO अ‍ॅपसोबत सिम कार्ड Home Delivery साठी करार केला आहे.

JIO, Airtel आणि VI या कंपन्यांनी त्यांच्या टॅरिफ प्लॅनच्या किंमतीत वाढ केल्यानंतर ग्राहक BSNL कडे वळले. यानंतर BSNL ने देखील त्यांच्या युजर्ससाठी अनेक नवीन ऑफर्स सुरु केल्या. त्यामुळे अनेकांनी त्यांचे नंबर्स BSNL मध्ये पोर्ट करण्याचा निर्णय घेतला. तसेच अनेकांनी BSNL चे सिम कार्ड खरेदी करण्यास सुरुवात केली. गेल्या काही दिवसांतच BSNL सिमची विक्री 3 पटीने वाढली आहे. तुम्ही सुध्दा तुमचं सिम कार्ड BSNL मध्ये पोर्ट करण्याचा विचार करत आहात का किंवा तुम्हाला BSNL चं नवीन सिम कार्ड खरेदी करायचं आहे का? मग आता यासाठी तुम्हाला कुठेही बाहेर जाण्याची गरज नाही.

तुम्ही घरी बसून BSNL चं सिम कार्ड ऑर्डर करू शकता. आणि कंपनी तुमच्या नव्या सिम कार्डची Home Delivery करणार. BSNL ने Prune अ‍ॅप आणि LILO अ‍ॅपसोबत सिम कार्ड Home Delivery साठी करार केला आहे. त्यामुळे आता तुम्हाला जर BSNL चं नवीन सिम कार्ड खरेदी करायचं असेल तर तुम्ही Prune अ‍ॅपचा वापर करू शकता. ग़ाज़ियाबाद, गुरुग्राम आणि त्रिवेंद्रममध्ये BSNL नव्या सिम कार्डची Home Delivery सेवा सुरु केली आहे. लवकरच ही सेवा सर्वत्र सुरु होणार असल्याचं सांगितलं जात आहे. BSNL सिम कार्ड ऑर्डर करण्यासाठी तुम्हाला काही सोप्या स्टेप्स फॉलो करायच्या आहेत.

• यासाठी सर्वात आधी तुम्हाला Prune अ‍ॅप डाउनलोड करावे लागेल
• अॅप डाऊनलोड केल्यानंतर तुम्हाला त्यामध्ये तुमची संपूर्ण माहिती भरावी लागेल, जसे की, नाव, ईमेल आयडी, मोबाइल नंबर, पत्ता इत्यादी
• यानंतर तुम्हाला BSNL प्लॅन निवडून पेमंट करायचं आहे
• टोटल पेमेंटमध्ये रिचार्ज प्लानची किंमत, सिम चार्ज (20 रुपये) आणि होम डिलीवरी चार्ज (30 रुपये) समाविष्ट आहेत
• यानंतर तुमच्या नव्या सिम कार्डची Home Delivery केली जाईल

BSNL च्या सिमकार्ड विक्री सोबतच लाखो युजर्सनी त्यांचे सिम BSNL मध्ये पोर्ट केलं आहे. तुम्हाला तुमचा JIO किंवा Airtel सिमकार्ड BSNL मध्ये पोर्ट करायचं आहे का? यासाठी तुम्हाला काही सोप्या स्टेप्स फॉलो कराव्या लागतील, ज्यामुळे तुम्ही अगदी सहज तुमचं JIO किंवा Airtel सिमकार्ड BSNL मध्ये पोर्ट करू शकता.

• सिमकार्ड BSNL मध्ये पोर्ट करण्यासाठी सर्वात आधी तुम्हाला 1900 वर एसएमएस पाठवावा लागेल आणि मोबाईल नंबर पोर्टसाठी विनंती करावी लागेल.
• यासाठी तुम्हाला मेसेज बॉक्समध्ये PORT लिहून तुमचा 10 अंकी मोबाइल नंबर टाका आणि त्यानंतर एक स्पेस देऊन मॅसेज सेंड करा.
• त्यानंतर तुम्हाला BSNL च्या जवळच्या सर्विस सेंटरमध्ये जायचं आहे, जिथे तुम्हाला आधार कार्ड किंवा इतर कोणत्याही आयडीचे डिटेल विचारले जातील.
• यानंतर तुम्हाला नवीन BSNL सिमकार्ड दिलं जाईल. पण यासाठी तुम्हाला काही पैसेही द्यावे लागतील.
• आता तुम्हाला एक विशेष नंबर पाठवला जाईल, ज्याच्या मदतीने तुम्ही BSNL सिमकार्ड अॅक्टिवेट करू शकाल.