आता गुगल बनवणार लखपतीपासून करोडपती! घरात पडलेलं सोनं मिळवून देईल बक्कळ पैसा, काय आहे स्कीम? जाणून घ्या

गुगल लवकरच ग्राहकांसाठी एक नवीन सुविधा लाँच करत आहे. यानुसार आता लोक गुगल पे'वरून कमी कर्जदरात आपले सोने गहाण ठेवून कर्ज घेऊ शकतात. यासाठी गुगलने आदित्य बिर्ला फायनान्स आणि मुथूट फायनान्ससोबत हातमिळवणी केली आहे. यामुळे आता भारतातील लोकांना कर्ज घेणे सोपे होईल, असे गुगलचे म्हणणे आहे.

गुगलने काही कंपन्यांच्या साथीने लोकांना कर्ज देण्याचा निर्णय घेतला आहे. या कंपन्या आदित्य बिर्ला फायनान्स आणि मुथूट फायनान्स आहेत. गुगलने आपल्या गुगल फॉर इंडिया इव्हेंटमध्ये याबाबत माहिती दिली. यामुळे आता भारतातील लोकांना कर्ज घेणे अधिक सोपे होईल, असे गुगलचे म्हणणे आहे. कारण आजही अनेकांना कर्ज घेण्यात अडचण येत आहे.

बिसनेसमॅनला होणार फायदा

गुगलने आदित्य बिर्ला फायनान्सच्या सहकार्याने लोक आणि व्यावसायिकांना कर्ज देण्याचा निर्णय घेतला आहे. यामुळे भारतातील लोकांना कर्ज घेणे सोपे होईल. गुगल आणि आदित्य बिर्ला फायनान्स लोकांना किमान 10,000 रुपयांचे कर्ज देणार आहेत. अशा परिस्थितीत व्यापारी कर्जाचे पैसे व्यवसायात गुंतवून अधिक कमाई करू शकतात.

एका अहवालानुसार भारतात मोठ्या प्रमाणात सोन्याची खरेदी केली जाते. येथील कोट्यवधी लोक सोने खरेदीसाठी दरवर्षी सुमारे 1 लाख कोटी रुपये खर्च करतात. हे जगातील सोन्याच्या उत्पादनाच्या 20% पेक्षा जास्त आहे.

हेदेखील वाचा – फेसबुकवर आता करता येईल बक्कळ कमाई, मेटाने लाँच केला नवीन Monetization Program

भारतात सर्वात जास्त खरेदी केलं जात सोनं

चीनमध्ये, अधिकतर श्रीमंत लोकच सोने खरेदी करतात, परंतु भारतात, सोने खरेदी करणारे बरेच लोक कमी पगाराचे लोक आहेत. याशिवाय भारतात अनेक लोकांकडे आधीच सोने आहे, त्यामुळे त्यांना यावर सहज कर्ज मिळू शकते आणि व्याजही कमी आहे. गुगल पे’चे शरथ बुलुसू म्हणाले की, मुथूट कंपनी ग्राहकांचे सोने ठेवेल आणि सुरक्षित करेल. याशिवाय मुथूट कंपनी ग्राहकांना कर्जही देणार आहे. गुगलचे काम फक्त लोकांना मुथूट कंपनीशी जोडण्याचे आहे.

हेदेखील वाचा – Google Pay’ची ट्रांजॅक्शन हिस्ट्री कशी डिलीट करावी? 99% लोकांना माहिती नाही ही ट्रिक, तुम्हाला माहिती आहे का?

सोने गहाण ठेवून मिळतील पैसे

सोन्याचे कर्ज घेण्यासाठी तुम्ही सोन्याचे दागिने किंवा नाणी गहाण ठेवू शकता. याद्वारे तुम्हाला लवकर पैसे मिळू शकतात. कारण सोन्याची किंमत कळणे सोपे असल्याने कर्ज मिळण्यास विलंब होत नाही. याशिवाय तुम्ही पर्सनल कर्ज देखील घेऊ शकता. हे लोन कोणत्याही गॅरेंटीशिवाय उपलब्ध आहे आणि तुम्हाला एका वेळी निश्चित रक्कम मिळते. काही कालावधीत तुम्हाला हे कर्ज फेडावे लागेल. तुम्ही हे कर्ज उपचार, प्रवास, घर बांधण्यासाठी किंवा दुरुस्तीसाठी किंवा जुनी कर्ज फेडण्यासाठी वापरू शकता.