आधार कार्डमध्ये कोणती माहिती किती वेळा अपडेट केली जाऊ शकते, काय सांगतात नियम? जाणून घ्या

आधार कार्डमधील माहिती किती वेळा अपडेट करता येईल, असा प्रश्न अनेकांच्या मनात आहे. कोणत्याही सरकारी किंवा गैर-सरकारी योजनेचे फायदे घेणं देखील आधार कार्ड शिवाय शक्य नाही. आधार कार्ड शिवाय, सिमकार्ड देखील खरेदी करू शकत नाही. आधार कार्डावर 12 अंकी क्रमांक लिहिला आहे. जे नागरिकांना फक्त एकदाच दिले जाते.

आधार क्रमांक एकदाच दिला जातो. प्रथमच आधार कार्ड बनवताना काही चूक झाल्यास UIDAI ती चूक दुरुस्त करण्याची संधी देते. परंतु एकच चूक सुधारण्याची संधी वारंवार दिली जाते का? आधार बदलाबाबत कठोर नियम करण्यात आले आहेत. तुम्ही आधारमध्ये जन्मतारीख फक्त एकदाच बदलू शकता. असाच नियम लिंगाबूाबतही लागू होतो.

हेदेखील वाचा- मोबाईल रिचार्ज पुन्हा महागणार? एअरटेल आणि VI च्या किंमती वाढण्याची शक्यता

आधार कार्ड हे सरकारकडून दिले जाणारे सर्वात महत्त्वाचे दस्तऐवज आहे. आधार कार्ड शिवाय, तुम्ही तुमच्या स्मार्टफोनसाठी तुमच्या नावावर सिमकार्ड देखील खरेदी करू शकत नाही. तसेच कोणत्याही सरकारी किंवा गैर-सरकारी योजनेचे फायदे घेणं देखील आधार कार्डशिवाय शक्य नाही. आधार कार्डमधील सर्व माहिती योग्यरित्या अपडेट करणे देखील खूप महत्वाचे आहे. यामध्ये नावापासून पत्त्यापर्यंत सर्व तपशील बरोबर असला पाहिजे. पण, अनेकांच्या बाबतीत असे घडत नाही. कारण, जेव्हा पहिल्यांदा आधार कार्ड बनवलं जातं तेव्हा त्यात नकळत अनेक चुका होतात. त्यांची दुरुस्ती करण्यासाठीही खूप मेहनत घ्यावी लागते. (फोटो सौजन्य – pinterest)

अशा स्थितीत आधार कार्डमधील माहिती किती वेळा अपडेट करता येईल, असा प्रश्न अनेकांच्या मनात आहे. आधार कार्डमधील नाव बदलण्याबाबत काय नियम आहे? जन्मतारीख (DOB) किती वेळा बदलली जाऊ शकते आणि इतर अनेक गोष्टी, ज्या येथे सांगणार आहोत.

आधार कार्ड किती वेळा बनवले जाते?

आधार कार्डावर 12 अंकी क्रमांक लिहिला आहे. जे नागरिकांना फक्त एकदाच दिले जाते. तुमच्या बोटांच्या ठशांवर आणि डोळ्यांच्या रेटिनावर एकदा आधार कार्ड बनले की, तुम्ही पुन्हा कधीही आधार कार्ड बनवू शकत नाही. तथापि, प्रथमच काहीतरी चूक झाल्यास, आपल्याला निश्चितपणे मर्यादेनुसार बदलण्याची संधी मिळेल.

DOB किती वेळा बदलता येईल?

UIDAI ने जन्मतारीख संदर्भात सर्वात कठोर नियम केले आहेत. आधार कार्डमध्ये जन्मतारीख (DOB) मध्ये फक्त एकदाच सुधारणा करण्याची संधी आहे. जर तुम्ही एकदा DOB बदलला आणि तरीही काही चूक राहिली, तर तुम्हाला ती बदलण्यात अडचणींचा सामना करावा लागू शकतो.

हेदेखील वाचा- Redmi Note 14 Pro 4G स्मार्टफोन लवकरच होणार लाँच, MediaTek चिपसेटसह करणार एंट्री

नावाबाबत काय नियम आहे?

UIDAI नुसार, नावातील चूक दोनदा सुधारण्याची संधी आहे. आधार कार्डमध्ये नाव बदलण्यासाठी आवश्यक कागदपत्रे आवश्यक आहेत. आधार कार्डमध्ये नाव बदल ऑनलाइन आणि ऑफलाइन दोन्ही पद्धतीने करता येईल.

लिंगबाबत काय नियम आहे?

जन्मतारखेप्रमाणेच आधार कार्डमधील लिंग देखील एकदाच बदलता येते.

पत्ता, मोबाईल आणि फोटो

तुम्हाला पाहिजे तितक्या वेळा तुम्ही पत्ता बदलू शकता. यासाठी कोणतेही नियम लागू होत नाहीत. त्याचप्रमाणे तुम्ही आधार कार्डमधील मोबाईल नंबर आणि फोटो देखील अनेक वेळा बदलू शकता. मात्र नाव, जन्म तारीख आणि लिंगाबाबतचे नियम मात्र प्रचंड कठोर आहेत.

सर्व नियम वाचा

• आधार कार्ड मध्ये केवळ एकदाच जन्म तारीख बदलण्याची सांधी मिळते.
• लिंग बदलण्याची मर्यादा देखील एक करण्यात आली आहे.
• UIDAI द्वारे नाव बदलण्याची संधी केवळ दोन वेळा मिळणार आहे.
• आधार कार्ड मध्ये तुम्ही तुमचा पत्ता, मोबाईल नंबर आणि फोटो कितीही वेळा बदलू शकता.
• UIDAI द्वारे आधार कार्ड जारी केले जाते.
• एक मोबाइल नंबर सोबत तुम्ही तुमच्या कुटुंबातील इतर व्यक्तींचे आधार कार्ड देखील लिंक करू शकणार आहात.
• 30 ते 90 दिवसांच्या कालावधीत आधार कार्ड अपडेट होते.