Huawei Mate XT: जगातील पहिला ट्राय-फोल्डिंग स्मार्टफोन, भारतात किती किंमत? जाणून घ्या

चीनच्या स्मार्टफोन कंपनीने ट्राय-फोल्डिंग स्मार्टफोन लाँच केला आहे. हा फोन जगातील पहिला तीन वेळा फोल्ड होणार स्मार्टफोन आहे. हा फोन तीन वेळा फोल्ड होऊन पूर्णपणे टॅबलेटप्रमाणे दिसू लागतो. यात अनेक दणदणीत फीचर्स देण्यात आले आहेत. याच्या ट्राय-फोल्डिंगमुळे सध्या स्मार्टफोन मार्केटमध्ये या फोनची फार चर्चा आहे. भारतात याची किंमत नक्की किती आहे ते जाणून घ्या.

स्मार्टफोनच्या दुनियेत नुकताच एक नवीन विक्रम घडून आला आहे. आतापर्यंत तुम्ही एकदा किंवा दोनवेळा फोल्ड होणारे स्मार्टफोन्स पाहिले असतील मात्र आता पहिल्यांदाच तीन वेळा फोल्ड होणारा फोन आंतरराष्ट्रीय मार्केट लाँच करण्यात आला आहे. हा फोन चिनी टेक कंपनीकडून लाँच करण्यात आला आहे. त्यानंतर आता तीनदा फोल्ड होणार हा जगातील पहिला स्मार्टफोन असल्याचे बोलले जात आहे.

9 सप्टेंबर 2024 रोजी स्मार्टफोनच्या जगावर लक्ष ठेवणाऱ्या सर्वांचे लक्ष ऍपलच्या नवीन iPhone 16 मालिकेकडे होते, परंतु त्याच्या लॉन्चलाँचच्या च्या काही तासांनंतरच, एका चिनी स्मार्टफोन कंपनीने एक फोन लाँच केला आहे जो आतापर्यंतचा सर्वात लोकप्रिय फोन ठरत आहे. जगातील कोणत्याही स्मार्टफोन कंपनीने असे केले नाही. चीनमधील सर्वात मोठ्या स्मार्टफोन कंपन्यांपैकी एक असलेल्या Huawei ने जगातील पहिला ट्राय-फोल्डिंग फोन लाँच केला आहे. याचा अर्थ हा फोन दोनदा नाही तर तीनदा फोल्ड होतो. आता हा फोन किती आणि किती मोठा असेल याची तुम्ही कल्पना करू शकता.

सॅमसंग, वनप्लस, ओप्पो इत्यादी कंपन्यांचे ड्युअल फोल्डेबल फोन पाहून भारतातील आणि जगभरातील बहुतेक लोक दंग झाले आहेत, परंतु Huawei ने या सर्व कंपन्यांच्या पुढे जाऊन तंत्रज्ञानाच्या जगात नवा विक्रम प्रस्थापित केला आहे. आम्ही तुम्हाला या नवीन आणि अतिशय अनोख्या फोनबद्दल सविस्तर माहिती देत आहोत. या फोनचे नाव Huawei Mate XT आहे. जेव्हा हा फोन पूर्णपणे उघडला जातो तेव्हा तो टॅबलेटसारखा बनतो, ज्याचा डिस्प्ले आकार 10.2 इंच होतो.

हेदेखील वाचा – iPhone 9 आणि Windows 9 का नाही? मायक्रोसॉफ्ट आणि ॲपलने सांगितले 9 नंबर स्किप करण्यामागचे कारण

डिजाइन आणि डिस्प्ले

Huawei Mate XT चे सर्वात मोठे आकर्षण म्हणजे त्याचा ट्राय-फोल्डिंग डिझाइन डिस्प्ले. हा फोन तीन भागांमध्ये दुमडून सामान्य स्मार्टफोनवरून मोठ्या टॅबलेटमध्ये बदलतो. यात 6.4-इंचाचा OLED डिस्प्ले आहे. जर तुम्ही हा डिस्प्ले फोल्ड करून एकदा उघडला तर या फोनची स्क्रीन साइज 7.9 इंच होईल आणि जर तुम्ही दुसऱ्यांदा फोल्ड केली तर या फोनची स्क्रीन साइज 10.2 इंच होईल आणि हा फोन पूर्णपणे टॅबलेटमध्ये बदलेल.

प्रोसेसर आणि परफॉर्मन्स

कंपनीने या शानदार फोनमध्ये प्रोसेसरसाठी Kirin 9 चिपसेट दिला आहे, ज्यामुळे तो वेगवान आणि पॉवरफुल आहे. यात 16GB रॅमसह 256GB, 512GB आणि 1TB स्टोरेज पर्याय आहेत. हा फोन हाय-एंड गेमिंग आणि मल्टीटास्किंगसाठी उत्तम असल्याचा कंपनीचा दावा आहे.

हेदेखील वाचा –Flipkart Big Billion Days Sale: 20 हजार रुपयांपेक्षा स्वस्तात मिळेल iPad, कंपनीने दिली माहिती 

सॉफ्टवेअर आणि फीचर्स

Huawei Mate XT EMUI 13 ऑपरेटिंग सिस्टम चालवते, जी Android OS वर आधारित आहे. जरी, ते Google सेवांना समर्थन देत नाही, परंतु Huawei ने स्वतःचे ॲप्स आणि सर्व्हिसेस प्रदान केल्या आहेत. तसेच याच्या बॅटरीबद्दल जर बोलणे केले तर, कंपनीच्या या खास फोनमध्ये 5600mAh ची मोठी बॅटरी आहे, जी 66W फास्ट चार्जिंगला सपोर्ट करते.

कॅमेरा सेटअप

Huawei Mate XT मध्ये ट्रिपल रिअर कॅमेरा सेटअप आहे. त्याचा मुख्य कॅमेरा 50MP आहे. याशिवाय, यात 12MP अल्ट्रा-वाइड कॅमेरा आणि 12MP टेलिफोटो कॅमेरा देखील आहे. सेल्फी आणि व्हिडिओ कॉलिंगसाठी या फोनमध्ये 8MP फ्रंट कॅमेरा आहे. फोटोग्राफी आणि व्हिडिओग्राफीसाठी हा कॅमेरा सेटअप उत्कृष्ट असल्याचे कंपनीचे म्हणणे आहे.

किंमत आणि उपलब्धता

Huawei Mate XT ची सुरुवातीची किंमत 19,999 CNY (सुमारे $2,810) आहे. जर आपण ही किंमत भारतीय किंमतीत रूपांतरित केली तर ती 2 लाख 35 हजार रुपयांपेक्षा जास्त होईल. त्याच वेळी, जर आपण या फोनची किंमत पाकिस्तानी चलनात रूपांतरित केली तर त्याची किंमत 7 लाख 82 हजार रुपयांपेक्षा जास्त आहे. हा फोन सध्या फक्त चीनमध्ये उपलब्ध आहे परंतु लवकरच याला इतर बाजारपेठांमध्येही लाँच केले जाईल.