Oppo Reno 12F हॅरी पॉटर एडिशन लाँच! युनिक डिझाईन आणि दमदार फीचर्सने सुसज्ज

Oppo Reno 12F हॅरी पॉटर एडिशन स्मार्टफोनमध्ये 120 Hz रिफ्रेश रेटला सपोर्ट करणारा 6.67 इंचाचा डिस्प्ले देण्यात आला आहे. हॅरी पॉटर एडिशनमध्ये 50MP+8MP+2MP ट्रिपल रिअर कॅमेरा सेटअप देण्यात आला आहे.

लोकप्रिय स्मार्टफोन निर्माता कंपनी Oppo ने जुन महिन्यात चीनी बाजारात OPPO Reno 12F 5G स्मार्टफोन लाँच केला होता. या लाँचिंगला युजर्सचा चांगला प्रतिसाद मिळाला. या यशस्वी लाँचिंगनंतर आता Oppo ने या फोनची स्पेशल एडिशन लाँच केली आहे. कंपनीने Oppo Reno 12F चे हॅरी पॉटर एडिशन लाँच केले आहे. हा नवीन स्मार्टफोन नवीन कलर ऑप्शन आणि कस्टम ॲक्सेसरीजसह येतो. मात्र, त्याचे फिचर्स स्टँडर्ड मॉडेलप्रमाणेच ठेवण्यात आले आहेत. फोनचे डिझाईन अतिशय स्टायलिश आहे.

स्मार्टफोनसंबंधित बातम्या वाचण्यासाठी इथे क्लिक करा

Oppo Reno 12F हॅरी पॉटर एडिशनची किंमत

Oppo Reno 12F हॅरी पॉटर एडिशन 1,599 Sol म्हणजेच अंदाजे 35,455 रुपयांना लाँच करण्यात आला आहे. त्या तुलनेत, नियमित Renault 12F कैरो (इजिप्त) मध्ये EGP 12,667 म्हणजेच अंदाजे 21,664 रुपयांना उपलब्ध आहे. दोन्हीमध्ये 12+256GB मेमरी कॉन्फिगरेशन देण्यात आलं आहे. (फोटो सौजन्य – Oppo)

Oppo Reno 12F हॅरी पॉटर एडिशनमध्ये काय विशेष

ॲक्सेसरीज

Oppo Reno 12F हॅरी पॉटर एडिशनच्या स्पेल बुक-आकाराच्या बॉक्समध्ये हॅरी पॉटर थीम असलेली ॲक्सेसरीज मिळणार आहे. यामध्ये कॅपेसिटिव्ह वँड, फोनसाठी सोनेरी पेंडेंट, डेथली हॅलोज थीम असलेली सिम इजेक्टर पिन आणि कस्टम-एडीशन चार्जर यांचा समावेश आहे.

डिजाइन

फोनमध्ये चॉकलेटी ब्राउनिश ग्रेडियंट रंग आहे, यामध्ये सर्कुलर कॅमेरा पॅनेलच्या खाली रिअर पॅनेलच्या मध्यभागी एक बँड आहे. या कॅमेरा रिंगमध्ये गोल्डन रंग देखील आहे जो ब्राउनिश सर्फेसच्या उर्वरित भागाशी कंट्रास्ट प्रदान करतो. मूळ फोन ऑलिव्ह ग्रीन आणि एम्बर ऑरेंज रंगात येतो. हॅरी पॉटर टायटल कार्ड (लोगो) हा हॉगवर्ट्सचा ठसा आणि स्वाक्षरी आहे. येथे तळाशी ओप्पोचा लोगो देखील देण्यात आला आहे. कंपनीचा हा नवीन स्मार्टफोन त्याच्या डिझाईनमुळे युजर्सना प्रचंड आवडू शकतो.

टेकसंबंधित बातम्या वाचण्यासाठी इथे क्लिक करा

Oppo Reno 12F हॅरी पॉटर एडिशन: स्पेसिफिकेशन

कॅमेरा- हॅरी पॉटर एडिशनमध्ये 50MP+8MP+2MP ट्रिपल रिअर कॅमेरा सेटअप देण्यात आला आहे. सेल्फीसाठी समोर 32MP सेंसर आहे.

प्रोसेसर- परफॉर्मंससाठी, या स्मार्टफोनमध्ये MediaTek डायमेंशन 6300 प्रोसेसर आहे. ऑक्टाकोर चिपसेट 6nm आर्किटेक्चरवर तयार केला आहे.

मेमरी- स्मार्टफोनमध्ये 12 जीबी रॅमसह 256 जीबी स्टोरेज आहे. मायक्रो एसएसडी कार्डद्वारे स्टोरेज 2 टीबी पर्यंत वाढवता येते.

डिस्प्ले- स्मार्टफोनमध्ये 120 Hz रिफ्रेश रेटला सपोर्ट करणारा 6.67 इंचाचा डिस्प्ले देण्यात आला आहे.

बॅटरी आणि चार्जिंग- यात 45W चार्जिंगला सपोर्ट करणारी 5,000 mAh बॅटरी आहे.

सध्या या फोनच्या उपलब्धतेबाबत कोणतीही माहिती देण्यात आलेली नाही. हा स्मार्टफोन जागतिक स्तरावर आणि भारतात लाँच केला जाईल की नाही, याबाबत अद्याप Oppo ने देखील कोणतीही माहिती शेअर केली नाही.