Poco C75 लाँच, 5000 mAh बॅटरी आणि 256GB स्टोरेज सारखे फीचर्स केवळ इतक्या किंमतीत उपलब्ध

Poco C75 जागतिक बाजारात लाँच करण्यात आला आहे. या फोनची किंमत 12 हजार रुपयांपेक्षाही कमी आहे. फोनमध्ये MediaTek Helio G81 Ultra SoC प्रोसेसर देण्यात आला आहे. हा फोन Android 14 आधारित HyperOS वर चालतो.

Poco ने जागतिक बाजारपेठेत एक नवीन स्वस्त स्मार्टफोन Poco C75 लाँच केला आहे. हा स्मार्टफोन Redmi 14C ची रीब्रँडेड आवृत्ती म्हणून आणला गेला आहे. Poco C75 मध्ये पॉवरसाठी 5160 mAh बॅटरी आणि 256GB स्टोरेज देण्यात आलं आहे. या स्मार्टफोनमध्ये 50MP चा रियर कॅमेरा आहे. सेल्फीसाठी, फोनमध्ये f/2.0 अपर्चरसह 13MP कॅमेरा आहे. फोनमध्ये फिंगरप्रिंट स्कॅनर देण्यात आला आहे.

हेदेखील वाचा- Laptop Care Tips: लॅपटॉप वर्षानुवर्षे नवीन राहील, फक्त या 5 गोष्टी करा

स्मार्टफोन निर्माता कंपनी Poco ने Poco C75 जागतिक बाजारात लाँच केला आहे. परवडणाऱ्या सेगमेंटमध्ये आणलेला फोन भारतात उपलब्ध Redmi 14C ची पुनर्ब्रँडेड आवृत्ती आहे. Redmi 14C ऑगस्टमध्ये लाँच करण्यात आला होता. या Poco फोनमध्ये MediaTek प्रोसेसर आणि 256GB स्टोरेज आहे. कमी किमतीत लाँच झालेल्या फोनमध्ये काय स्पेसिफिकेशन्स दिले आहेत, पाहूया.

पोकोचा स्वस्त फोन लाँच

Poco C75 चा 8GB RAM आणि 256GB व्हेरिअंट 129 डॉलर म्हणजेच अंदाजे 10,900 रुपयांच्या किंमतीत लाँच करण्यात आला आहे. तर 6GB + 128GB व्हेरिएंट 109 डॉलर म्हणजेच अंदाजे 9,170 रुपयांच्या किंमतीत लाँच करण्यात आला आहे. Poco ने पोस्ट शेअर करत याबाबत सांगितलं आहे. पोस्टमध्ये म्हटले आहे की या ‘अर्ली बर्ड’ किमती आहेत. म्हणजे किमती बदलल्या जाऊ शकतात. हा फोन सोनेरी आणि हिरव्या खरेदीसाठी उपलब्ध आहे.

• यात 120Hz रिफ्रेश रेट आणि 600nits पीक ब्राइटनेससह 6.88-इंच HD+ (720×1,640 पिक्सेल) LCD स्क्रीन आहे.
• फोनमध्ये MediaTek Helio G81 Ultra SoC प्रोसेसर आहे, जो 8GB पर्यंत RAM सह जोडलेला आहे.
• यात 256GB पर्यंत इनबिल्ट स्टोरेज आहे.
• यात 50MP चा रियर कॅमेरा आहे. सेल्फीसाठी, फोनमध्ये f/2.0 अपर्चरसह 13MP कॅमेरा आहे.
• स्मार्टफोनमध्ये 5,160mAh बॅटरी आहे जी 18W चार्जिंगला सपोर्ट करते, परंतु फोन चार्जरसह येत नाही. बॅटरी 21 दिवस स्टँडबाय बॅकअप, 139 तास म्युझिक प्लेबॅक आणि 42 तास व्हिडिओ कॉलिंगपर्यंत टिकू शकते.
• फोनमध्ये साइड-माउंट फिंगरप्रिंट स्कॅनर देखील आहे.

हेदेखील वाचा- JioHotstar डोमेन मध्ये नवा ट्विस्ट, UAE भाऊ-बहीणने केला मालक असल्याचा दावा; खरा मालक नक्की कोण?

• कनेक्टिव्हिटी पर्यायांमध्ये 4G LTE, ड्युअल-बँड वाय-फाय, ब्लूटूथ 5.4, GPS, NFC, 3.5mm हेडफोन जॅक आणि USB टाइप-सी पोर्ट यांचा समावेश आहे. हे ॲम्बियंट लाइट सेन्सर, एक्सीलरोमीटर, ई-कंपास आणि व्हर्च्युअल प्रॉक्सिमिटी सेन्सरने सुसज्ज आहे.
• Poco C75 हा ड्युअल-सिम स्मार्टफोन आहे, जो Android 14 आधारित HyperOS वर चालतो.

Redmi 14C चे स्पेसिफिकेशन्स

Redmi 14 C मध्ये MediaTek Helio G81-Ultra प्रोसेसर आहे. यात 6.88 इंच डॉट ड्रॉप डिस्प्ले आहे, जो 120Hz पर्यंत रिफ्रेश रेट आणि 600nits पीक ब्राइटनेस सपोर्टसह येतो. Redmi फोन 50MP मुख्य कॅमेरा HDR मोड, नाईट मोड, पोर्ट्रेट मोड, 50MP मोड, टाइम-लॅप्स सारख्या सुविधांसह येतो. फोनमध्ये 13MP फ्रंट कॅमेरा आहे.