Google Map Update: Google Maps वर दिसणारे तुमचे घर किंवा कार ब्लर करण्याची योग्य पद्धत कोणती? जाणून घ्या

गुगल मॅप्सने आपल्या युजर्ससाठी स्ट्रीट व्ह्यू नावाचे फीचर आणलं आहे. ज्याच्या मदतीने तुम्ही आणि इतर युजर्स देखील गुगल मॅपवर तुमचे घर आणि कार लोकेशन पाहू शकता. या माहितीचा गैरवापर देखील केला जाऊ शकतो.

गुगल आपल्या युजर्ससाठी अनेक नवीन फीचर्स लाँच करत आहे. यातील एक फीचर म्हणजे गुगल मॅप, ज्याच्या मदतीने तुम्ही कोणत्याही ठिकाणी सहज नेव्हिगेट करू शकता. यासोबतच गुगल मॅप्समध्ये स्ट्रीट व्ह्यू फीचर देखील उपलब्ध आहे, जे एक इंटरएक्टिव्ह टूल आहे. त्याच्या मदतीने, युजर्स जवळपासचे क्षेत्र शोधण्यात, दुकाने, रस्ते आणि लोकेशन शोधण्यात सक्षम झाले आहेत.

हेदेखील वाचा- Google Map Update: iPhone वर गुगल मॅपला डिफॉल्ट नेविगेशन अ‍ॅप बनवायचं? या सोप्या टीप्स तुम्हाला करतील मदत

स्ट्रीट व्ह्यू फीचरच्या मदतीने तुम्ही एखाद्या खास लोकेशनचे 360-डिग्री व्यू पाहू शकता. याशिवाय तुम्ही मॅप्सवर स्ट्रीट व्यूच्या मदतीने जवळची दुकाने, इमारती, पार्क केलेल्या कार आणि रस्त्यांची नावे देखील शोधू शकता. पण ही माहिती अतिशय संवेदनशील आहे. या माहितीचा गैरवापर होण्याची देखील शक्यता आहे. हा धोका कमी करण्यासाठी, गुगल मॅपने तुमची प्रायव्हसी आणि सुरक्षितता सुनिश्चित करण्यासाठी काही नियम लागू केले आहेत. (फोटो सौजन्य – pinterest)

गूगलची प्राइव्हसी पॉलिसी

• गुगलच्या मदतीने स्ट्रीट लेवल कलेक्शन आणि फोटो पाथ फेस आणि लाइसेंस प्लेट सारखी ओळख पटवणारी माहिती ऑटोमेटिकली ब्लर केली जाते.
• याशिवाय, गूगल अपलोडरला फोटोचा कोणता भाग किंवा घटक समाविष्ट केला जाईल हे निवडण्याचा पर्याय देते. इतरांच्या प्राइव्हसीचा आदर करण्यासाठी हे व्हिजुवल ब्लर करणं गरजेचं आहे.

तुमचे घर किंवा कार ब्लर करण्यासाठी अशा प्रकारे करा रिक्वेस्ट

• क्रोम किंवा इतर ब्राउझर वापरून गुगल मॅप वेबसाइट – “maps.google.com” ओपन करा.
• आता लॉगिन करा.
• पुढे, तुमच्या फोटोमधील विशिष्ट क्षेत्र निवडा, जसे की घर, कार नंबर प्लेट किंवा पत्ता, ते क्षेत्र निवडकपणे अस्पष्ट करण्यासाठी ब्लर हा ऑप्शन सिलेक्ट करा.
• आता लोकेशनच्या नावाच्या टॅगवरील तीन डॉटवर क्लिक करा आणि ‘रिपोर्ट प्रॉब्लेम’ निवडा.

हेदेखील वाचा- Google Map Update: आता खोट्या फीडबॅकपासून युजर्सची होणार सुटका, गुगल मॅप घेऊन आलाय नवीन वॉर्निंग सिस्टम

• यानंतर, पुढील पेजवर, इमारत, नंबर प्लेट किंवा तुम्हाला जे काही रिपोर्ट करायचे आहे ते निवडा.
• तुम्ही काय अहवाल देत आहात ते निवडा, कारण द्या, कॅप्चा आणि ईमेल पत्ता भरा.
• यानंतर विनंती नोंदवण्यासाठी सबमिट करा ऑप्शनवर क्लिक करा.

अशा प्रकारे मार्क करा तुमचं आवडतं ठिकाण

• गुगल मॅप युजर्स अगदी सोप्या पद्धतीने त्यांचं आवडतं ठिकाण गुगल मॅपवर मार्क करू शकतात. यासाठी त्यांना काही सोप्या स्टेप्स फॉलो कराव्या लागणार आहेत.
• सर्वात आधी तुमच्या फोन किंवा टॅबलेटवर गुगल मॅप ॲप डाऊनलोड आणि इंस्टॉल करा.
• आता गुगल मॅपवर सर्च किंवा ब्राउझ करून तुमचे आवडते ठिकाण शोधण्याचा प्रयत्न करा.
• यानंतर, त्याचे डिटेल पेज पाहण्यासाठी लोकेशनचे नाव किंवा मार्कर टॅप करा.
• स्क्रीनच्या तळाशी असलेले ‘सेव्ह’ बटण शोधा, ज्यामध्ये बुकमार्क चिन्ह असू शकते.
• आता ‘सेव्ह’ वर टॅप करा आणि दिलेल्या लिस्टमधून टॅग निवडा.
• येथे तुम्हाला फेवरेट हा ऑप्शन दिसेल, ज्यामध्ये तुम्ही तुमचं आवडतं ठिकाण मार्क करू शकता.