लवकरच लाँच होणार YouTube Sleep Timer फीचर; एका विशिष्ट वेळी आपोआप थांबणार व्हिडीओ

YouTube लवकरच त्यांच्या युजर्ससाठी YouTube Sleep Timer फीचर लाँच करणार आहे. Sleep Timer फीचर तुम्हाला ठराविक वेळेनंतर प्लेबॅक ऑटोमेटिकली थांबवण्यासाठी टायमर सेट करण्याची सुविधा देणार आहे. यासह, कंपनी मिथुनवर आधारित नवीन AI टूलची चाचणी देखील करत आहे.

व्हिडीओ स्ट्रिमिंग प्लॅटफॉर्म YouTube लवकरच त्यांच्या युजर्ससाठी एक नवीन फीचर लाँच करण्याच्या तयारीत आहे. या नवीन फीचरची सध्या चाचणी केली जात आहे. त्यामुळे हे फीचर लवकरच युजर्ससाठी लाँच केलं जाऊ शकतं. YouTube Sleep Timer असं या नवीन फीचरचं नाव आहे. YouTube Sleep Timer च्या मदतीने युजर्सना त्यांचा स्क्रीन टाईम कमी करण्यासाठी मदत होणार आहे. हे फीचर आपोआप एका विशिष्ट वेळी तुम्ही पाहत असलेला व्हिडीओ थांबवेल आणि प्लेबॅक रोखण्यासाठी मदत करेल, ज्यामुळे युजर्सचा स्क्रीन टाईम कमी होईल.

हेदेखील वाचा- यूट्यूबच्या माजी सीईओ Susan Wojcicki यांचे निधन; सुंदर पिचाई यांनी व्यक्त केला शोक

YouTube ही Google ची स्ट्रीमिंग सेवा आहे. जगभरातील लाखो लोकं YouTube चा वापर करतात. YouTube युजर्सना चांगली सेवा मिळावी यासाठी Google नवीन अपडेट्स आणि फीचर्स आणते. आता देखील YouTube युजर्ससाठी YouTube Sleep Timer हे नवीन फीचर लाँच केलं जाणार आहे. सध्या या फीचरची चाचणी सुरु आहे. त्यामुळे हे फीचर मर्यादीत लोकांसाठी उपलब्ध करून देण्यात आलं आहे. चाचणी पूर्ण झाल्यानंतर हे फीचर सर्व YouTube युजर्ससाठी उपलब्ध करून दिलं जाणार आहे. यासह, कंपनी मिथुनवर आधारित नवीन AI टूलची चाचणी देखील करत आहे, जे कंटेंट क्रिएटर्सना मजकूर प्रॉम्प्ट तसेच व्हिडिओ टाइटल आणि थंबनेल सूचनांवर आधारित व्हिडिओ आउटलाइन तयार करून देईल.

YouTube Sleep Timer या नवीन फीचरबद्दल माहिती देण्यासाठी Google ने एक पोस्ट शेअर केली आहे. यो पोस्टमध्ये सांगितलं आहे की, YouTube युजर्ससाठी लवकरच YouTube Sleep Timer फीचर लाँच केलं जाणार आहे. Sleep Timer तुम्हाला ठराविक वेळेनंतर प्लेबॅक ऑटोमेटिकली थांबवण्यासाठी टायमर सेट करण्याची सुविधा देते. आता प्रश्न उद्भवतो की हे फीचर कसं कार्य करणार आहे? युजर्स YouTube Sleep Timer अगदी सहजपणे हाताळू शकतात.

हेदेखील वाचा- Netflix प्रमाणे, Disney+ Hotstar देखील घालणार पासवर्ड शेअरिंगवर बंदी, ‘या’ महिन्यापासून नवे नियम होणार लागू

हे फीचर वापरण्यास खूप सोपे आहे. यासाठी युजर्स त्यांच्या स्मार्टफोनवर YouTube ॲप किंवा त्यांच्या फोन किंवा डेस्कटॉपवर वेब क्लायंट उघडू शकतात. त्यानंतर तुम्ही व्हिडिओ प्ले करताना सेटिंग्ज मेनूवर नेव्हिगेट करू शकता. इथे तुम्हाला Sleep Timer चा ऑप्शन देण्यात येईल. तुम्ही तुमच्या सोयीनुसार टाईमर सेट करू शकता. पण हे फीचर वापरण्यासाठी सर्वात महत्त्वाची गोष्ट म्हणजे युजर्सना त्यांच्या YouTube अकाऊंटमध्ये साइन इन करणे आवश्यक आहे.

स्लीप टाइमर फीचर युजर्सना 10 मिनिटे, 15 मिनिटे, 20 मिनिटे, 30 मिनिटे, 45 मिनिटे आणि 60 मिनिटांनंतर प्लेबॅक थांबवण्याचे पर्याय दर्शवेल. याशिवाय, व्हिडिओ संपल्यानंतर ऑटो प्लेबॅक थांबवण्याचा पर्याय देखील उपलब्ध आहे. सध्या हे फीचर फक्त YouTube Premium युजर्ससाठी उपलब्ध आहे. हे फीचर वापरण्यापूर्वी युजर्सना प्रायोगिक वैशिष्ट्ये मॅन्युअली चालू करावी लागतील. हे करण्यासाठी, प्रीमियम युजर्स YouTube होम पेजवरील सेटिंग्जमध्ये जाऊ शकतात. त्यानंतर प्रायोगिक नवीन वैशिष्ट्ये वापरून पाहण्यासाठी नेव्हिगेट करू शकता. ही सुविधा सध्या फक्त 2 सप्टेंबरपर्यंत उपलब्ध आहे. ज्यांना झोपताना व्हिडीओ पाहणे आवडते त्यांच्यासाठी स्लीप टाइमर फीचर उपयुक्त ठरेल.