Zoom ने वाढवली वेबिनारची क्षमता;10 लाख पार्टीसिपेंटस एकत्र सहभागी होऊ शकतील

व्हिडिओ कॉन्फरन्सिंग प्लॅटफॉर्म Zoom ने त्यांच्या वेबिनारची क्षमता 10 लाख पर्यंत वाढवली आहे. त्यामुळे आता एका कॉलमध्ये 10 लाख लोक सहभागी होऊ शकतील. अमेरिकेच्या उपराष्ट्रपती कमला हॅरिस यांच्या अध्यक्षीय मोहिमेसाठी नुकत्याच आयोजित केलेल्या निधी संकलन मोहिमेनंतर कंपनीने हा बदल केला आहे.

कोरोना आणि लॉकडाऊनच्या काळात निम्म्याहून अधिक लोकांना केवळ इंटरनेटचा आधार होता. कारण लॉक डाऊनच्या काळात बाहेर जाऊन काम करणे शक्य नव्हते. प्रत्येक माणसाला असलेली जीवाची काळजी आणि सरकारने घातलेले निर्बंध यामुळे घराच्या बाहेर किंवा ऑफिसला जाऊन कामं करण अशक्य झालं होत. अशा परिस्थितीत सर्वांना zoom आणि Google Meet चा आधार होता.

हेदेखील वाचा- देशात इंटरनेटची वाढती क्रेझ; वर्षभरात जोडले कोट्यावधी नवीन युजर्स, Jio आणि Airtel आघाडीवर

ऑफिसच्या मीटिंग असुदे किंवा शालेय आणि महाविद्यालयीन विद्यार्थ्यांचे लेक्चर, सर्वच गोष्टी Google Meet आणि zoom च्या आधारे केल्या जात होत्या. जवळपास 2 वर्षांनी जगावरचं कोरोनाचं संकट कमी झालं. त्यानंतर जगभरातील परिस्थिती पुन्हा नॉर्मल होऊ लागली. असं असलं तरी देखील अजूनही बऱ्याच ठिकाणी ऑफिस मीटिंग किंवा लेक्चरसाठी Google Meet आणि zoom चा वापर केला जातो.

ऑनलाइन मीटिंग्ज आणि वेबिनारसाठी zoom हा एक उत्तम पर्याय आहे, हा पर्याय लॉकडाऊन नंतर देखील अनेक कंपन्या वापरत आहेत. त्यामुळे या प्लॅटफॉर्मने त्याच्या अनेक वैशिष्ट्यांमध्ये सुधारणा केली आहे. यासोबतच कंपनीने वेळोवेळी सहभागी होणाऱ्यांची संख्या देखील वाढवली आहे. आता कंपनीने ही संख्या 1000000 पर्यंत वाढवली आहे.

महामारीच्या काळात, बहुतेक कंपन्यांनी त्यांचे काम ऑनलाइन करण्यास सुरुवात केली. यासोबतच शैक्षणिक संस्था आणि संस्थाही ऑनलाइन लेक्चर घेत होत्या. सध्या, असे अनेक व्हिडिओ कॉन्फरन्सिंग प्लॅटफॉर्म लाँच झाले आहेत आणि लोकांमध्ये वाढत्या प्रमाणात लोकप्रिय झाले आहेत, ज्यामध्ये zoom चा देखील समावेश आहे. zoom ने कालांतराने आपल्या ग्राहकांसाठी नवीन अपडेट सादर केले आहेत. त्यापैकी एक म्हणजे पार्टीसिपेंटसची संख्या वाढवणे. zoom ने आपली वेबिनार क्षमता 10 लाख पर्यंत वाढवली आहे. सोप्या भाषेत सांगायचे तर आता एका कॉलमध्ये 10 लाख लोक सहभागी होऊ शकतील.

हेदेखील वाचा- Motorola चा नवीन स्मार्टफोन moto g45 5G लाँच! कमी किंमतात मिळणार उत्कृष्ट फीचर्स

कंपनीची नवीन सेवा युजर्सना सिंगल यूज वेबिनारची सीरीज देते, ज्यामधून ते त्यांच्या सोयीनुसार कोणताही पर्याय निवडू शकतात.
10,000 ते 10,000,00 लोक यात सहभागी होऊ शकतात. झूमच्या चीफ प्रॉडक्ट ऑफिसर स्मिता हाशिम म्हणाल्या की, या विस्तारामुळे संस्था त्यांच्या प्रेक्षकांशी सहजपणे कनेक्ट होण्याच्या मार्गात क्रांती घडवत आहेत.

अमेरिकेच्या उपराष्ट्रपती कमला हॅरिस यांच्या अध्यक्षीय मोहिमेसाठी नुकत्याच आयोजित केलेल्या निधी संकलन मोहिमेनंतर कंपनीने हा बदल केला आहे. ज्याने प्रेक्षकांना खूप आकर्षित केले. जर आपण उदाहरणांबद्दल बोललो, तर त्यात विन विथ ब्लॅक वुमनने आयोजित केलेल्या कॉलचा समावेश आहे, ज्यामध्ये 40,000 हून अधिक लोक सहभगी झाले होते. तीन तासांत1.5 मिलीयन डॉलर जमा झाले. याशिवाय, व्हाईट ड्यूड्स फॉर हॅरिस आणि व्हाईट वुमन फॉर हॅरिस सारख्या गटांनी देखील याद्वारे अंदाजे 190,000 आणि 200,000 प्रेक्षक जोडले आहेत.

कंपनीची ही सुविधा प्रीमियम आहे आणि त्यासाठी युजर्सना फी भरावी लागेल. एकदा 10 लाख लोकांसाठी वेबिनार आयोजित करण्यासाठी, तुम्हाला 100,000 डॉलर भरावे लागतील. तर 10,000 लोकांसाठी कार्यक्रम आयोजित करण्यासाठी 9,000 डॉलर खर्च करावे लागणार आहेत.