‘या’ मंदिरात झाला होता शिव-पार्वतीचा विवाह! प्राचीन इतिहास आणि श्रावणात भेट देण्यासाठी उत्तम ठिकाण

नुकताच श्रावण महिना सुरु झाला आहे. या महिन्यात भाविक भगवान शंकराची मनोभावनेने पूजा करतात. याच महिन्यात भगवान शिव आणि देवी पार्वतीचा विवाह झाला होता. मात्र त्यांचा विवाह कोणत्या मंदिरात करण्यात आला होता तुम्हाला माहिती आहे का? शिवाचे भक्त असाल तर श्रावणात या मंदिरात नक्की भेट द्या.

श्रावण महिना अखेर सुरु झाला आहे. हा महिना संपूर्णपणे भगवान शंकराला समर्पित केला जातो. या महिन्यात भगवान शिवाची मनोभावनेने पूजा केली जाते. हा महिना एक पवित्र आणि व्रत-वैकल्याचा महिना म्हणून ओळखला जातो. या महिन्यात मनोभावनेने शिवाची पूजा केल्यास आपल्या मनोकामना पूर्ण होतात आणि भगवान शिवाची कृपा आपल्यावर सदैव राहते, असे मानले जाते. आम्ही तुम्हाला सांगतो की, याच महिन्यात भगवान शिव आणि देवी पार्वतीचा विवाह झाला होता. आज आम्ही तुम्हाला शिव-पार्वतीचा विवाह कोणत्या मंदिरात झाला याविषयी सविस्तर माहिती सांगत आहोत.

कोणत्या मंदिरात झाला शिव-पार्वतीचा विवाह?

असे मानले जाते की भगवान शिव आणि माता पार्वतीचा विवाह त्रियुगीनारायण मंदिरात झाला होता. हे मंदिर उत्तराखंडच्या रुद्रप्रयागमध्ये आहे. हे मंदिर भगवान विष्णूला समर्पित आहे. हे मंदिर केदारनाथप्रमाणेच दिसते. श्रावणात या मंदिरात भाविकांची गर्दी पाहायला मिळते. तुम्हालाही या श्रावणात या मंदिराला भेट द्यायची असेल तर इथे कसे जायचे, ते जाणून घ्या.

वेगवगेळ्या मार्गांद्वारे त्रियुगीनारायण मंदिरात जाता येते

हेदेखील वाचा – बांगलादेशमध्ये आहेत हिंदूंची प्राचीन मंदिरे! कधी तोडफोड तर कधी PAK आर्मीने केला होता शिवलिंग काढण्याचा प्रयत्न

फ्लाइटचा प्रवास

जर तुम्ही फ्लाइटने येथे जाण्याचा विचार करत असला तर तुमच्यासाठी हा पर्याय उपलब्ध आहे. जॉली ग्रँट विमानतळ हे त्रियुगी नारायण गावासाठी सर्वात जवळचे विमानतळ आहे. हे विमानतळ दिल्लीशी चांगले जोडलेले आहे. हे विमानतळ रस्त्यांनी जोडलेले आहे. जॉली ग्रँट विमानतळाने गुप्तकाशी आणि नंतर त्रिजुगीनारायण गावापर्यंत टॅक्सी केली जाऊ शकते.

ट्रेनचा प्रवास

इथे जाण्यासाठी तुम्ही ट्रेन [प्रवासाचीही निवास करू शकता. त्रियुगीनारायणचे सर्वात जवळचे रेल्वे स्टेशन ऋषिकेश आहे. त्रियुगीनारायण येथून 219 किमी अंतरावर आहे. ऋषिकेश ते गुप्तकाशी आणि नंतर त्रियुगीनारायण येथे टॅक्सी आणि बस सहज उपलब्ध आहेत.

रस्त्याने प्रवास

रस्त्याने जायचा विचार करत असाल तर, हरिद्वारपासून त्रियुगीनारायण मंदिरात जाण्यासाठी तुमचा प्रवास सुरू करा. हरिद्वारपासून रुद्रप्रयाग 165 किलोमीटर अंतरावर आहे, त्यामुळे तुम्ही येथून टॅक्सी किंवा बसने जाऊ शकता. रस्त्याची स्थिती आणि रहदारी यानुसार तुम्हाला सुमारे 6-7 तास लागू शकतात. मग टॅक्सी भाड्याने घ्या किंवा रुद्रप्रयागहून स्थानिक बस पकडा, सोनप्रयागला पोहोचा, जे सुमारे 70 किलोमीटर दूर आहे. त्यानंतर सोनप्रयागपासून 5 किलोमीटर अंतरावर त्रियुगीनारायण मंदिर आहे. येथे तुम्ही टॅक्सी किंवा कॅबने जाऊ शकता. हरिद्वारव्यतिरिक्त तुम्ही इथे दिल्लीहूनही थेट जाऊ शकता.

जाण्यासाठीचा सर्वोत्तम काळ

रुद्रप्रयागमधील त्रियुगीनारायण मंदिराला भेट देण्यासाठीचा सर्वोत्तम काळ आहे, उन्हाळ्याच्या सुरुवातीचा काळ. एप्रिल ते जून हे उन्हाळ्याचे महिने असतात, जेव्हा तापमान 20 °C आणि 36 °C दरम्यान असते. तेव्हा येथील तीर्थयात्रेसाठी हा सर्वोत्तम काळ मानला जातो.