बुधवार, 21 ऑक्टोबर 2026
(फोटो सौजन्य: Instagram)
काय दिसलं व्हिडिओत?
इंटरनेटवर वेगाने व्हायरल होत असलेल्या या व्हिडिओमध्ये तुम्ही पाहू शकता यात दिसते की, शांत समुद्रकिनाऱ्यावरील एक मनमोहक दृष्य आपल्या नजरेस पडेल. निळेशार पाणी त्यात उसळत्या लाटा आणि लोकांची नसलेली गर्दी यामुळे पक्षाच्या आनंदाकडे लगेच लक्ष जाते. आपल्याला यात दिसते की, एक लहान पक्षी पाण्याच्या दिशेने पळत जातो आणि लाटा ओसंडून किनाऱ्यावर येऊ लागल्या की तो परत पळत पळत पुन्हा किनाऱ्यावर येतो. असे तो बऱ्याचदा करतो जणू लाटांसोबत त्याची पकडा पकडीच सुरु आहे. हे असं करताना व्हिडिओत दोन चिमुकले पक्षी दिसून येतात. समुद्रकिनारा आणि लाटांची ते मजा घेत असतात. व्हिडिओ आपल्याला शिकवतो की, आपण कितीही लहान असलो तरी निसर्गातील प्रत्येक गोष्टीचा आपण आनंद आपल्या पद्धतीने घेऊ शकतो. आपण आजवर पक्षांना फक्त आकाशात उडताना पाहिलं होतं पण त्यांना असं समुद्रावर मजा करताना क्वचितच कुणी पाहिलं असावं.
View this post on Instagram
हा व्हिडिओ @the.vyas.pov नावाच्या इंस्टाग्राम अकाऊंटवरुन शेअर करण्यात आला आहे. व्हिडिओच्या कॅप्शनमध्ये लिहिण्यात आले आहे की, ‘शांत, निवांत आयुष्याचे आवाहन – अगदी समुद्राकाठी नाचणाऱ्या सँडपायपर पक्ष्यांसारखेच आनंददायी’. व्हिडिओवर कमेंट्स करत अनेकांनी या दृष्यांवर आपले मत व्यक्त केले. यात एका यूजरने म्हटले की, “खूपच सुंदर”, दुसऱ्या युजरने लिहिले आहे, “तसा तो पक्षी काही खेळत नाहीये बरं का; तो तर आपल्या भक्ष्याची शिकार करत आहे. प्रत्येक गोष्टीचे असे ‘रोमँटीकरण’ करणे थांबवा” आणखीन एका युजरने लिहिले आहे, “माझा लहान मुलगाही बीचवर गेल्यावर असंच करतो”.
टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.
