महाकुंभमध्ये बाबांना राग अनावर, युट्युबरची केली चिमट्याने धुलाई, पाहून तुम्हालाही हसू अनावर होईल; Video Viral
प्रयागराजमध्ये कालपासून महाकुंभमेळा सुरू होत असून, श्रद्धा आणि धार्मिकतेच्या या महान सोहळ्यात लाखो भाविक गंगेत स्नान करण्यासाठी येथे पोहचले आहेत. आता एवढा मोठा धार्मिक कार्यक्रम ज्यात लाखोंच्या संख्येने लोक सहभागी होतात आणि तिथे कोणतेही भांडण न होणे हे कसे शक्य आहे? महाकुंभचे अनेक व्हिडिओ सोशल मीडियावर सातत्याने व्हायरल होत आहेत. असाच एक व्हिडिओ नुकताच सोशल मीडियावर मोठ्या प्रमाणात व्हायरल झाला आहे, ज्यात कुंभात स्नान करण्यासाठी आलेल्या बाबाला एका युट्युबरने प्रश्न विचारला असता, त्या बाबाने युट्युबरला चिमट्याने कूट कूट कुटले.
वास्तविक, हा कुंभाचा प्रसंग होता जिथे जगभरातील लोक गंगेत स्नान करण्यासाठी आणि स्नान करण्यासाठी आले होते. जणू काही संतांचे शिबिरच इथे उभारले आहे. तिथले यूट्यूबर वेगवेगळ्या तंबूत राहणाऱ्या साधूंशी बोलून बाइट मिळवण्याचा प्रयत्न करत आहेत. पण साधू बाबाचा बाइट घेणे एका युट्युबरला चांगलेच महागात पडले. यावेळी बाबांनी अक्षरशः त्यांना जवळील चिमट्याने त्याला हाणायला सुरुवात केली. आता या व्हायरल व्हिडिओत नाक्की काय घडले, चला याविषयी सविस्तर जाणून घेऊयात.
काय आहे व्हिडिओत?
सोशल मीडियावर व्हायरल होत असलेल्या या व्हिडिओमध्ये यूट्यूबर बाबांना त्यांचा कुंभाचा अनुभव विचारल्यानंतर म्हणतो की, “तुम्ही इथे बसून कोणत्या देवाची पूजा करता, कृपया आम्हालाही भजन गाऊन दाखवा” . त्यानंतर बाबांना वाटतं की, युटूबर इथे त्यांचा तमाशा पाहण्यासाठी आला आहे ज्यामुळे पुढच्याच क्षणी ते म्हणतात की, “आम्ही तुम्हाला तमाशा दाखवण्यासाठी इथे बसलो आहोत का?”. यानंतर पुढच्याच क्षणी बाबा उठतात आणि बाजूला असलेल्या चिमट्याने त्याची धुलाई करायला सुरुवात करतात. बाबांचे असे रूप पाहून युटूबर घाबरतो आणि थेट तिथून पळत सुटतो. हे संपूर्ण दृश्य पाहायला फार मजेदार वाटते ज्यामुळे सोशल मीडियावर शेअर होताच ते लगेच व्हायरल झाले. लोक या व्हिडिओची चांगलीच मजा लूटत आहेत आणि शेअर देखील करत आहेत.
Kalesh b/w a Baba and Reporter/Youtuber during Maha kumbh mela
pic.twitter.com/diooeahxuy — Ghar Ke Kalesh (@gharkekalesh) January 12, 2025
महाकुंभ मेळ्यातील हा मजेदार व्हिडिओ @gharkekalesh नावाच्या एक्स अकाऊंटवरून शेअर करण्यात आला आहे. व्हिडिओला लाखो लोकांनी पाहिले असून युजर्सने यावर कमेंट्सचा वर्षाव केला आहे. या घटनेवर अनेकांनी आपल्या प्रतिक्रिया व्यक्त केल्या. एका युजरने लिहिले, “त्याने पुन्हा वळून पाहिलेही नाही आणि तो थेट तिथून पळत सुटला” तर दुसऱ्या युजरने लिहिले आहे, “आशीर्वाद मिळाला बाबांचा”.
टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत योग्य नाही वा आमचा कोणताही दावा नाही.
.png "Videos"){kind=small}
