शुक्रवार, 16 ऑक्टोबर 2026
Nizar Amidi: इराकच्या राजकारणात मोठे सत्तांतर! निझार अमिदी यांच्या खांद्यावर देशाची धुरा; काय असणार युद्धात इराकची भूमिका? ( फोटो सौजन्य : सोशल मीडिया )
Nizar Amidi new Iraq President 2026 : गेल्या अनेक महिन्यांपासून राजकीय पेचप्रसंगात अडकलेल्या इराकने (Iraq) अखेर आपला नवा राष्ट्राध्यक्ष निवडला आहे. कुर्दिस्तानच्या पॅट्रिऑटिक युनियनचे अनुभवी नेते निझार अमिदी यांची इराकी संसदेने देशाचे नवे राष्ट्राध्यक्ष म्हणून नियुक्ती केली आहे. पाच महिने चाललेल्या निवडणूक प्रक्रियेनंतर आणि अनेक नाट्यमय घडामोडींनंतर अमिदी यांनी २२७ मते मिळवून फुआद हुसेन यांचा पराभव केला. मात्र, ही नियुक्ती अशा वेळी झाली आहे जेव्हा इराक केवळ राजकीयच नव्हे, तर भीषण आर्थिक आणि लष्करी संकटातून जात आहे.
सध्या संपूर्ण पश्चिम आशिया अमेरिका, इस्रायल आणि इराण यांच्यातील संघर्षामुळे धुमसत आहे. या वादाचा सर्वाधिक फटका शेजारील देश म्हणून इराकला बसला आहे. इराण-समर्थित मिलिशिया आणि अमेरिकन सैन्यामध्ये होत असलेल्या थेट हल्ल्यांमुळे इराकच्या पायाभूत सुविधांची प्रचंड पडझड झाली आहे. सर्वात महत्त्वाचे म्हणजे, होर्मुझची सामुद्रधुनी बंद झाल्यामुळे इराकची तेल निर्यात जवळपास शून्य झाली आहे. ज्या देशाची अर्थव्यवस्था तेलावर अवलंबून आहे, त्या देशासाठी हे संकट म्हणजे ‘दुष्काळात तेरावा महिना’ ठरत आहे. अमिदी यांच्यासमोर आता हे युद्धाचे ढग दूर करून देशाची अर्थव्यवस्था पुन्हा रुळावर आणण्याचे हिमालयाएवढे मोठे आव्हान आहे.
जागतिक घडामोडी संबंधित बातम्या वाचण्यासाठी येथे क्लिक करा : Islamabad Talks: ‘इराणला सोडणार नाही!’ नेतान्याहूंचा महाभयंकर इशारा; शांतता चर्चेपूर्वीच इस्रायलचा हिजबुल्लाहवर हल्ला
इराकी परंपरेनुसार, राष्ट्राध्यक्षपद कुर्द समुदायाकडे असते, तर पंतप्रधानपद शिया समुदायाकडे जाते. अमिदी यांच्या निवडीनंतर आता पुढच्या १५ दिवसांत त्यांना पंतप्रधानपदासाठी उमेदवाराला आमंत्रित करावे लागेल. सध्या ‘शिया समन्वय फ्रेमवर्क’ने नूरी अल-मलिकी यांचे नाव पुढे केले आहे. मात्र, नूरी अल-मलिकी यांना वॉशिंग्टनचा (अमेरिका) तीव्र विरोध आहे. अमेरिका आणि इराणच्या या खेचाखेचीत अमिदी कोणाची निवड करतात, यावर इराकचे भवितव्य अवलंबून असेल. जर नूरी अल-मलिकी यांच्या नावावर शिक्कामोर्तब झाले, तर अमेरिकेसोबतचे संबंध अधिक ताणले जाण्याची शक्यता नाकारता येत नाही.
NEW – Kurdish politician, Nizar Amedi, elected and sworn in as Iraq’s new president, ending months of political deadlock following November 2025 parliamentary elections. pic.twitter.com/zxrJ3LKp0F — Disclose.tv (@disclosetv) April 11, 2026
credit – social media and Twitter
निझार अमिदी हे केवळ राजकारणी नसून ते एक अत्यंत कुशल अभियंता देखील आहेत. उत्तर इराकच्या दोहूक प्रांतात जन्मलेल्या अमिदी यांनी यापूर्वी जलाल तालाबानी आणि फुआद मासुम या दोन माजी राष्ट्राध्यक्षांचे विश्वासू सहाय्यक म्हणून काम केले आहे. त्यांना इराकी राजकारणातील बारीकसारीक गोष्टींची उत्तम जाण आहे. त्यांचा हा दीर्घ अनुभव इराकच्या जनतेला या संकटातून बाहेर काढण्यासाठी उपयोगी पडेल, अशी आशा व्यक्त केली जात आहे.
जागतिक घडामोडी संबंधित बातम्या वाचण्यासाठी येथे क्लिक करा : India Power: ‘पाकिस्तानचे मोठे नुकसान होऊ शकते, भारताला पर्वा नाही’; इस्लामाबाद वाटाघाटींवर US तज्ज्ञांनी दिला विनाशाचा इशारा
संसदीय निवडणुकीत कोणत्याही पक्षाला स्पष्ट बहुमत न मिळाल्याने हा पाच महिन्यांचा विलंब झाला होता. आता अमिदी यांची निवड झाली असली तरी, देशात शांतता प्रस्थापित करणे हे सोपे काम नाही. इराणचा प्रभाव आणि अमेरिकेचा दबाव यांच्यात संतुलन राखत इराकच्या जनतेला सुरक्षा आणि रोजगार देणे, ही अमिदी यांच्यासाठी ‘अग्निपरीक्षा’ ठरणार आहे.
Ans: निझार अमिदी यांची इराकच्या नव्या राष्ट्राध्यक्षपदी निवड झाली आहे.
Ans: इराक सध्या अमेरिका-इराण संघर्षामुळे निर्माण झालेले लष्करी संकट आणि तेल निर्यात थांबल्यामुळे उद्भवलेले आर्थिक संकट या दोन्हीचा सामना करत आहे.
Ans: नूरी अल-मलिकी हे इराण समर्थक मानले जातात, त्यामुळे त्यांच्या पंतप्रधानपदाच्या नामांकनाला अमेरिकेने तीव्र विरोध दर्शवला आहे.
