रविवार, 18 ऑक्टोबर 2026
फोटो सौजन्य सोशल मीडिया
याचवेळी एक नवीन माहिती समोर आली आहे . रशिया आणि युक्रेन यांच्यातील युद्धाचा भडका पुन्हा उडाला असून युक्रेनने रशियावर एक हजारांहून जास्तच ड्रोन डागल्याने रशियाला काही वेळेसाठी कळायचे बंद झाले . या हल्ल्यात रशियातील तेल साठवण आणि निर्यात यांना टार्गेट करण्यात आले असून सेंट पिटर्सबर्ग परिसरातील तेल डेपोला आग लागल्याने रशियाच्या ऊर्जा पायाभूत सुविधांचे संरक्षणाचे प्रश्न पुन्हा रशियासमोर उभे राहिले आहेत . अशातच या झालेल्या हल्ल्यावर रशियाने जोरदार प्रतिहल्ला करण्याचे वचन युक्रेनला दिले आहे .
रशियाच्या संरक्षण मंत्रालयाने दिलेल्या माहिती नुसार , हवाई संरक्षण यंत्रणेने एका रात्रीत १,०१५ युक्रेनी ड्रोन पडल्याचा दावा केला आहे . हे ड्रोन रशियाच्या विविध प्रदेशांसह क्रिमिया आणि काळ्या समुद्राच्या परिसरात रोखण्यात आले आहेत . सेंट पिटर्सबर्गमध्ये झालेल्या या हल्ल्यात अनेक भागात आग लागली असून मोठ्या ड्रोन हल्ल्यामुळे रशियाच्या हवाई संरक्षण यंत्रणेचे जवळपास तीन तेरा वाजले . असे मिळालेल्या माहितीवरून समजते आहे .
युक्रेनच्या ड्रोन हल्ल्यांमध्ये सेंट पिटर्सबर्ग मधील ऑइल टर्मिनल आणि रुची तेल डेपोला टार्गेट करण्यात आले आहे . या ठिकाणी आग लागल्याची माहिती स्थानिक प्रशासनाने दिली आहे . याशिवाय रशियातील रिटेल कंपनी ओझोनच्या लॉजिस्टिक सेंटरलाही आग ;लागली आहे . VK या तंत्रज्ञान कंपनीचा डेटा सेंटरवरही हल्ला झाल्याचे कंपनीने स्पष्ट केले आहे . या हल्ल्यामुळे रशियाच्या ऊर्जा आणि तंत्रज्ञान क्षेत्रातील महत्वाच्या पायाभूत सुविधांचाही सुरक्षेचा प्रश्न निर्माण झाला आहे .
दरम्यान , रशियानेही युक्रेनच्या शहरावर हल्ले केले आहेत . या हल्ल्यामध्ये एका महिलेचा मृत्यू झाला असून सहा वर्षाच्या मुलीसह इतर नागरिक जखमी झाल्याचे वृत्त आहे . दुसरीकडे युक्रेनचे राष्ट्राध्यक्ष झेलेन्स्की यांनी रशियाकडून ऊर्जा सुविधांवर सातत्याने हल्ले होत असल्याच्या आरोप केला आहे . त्यांच्या म्हणण्यानुसार गेल्या आठवड्यात युक्रेनच्या ऊर्जा , तेल , आणि वायूंवर ७६ वेळा हल्ले झाले आहेत . त्यामुळे युद्धसोबतच अमेरिका आणि युक्रेनमधील संबंधांमध्येही तणाव निर्माण झाला असून दोन्ही देशात एकमेकांबद्दल प्रचंड चीड आणि राग निर्माण झाला आहे .
