रविवार, 30 ऑगस्ट 2026
फोटो सौजन्य सोशल मीडिया
परिसरात मोठ्या प्रमाणात न फुटलेली स्फोटके आणि धोकादायक अवशेष असल्याने बचाव आणि साफसफाईचे काम अत्यंत सावधपणे सुरु आहे . युक्रेनचे राष्ट्राध्यक्ष वोलोडीमार झेलेन्स्की यांनी या घटनेला गंभीर दुर्घटना ठरवत जबाबदारी निश्चित करण्याचे संकेत दिले आहेत .
कीव्हच्या पश्चिमेला असलेल्या मायला येथील लष्करी सुविधेवर शुक्रवारी रात्री हल्ला झाल्यानंतर दारूगोळ्याचा साठ्याचा स्फोट झाला . या स्फोटाच्या मालिकेत आतापर्यंत ३८ जणांचा मृत्यू झाला असून २० जण जखमी झाले आहेत . याशिवाय आणखी चार जण बेपत्ता असल्याने मृतांचा आकडा वाढण्याची शक्यता व्यक्त केली जात आहे .
जखमींमध्ये दोन मुलांचाही समावेश असल्याचे युक्रेनियन अधिकाऱ्यांनी सांगितले आहे . या हल्ल्यामुळे आसपासच्या परिसरात अनेक इमारतींचे नुकसान झाले आहे . बचाव पथकांनी मोठ्या प्रमाणात आग आटोक्यात आणली असली तरी . घटनास्थळी धोका कायम आहे . त्यामुळे शोध आणि बचावकार्य सुरु ठेवण्यात आले आहे .
स्फोटांनंतर परिसरात मोठ्या प्रमाणात स्फोटके आणि अवशेष तसेच न फुटलेली युद्धसामग्री पसरली आहे . त्यामुळे हा भाग धोकादायक आणि दूषित घोषित करण्यात आला आहे . युक्रेनच्या आपत्कालीन सेवांचे पायरोटेक्निक पथक घटनास्थळी तैनात असून न फुटलेली स्फोटके शोधून निष्क्रिय करण्याचे काम सुरु आहे .
झेलेन्स्की यांनी दिलेल्या माहितीनुसार साठवणूक केंद्रात तोफगोळे , माईन्स ड्रोन आणि इतर दारुगोळा ठेवण्यात आला होता . हल्ल्यानंतर झालेल्या साखळी स्फोटांमुळे आगीचे लोळ मोठ्या प्रमाणात पसरले .
या घटनेनंतर निवासी भागाजवळ दारुगोळा साठवण्यात आल्याबद्दल युक्रेनमध्ये प्रश्न उपस्थित झाले आहेत . अधिकाऱ्यांनी या प्रकरणाच्या परिस्थितीची चौकशी सुरु केली असून , दारुगोळा साठवणुकीचे नियम पाळले गेले होते का. याचा तपास केला जात आहे .
संयुक्त राष्ट्रांच्या युक्रेनमधील मानवाधिकार निरीक्षण पथकानेही या प्रकरणाची माहिती गोळा करण्यास सुरवात केली आहे. दरम्यान , झेलेन्स्की यांच्या म्हणण्यानुसार मागील आठवड्यात रशियाने युक्रेनवर जवळपास २००० हल्लेखोर ड्रोन १६०० हुन अधिक हवाई बॉम्ब आणि ३१ क्षेपणास्त्रे डागली आहेत . त्यामुळे युक्रेन मधील हवाई हल्ल्यांची तीव्रता वाढल्याचे चित्र आहे .
