शुक्रवार, 23 ऑक्टोबर 2026
फोटो सौजन्य सोशल मीडिया
किव्ह सिटी मॅटर्निटी हॉस्पिटल क्रमांक २ मध्ये बोहातिरेन्को यांची प्रसूती सुरू होती. त्याचवेळी शहरात हवाई हल्ल्याचा इशारा देण्यात आला. रशियन ड्रोन हल्ल्यांचा धोका निर्माण झाल्याने नागरिकांना सुरक्षित ठिकाणी जाण्याचे आवाहन करण्यात आले होते.
मात्र बोहातिरेन्को यांची प्रसूती अंतिम टप्प्यात असल्याने परिस्थिती अत्यंत संवेदनशील होती. अखेर डॉक्टरांनी रुग्णालयातच प्रसूती करण्याचा निर्णय घेतला. बाळाचा जन्म झाल्यानंतर आनंद व्यक्त करताना बोहातिरेन्को यांनी मी एअर अलर्ट सुरू असतानाच बाळाला जन्म दिला . असे सांगितले.युद्धाच्या परिस्थितीतही आई आणि बाळ सुरक्षित राहिल्याने कुटुंबीयांनी सुटकेचा नि:श्वास सोडला.
Germany Politics : AfDचा झंझावाती उदय; जर्मनीनंतर आता संपूर्ण युरोपच्या राजकारणाला हादरा
बोहातिरेन्को या अशा अनेक महिलांपैकी एक आहेत, ज्यांना युक्रेनमध्ये युद्धाच्या धोक्यात प्रसूतीला सामोरे जावे लागत आहे. किव्हमध्ये अलीकडच्या काळात रशियन ड्रोन हल्ल्यांचा धोका वाढला असून दिवसा आणि रात्रीही एअर रेड अलर्ट देण्यात येत आहेत.
रुग्णालयातील गर्भवती महिलांना गरज भासल्यास सुरक्षित आश्रयस्थळी हलवले जाते. मात्र प्रसूतीसारख्या परिस्थितीत प्रत्येक वेळी तातडीने स्थलांतर करणे शक्य नसते. त्यामुळे डॉक्टरांना रुग्णाच्या स्थितीचा आणि बाहेरील हल्ल्याच्या धोक्याचा एकाच वेळी विचार करावा लागत आहे.
युद्धामुळे युक्रेनमध्ये जन्मदरावरही परिणाम झाला आहे. सुरक्षेची चिंता, आर्थिक संकट आणि अनेक पुरुषांचे सैन्यात असणे यामुळे अनेक कुटुंबे मुलांच्या भवितव्याबाबत चिंतेत आहेत.
Gaza Tragedy : शाळेच्या पहिल्याच दिवशी चिमुकलीचा मृत्यू; वफा आणि वडील इस्रायली हल्ल्यात ठार
रशिया-युक्रेन युद्धाने युक्रेनमधील आरोग्य व्यवस्थेसमोरही मोठे आव्हान उभे केले आहे. रुग्णालये, डॉक्टर आणि रुग्णांना सततच्या हवाई हल्ल्यांच्या सावटाखाली काम करावे लागत आहे.
तरीही युद्धाच्या भीषण परिस्थितीत नव्या जीवाचा जन्म आशेचा संदेश देत आहे. बाहेर सायरन वाजत असताना रुग्णालयाच्या आत नवजात बाळाच्या रडण्याचा आवाज ऐकू येणे, ही युक्रेनमधील युद्धाची मानवी किंमत आणि त्याचवेळी जीवनाच्या जिद्दीचे प्रतीक ठरत आहे.
