China Taiwan Crisis : 'स्वातंत्र्याची भाषा करणाऱ्यांना ठेचून काढणार!' बीजिंगमध्ये गुप्त खलबतं; जिनपिंग अन् तैवानच्या विरोधी पक्षनेत्याची भेट ( फोटो सौजन्य : सोशल मीडिया )
Xi Jinping Cheng Li-wun Beijing meeting : जागतिक नकाशावर सध्या युद्धाचे ढग दाटले आहेत आणि त्यातच आशिया खंडातून एक अत्यंत खळबळजनक बातमी समोर येत आहे. चीनचे राष्ट्राध्यक्ष शी जिनपिंग (Xi Jinping) यांनी तैवानच्या कुओमिंतांग (केएमटी) या विरोधी पक्षाच्या नेत्या चेंग ली-वुन यांची बीजिंगमधील ‘ग्रेट हॉल ऑफ द पीपल’ मध्ये भेट घेतली. ही भेट केवळ शिष्टाचार नव्हती, तर तैवानच्या स्वातंत्र्याची स्वप्ने पाहणाऱ्यांना दिलेला हा एक अंतिम इशारा मानला जात आहे. या भेटीदरम्यान जिनपिंग यांनी ‘एक चीन’ या आपल्या जुन्याच पण आक्रमक धोरणाचा पुनरुच्चार केला.
या गुप्त बैठकीतून बाहेर आलेल्या माहितीनुसार, शी जिनपिंग यांनी अत्यंत कठोर शब्दांत आपला संदेश दिला आहे. ते म्हणाले की, “तैवान सामुद्रधुनीच्या दोन्ही बाजूला राहणारे लोक हे रक्ताने चिनी आहेत. जे लोक चीनपासून वेगळे होण्याचा किंवा स्वातंत्र्याचा प्रयत्न करतील, त्यांना इतिहासाच्या पानांवर शिक्षा भोगावी लागेल.” जिनपिंग यांचा रोख तैवानच्या सध्याच्या लोकशाहीवादी सरकारकडे होता. या भेटीत त्यांनी ‘एक कुटुंब’ ही संकल्पना मांडली असली, तरी त्यामागे तैवानवर ताबा मिळवण्याची लष्करी धमकी स्पष्टपणे दिसून येत आहे.
जागतिक घडामोडी संबंधित बातम्या वाचण्यासाठी येथे क्लिक करा : MQ4C Triton : अमेरिकेचा 1600 कोटींचा ‘ट्रायटन’ हवेतच गायब; आखातात रोज 3 हजार कोटींचा धूर, रहस्यमय ‘सिग्नल’ने खळबळ
चीनने तैवानच्या सत्ताधारी पक्षाला बाजूला सारून थेट विरोधी पक्षनेत्यांशी चर्चा करणे, ही बीजिंगची एक मोठी चाल मानली जात आहे. तैवानमध्ये अंतर्गत फूट पाडून तिथल्या लोकांच्या मनात ‘एकतेचा’ भ्रम निर्माण करण्याचा हा चीनचा प्रयत्न आहे. चेंग ली-वुन यांच्याशी झालेल्या चर्चेत जिनपिंग यांनी असा विश्वास व्यक्त केला की, दोन्ही बाजूंच्या संबंधांचे भविष्य हे ‘चिनी’ असण्यातच दडलेले आहे. मात्र, तैवानमधील बहुसंख्य जनता स्वतःला स्वतंत्र मानत असल्याने जिनपिंग यांचे हे विधान आगीत तेल ओतण्यासारखे ठरले आहे.
Taiwan opposition leader Cheng Li-wun leaves on April 7 for China and a potential meeting with President Xi Jinping on what she says is a peace mission as Beijing makes a renewed push to convince Taiwanese to support ‘reunification’ https://t.co/VMQxUPdxZT — Reuters (@Reuters) April 6, 2026
credit – social media and Twitter
चीनच्या या वाढत्या हालचालींवर अमेरिकेचे बारीक लक्ष आहे. अधिकृत राजनैतिक संबंध नसतानाही, अमेरिका हा तैवानचा सर्वात मोठा शस्त्र पुरवठादार आणि संरक्षक आहे. चीनने अनेकदा अमेरिकेला तैवानला शस्त्रे पुरवण्यापासून रोखले आहे, पण अमेरिकेने आपला पाठिंबा कायम ठेवला आहे. आता जिनपिंग यांनी विरोधी पक्षनेत्यासोबत केलेल्या या बैठकीमुळे तैवान सामुद्रधुनीच्या परिसरात चीनच्या लष्करी हालचाली आणखी तीव्र होण्याची शक्यता आहे. २०२३ पासून सुरू असलेला हा तणाव आता २०२६ मध्ये युद्धाच्या उंबरठ्यावर पोहोचला आहे.
जागतिक घडामोडी संबंधित बातम्या वाचण्यासाठी येथे क्लिक करा : Iran No Talks : इस्लामाबाद किल्ल्यासारखं सजवलं, पण पाहुणेच गायब; इराणचा शांतता चर्चेला सणसणीत नकार, त्यात पाकिस्तानचा अपमान
शी जिनपिंग यांची ही भेट चीनच्या त्या मोठ्या रणनीतीचा भाग आहे, ज्यामध्ये ते तैवानला पूर्णपणे चीनमध्ये विलीन करू इच्छितात. जिनपिंग यांनी वापरलेली “शिक्षेची” भाषा ही केवळ शब्दांची फुलोरा नसून, ती लष्करी कारवाईची पूर्वसूचना असू शकते. जर तैवानने आपला स्वातंत्र्याचा आग्रह सोडला नाही, तर चीनकडून भविष्यात “काहीतरी मोठे” घडण्याची शक्यता नाकारता येत नाही.
