फोटो सौजन्य: iStock
देशातील सर्वात मोठा ऑटोमोटिव्ह इव्हेंट येत्या 17 जानेवारीला आयोजित करण्यात येणार आहे. भारत मोबिलिटी ग्लोबल एक्स्पो 2025 असे या कार्यक्रमाचे नाव आहे. ऑटो एक्स्पो 2025 या नावाने देखील या कार्यक्रमाला ओळखले जात आहे. या कार्यक्रमात अनेक वाहन उत्पादक सहभागी होणार आहेत. तसेच यात आपल्याला अनेक नवीन कार आणि बाईक पाहायला मिळू शकतात.
देशात अनेक दुचाकी उत्पादक कंपन्या आहेत, ज्या बेस्ट आणि हाय परफॉर्मन्स बाईक्स ऑफर करत असतात. यामाहा हे त्यातीलच एक नाव आहे. आता लवकरच ही कंपनी ऑटो एक्सपोमध्ये एक अशी बाईक लाँच करणार आहे ज्यात हायब्रीड टेक्नॉलॉजी असणार आहे. चला याबद्दल अधिक जाणून घेऊया.
MG ने वाढवल्या ‘या’ कारच्या किंमती, ग्राहकांचा खिस्सा होणार अजूनच रिकामा
यामाहा हा पहिला ब्रँड आहे, ज्यांनी भारतीय रायडर्ससाठी त्यांच्या बाईकमध्ये हायब्रिड तंत्रज्ञानाचा वापर केला आहे. यामाहाच्या Fascino आणि Ray ZR मध्ये हे तंत्रज्ञान दिसून आले आहे. त्याच वेळी, Yamaha FZ-X 150 cc मोटरसायकल देखील हायब्रिड तंत्रज्ञानासह लाँच केली जात आहे. यामाहा FZ-S मॉडेलमध्ये नवीन रंग व्हेरियंट देखील सादर करणार आहे. यामाहाच्या या दोन्ही बाईक्स भारत मोबिलिटी ग्लोबल एक्स्पो 2025 मध्ये FZ-X आणि FZ-S अपडेट्ससह लाँच होणार आहेत.
या यामाहा बाईकमध्ये हायब्रिड तंत्रज्ञानाच्या उपलब्धतेमुळे, त्यात एकात्मिक स्टार्टर जनरेटरची सुविधा असेल. त्याच्या मदतीने, बाईकला थोड्या इलेक्ट्रिक बूस्टसह जास्तीत जास्त आउटपुट मिळेल. यामाहा एफझेड-एक्समध्ये एअर-कूल्ड, 149 सीसी, सिंगल-सिलेंडर इंजिन आहे. या बाईकचे इंजिन 12.4 एचपी पॉवर आणि 13.3 एनएम टॉर्क निर्माण करते. यासोबतच, FZ-X मध्ये स्टार्ट/स्टॉप तंत्रज्ञान प्रदान केले आहे. ही बाईक कोणत्याही आवाजाशिवाय सुरू करता येते.
वाह रे चायनीज टेक्नॉलॉजी ! आता रस्त्यावरचा खड्डा दिसला की BYD ची ‘ही’ कार मारेल चक्क उडी
यामाहा एफझेड-एक्स मध्ये रंगीत टीएफटी डिस्प्ले असणार आहे, ज्यामुळे रायडरला या बाईकमध्ये कॉल/नोटिफिकेशन अलर्ट आणि म्युझिक प्लेबॅक कंट्रोलची सुविधा मिळणार आहे. यासोबतच, एक नवीन स्विचगियर देखील उपलब्ध असेल, ज्याद्वारे बाईकच्या इतर सर्व फीचर्सवर नियंत्रण ठेवता येईल. भारतीय बाजारात उपलब्ध असलेल्या या बाईकची किंमत 1.37 लाख ते 1.41 लाख रुपयांच्या दरम्यान आहे. पण नवीन फीचर्स जोडल्यानंतर या बाईकची किंमत वाढू शकते.
यामाहा FZ-X मधील अपडेटसोबतच, FZ-S मध्येही कंपनीकडून नवीन अपडेट आणले जात आहे. या यामाहा बाईकमध्ये राखाडी/निळसर रंगाचा पर्याय जोडला जाऊ शकतो, जो MT-15 आणि MT-03 मध्ये दिसू शकतो.
.png "Videos"){kind=small}
