Tata Sierra, Scorpio की Creta? कोणत्या SUV ला ग्राहक देतात भरघोस प्रतिसाद?

भारतीय ऑटो बाजारात एसयूव्ही सेगमेंटमध्ये अनेक उत्तम कार्स ऑफर होत असतात. अशीच लोकप्रिय कार म्हणजे Tata Sierra, Scorpio आणि Hyundai Creta. मात्र, ग्राहक कोणत्या कारला देतात सर्वाधिक मागणी? चला याबद्दल जाणून घेऊयात.

• SUV कारला नेहमीच चांगली मागणी मिळते
• या सेगमेंटमध्ये Tata Sierra, Scorpio आणि Creta ला चांगली मागणी
• ग्राहक कोणत्या कारला देतात सर्वाधिक मागणी

भारतात मिड-साईज SUV सेगमेंट झपाट्याने वाढत असून ग्राहकांमध्ये याची मागणी सातत्याने वाढत आहे. या श्रेणीत 4.3 मीटर ते 4.7 मीटर लांबीच्या अनेक गाड्या येतात, ज्या स्पेस, फीचर्स आणि परफॉर्मन्सचा उत्तम समतोल देतात. त्यामुळे सध्या अनेक ग्राहक सेडान किंवा हॅचबॅकऐवजी SUV खरेदी करण्याकडे वळत आहेत. या सेगमेंटमध्ये Hyundai, Mahindra, Tata Motors आणि Toyota यांसारख्या कंपन्यांचे वर्चस्व आहे.

पहिल्या क्रमांकावर Hyundai Creta

फेब्रुवारी 2026 च्या विक्री आकडेवारीनुसार Hyundai Creta पुन्हा एकदा या सेगमेंटमध्ये अव्वल ठरली. मागील महिन्यात तिच्या 17,938 युनिट्सची विक्री झाली. गेल्या वर्षाच्या तुलनेत सुमारे 10% वाढ नोंदवली गेली आहे. आकर्षक डिझाइन, आधुनिक फीचर्स आणि विश्वासार्ह परफॉर्मन्समुळे Creta ग्राहकांची पहिली पसंती ठरत आहे.

Bharat NCAP सेफ्टी टेस्टमध्ये ‘या’ 5 कार सर्वात पुढे उभ्या! एका झटक्यात मिळवली 5 स्टार रेटिंग

दुसऱ्या क्रमांकावर Mahindra Scorpio

या यादीत दुसऱ्या स्थानावर Mahindra Scorpio आहे. फेब्रुवारी 2026 मध्ये या SUV च्या 14,665 युनिट्सची विक्री झाली. Scorpio N आणि Scorpio Classic या दोन्ही मॉडेल्समुळे तिची लोकप्रियता कायम आहे. दमदार इंजिन, मजबूत बॉडी आणि रफ-टफ लूकमुळे ही SUV विशेष ठरते. यामुळेच तिच्या विक्रीत सुमारे 8% वाढ झाली आहे.

तिसऱ्या क्रमांकावर Maruti Suzuki Grand Vitara

तिसऱ्या स्थानावर Maruti Suzuki ची Grand Vitara आहे. फेब्रुवारी 2026 मध्ये तिच्या 13,021 युनिट्सची विक्री झाली. हायब्रिड इंजिन आणि उत्तम मायलेजमुळे ही SUV ग्राहकांमध्ये लोकप्रिय आहे. कमी खर्चात चांगला मायलेज देणारी आणि आरामदायी ड्राइव्ह देणारी SUV म्हणून तिची मागणी वाढत आहे.

वाहनधारकांनो लक्ष द्या! महामार्गांवर FASTag स्कॅन नाही झाला तर आता बसणार दुप्पट दंड! केंद्र सरकारचा नवा नियम

Toyota आणि Tata SUV ची वाढती लोकप्रियता

Toyota Urban Cruiser Hyryder या SUV ने या सेगमेंटमध्ये सर्वाधिक वाढ नोंदवली असून तिच्या विक्रीत सुमारे 117% वाढ झाली आहे. त्याचबरोबर Tata Harrier, Tata Safari आणि आगामी Tata Sierra यांसारख्या SUV ची मागणीही वेगाने वाढत आहे. यावरून स्पष्ट होते की, येत्या काळात या सेगमेंटमध्ये स्पर्धा आणखी तीव्र होणार आहे.