दिसायला रणगाडा! hyundai ची क्रेटर सादर, मजबूत डिझाईन… साहसी इलेक्ट्रिक SUV सिरीजची झलक

लॉस एंजेलिस Auto Show 2025 मध्ये Hyundai ने त्यांच्या नवीन Hyundai Crater कॉन्सेप्ट SUV चा नमुना सादर केला, ज्याचा लुक ग्राहकांचे लक्ष वेधून घेतो.

• ग्राहकांसमोर Hyundai Crater चा नमुना सादर करण्यात आला
• लॉस एंजेलज या शहरात Auto Show आयोजित
• भविष्यात हा कॉन्सेप्ट काही हटके ठरेल

Hyundai त्यांच्या ग्राहकांना कधी उदास करत नाही. प्रत्येक सेगमेंटमध्ये विशेष अशी गाडी त्यांच्याकडे असते. दिसायला हलकी असणारी किंवा रणगाड्यासारखी जाड! प्रत्येक गाडीमध्ये ते जीव टाकतात आणि एक उत्कृष्ट असा नमुना ग्राहकांना आणून देतात. असाच एक नमुना Hyundai कडून सादर करण्यात आला आहे. याचे अजून अनावरण झाले नाही फक्त Look चे अनावरण झाले आहे. ग्राहकांसमोर Hyundai Crater चा फक्त नमुना सादर करण्यात आला आहे.

Tesla ने भारतात उघडले सर्वात पहिले All-In-One सेंटर, गुरुग्राममध्ये मिळणार विक्रीपासून सर्व्हिसपर्यंत सुविधा

Hyundai 2025 Auto Show USA (United States of America)च्या लॉस एंजेलज या शहरात आयोजित करण्यात आले होते. या Auto Show दरम्यान Hyundai ने त्यांची नवीन आगामी गाडीच्या Look चे अनावरण केले आहे. तसेच या कॉन्सेप्टचे नाव Hyundai Crater असे देण्यात आले आहे. ही गाडी पाहायला रणगाड्याचा भास देत आहे. एकंदरीत, ह्युंदाईने 2025 लॉस एंजेलिस ऑटो शोमध्ये नवी कॉन्सेप्ट SUV ‘क्रेटर’चे अनावरण केले, जी भविष्यातील एक्सआरटी-बॅज्ड साहसी इलेक्ट्रिक SUV सिरीजची झलक दाखवते.

या SUV चे वैशिष्ट्य म्हणजे या गाडीचे डिझाईन ‘आर्ट ऑफ स्टील’ फिलॉसफीवर आधारित आहे. या गाडीला तीक्ष्ण असे बॉडी लाईन्स आहेत. मस्क्युलर प्रोफाइल असणारी ही SUV भविष्यात बाजारात धमाल करणारच आहे याची शाश्वत ग्वाही स्वतः Hyundai Crater चे उत्कृष्ट फीचर्स देत आहेत. भविष्यात येणाऱ्या EV SUV मध्ये हा कॉन्सेप्ट काही हटके ठरेल असे दिसून येत आहे. कारण या Off Roading कॉन्सेप्टला जगभरातून उत्तम प्रतिसाद मिळत आहे.

बाकी कंपन्यांची उडाली झोप! Ducati च्या ‘या’ बाईकचा मार्केटमध्ये जलवा; किंमत फक्त…, फीचर्स पहाच

फीचर्स लक्षात घेतले तर Hyundai Crater या नव्या कॉन्सेप्टला १८-इंचाची चाके, ३३-इंच ऑल-टेरेन टायर्स, जड बॉडी क्लॅडिंग, रूफ रॅकवरील पिक्सेल-स्टाईल लाइट्स आणि फ्रंट स्किड प्लेटमध्ये दिलेला बिल्ट-इन बॉटल ओपनर अशा निरनिरळ्या वैशिष्ट्यांनी नटवण्यात तसेच सजवण्यात आले आहे.