सणासुदीचा काळ ठरला Mahindra साठी सुवर्ण काळ, 2024 मध्ये झाली आतापर्यंतची सर्वाधिक विक्री

महिंद्रा कंपनी आपल्या दमदार एसयूव्हीसाठी ओळखली जाते. पण यंदाच्या सणासुदीत कंपनीच्या कार्सना अजून लोकप्रियता मिळाली आहे. याचे कारण म्हणजे 2024 मध्ये वाढलेली विक्री.

एसयूव्ही कार्स नेहमीपासूनच भारतीय ऑटोमोबाईलमध्ये टॉपच्या कार्समध्ये समाविष्ट आहे. भारतात एसयूव्ही कार्सची मोठी डिमांड आहे. अनेक सेलिब्रेटीजपासून ते राजकारणी मंडळीपर्यंत अनेक जण एसयूव्ही कार्स वापरत असतात.

महिंद्रा अँड महिंद्रा कंपनी भारतीय कार मार्केटमध्ये चांगल्या आणि दमदार कार्स लाँच करत आहे. महिंद्रा थार तर अनेक कारप्रेमींच्या मनावर अधिराज्य गाजवीत आहे. नुकतेच कंपनीचा सेल्स रिपोर्ट जारी करण्यात आला आहे. या सेल्स रिपोर्टनुसार, कंपनीच्या कार्सची विक्री सणासुदीत वाढली आहे.

हे देखील वाचा: ‘या’ कंपनीच्या कार्सच्या निर्यातीत वाढ मात्र देशांतर्गत बाजारात घसरण, जाणून घ्या कंपनीचा Sales Report

या भारतीय ऑटोमोबाईल कंपनीने सणासुदीच्या काळात 54 पेक्षा जास्त SUV विकल्या आहेत. त्याच वेळी, हा आकडा कंपनीसाठी आतापर्यंतचा सर्वात मोठा आकडा आहे. या विक्रीचा सरळ अर्थ असा आहे की नवरात्रीपासून दिवाळीपर्यंत लोकांनी महिंद्राच्या स्कॉर्पिओ-एन, थार रॉक्स, XUV700, XUV 3XO आणि बोलेरो आणि इतर SUV मोठ्या प्रमाणावर खरेदी केल्या आहेत.

वार्षिक विक्रीत 25 टक्क्यांनी वाढ

महिंद्रा अँड महिंद्रा कंपनीने ऑक्टोबर महिन्यात आपल्या विविध SUV च्या 54504 युनिट्सची विक्री केली आहे. ही विक्री दर दरवर्षी 25 टक्क्यांनी वाढला आहे. एक वर्षापूर्वी, ऑक्टोबर 2023 मध्ये, कंपनीने भारतीय बाजारपेठेत 43708 प्रवासी वाहने विकली होती. त्याच वेळी, कंपनीने ऑक्टोबर 2024 मध्ये सर्व वाहन विभागांमध्ये 96648 वाहनांची विक्री केली आहे. जी कंपनीची वार्षिक आणि मासिक वाढ दर्शवते. भारतीय बाजारपेठेत कार विकण्याबरोबरच, कंपनीने 3506 वाहने निर्यात सुद्धा केली आहेत, ज्यात SUV तसेच इतर विभागातील वाहनांचा देखील समावेश आहे.

हे देखील वाचा: एसयूव्ही सुद्धा देईल जबरदस्त मायलेज, आजच फॉलो करा ‘या’ Driving Tips

निर्यातीती 89 टक्क्यांनी झाली वाढ

F25 मधील YTD विक्री देखील F24 मध्ये विकल्या गेलेल्या 48,628 युनिट्सच्या तुलनेत 4% ने 50,440 युनिट्सपर्यंत वाढली. निर्यातीबद्दल बोलायचे तर महिंद्राने जागतिक बाजारपेठेत चांगली कामगिरी केली आहे. गेल्या महिन्यात 3,506 युनिट्स पाठवून कंपनीच्या निर्यातीत 89% ची चांगली वाढ झाली आहे. हे ऑक्टोबर 2023 मध्ये निर्यात झालेल्या 1,854 युनिट्सपेक्षा जास्त आहे.

आता पर्यंतचा उच्चांक

ऑक्टोबर 2024 च्या विक्रीबाबत, महिंद्रा अँड महिंद्रा येथील ऑटोमोटिव्ह विभागाचे अध्यक्ष विजय नाकरा म्हणाले की, आम्ही आत्तापर्यंतच्या सर्वोच्च संख्येपर्यंत पोहोचलो आहोत, जी देशांतर्गत बाजारात 54504 युनिट्स होती. यासह आम्ही वार्षिक 25% वाढ केली आहे. ऑक्टोबर महिन्याची सुरुवात खूपच छान झाली. सणासुदीच्या काळात कंपनीने आपल्या SUV पोर्टफोलिओमध्ये सकारात्मक गती पाहिली. उल्लेखनीय म्हणजे, ऑर्डर बुक उघडण्याच्या पहिल्या 1 तासात 1.7 लाख युनिट्सच्या बुकिंगसह नवीन रॉक्सला सकारात्मक मागणी मिळाली. यासोबतच अपडेटेड XUV 3XO च्या विक्रीचे प्रमाणही वाढवले ​​आहे.