Mahindra Thar 5-Door ला ‘Mahindra Thar Roxx’ हे नाव, कंपनीकडून घोषणा! टिझर केला प्रदर्शित

महिंद्रा थारचे नवे मॉडल 'महिंद्रा थार 5 डोअर' पुढच्या महिन्यात बाजारात येणार आहे. या महिंद्रा थार 5 ला 'थार रॉक्स' असे नाव दिले आहे. ही कार 15 ऑगस्टला मार्केटमध्ये पदार्पण करणार आहे. महिंद्रा कंपनीने थारचे नवीन नाव जाहीर केलेच त्यासोबत एक टीझर व्हिडिओ देखील जारी केला आहे.

आपल्या वेगळ्या लुकसाठी आणि पावरपॅक परफॉर्मन्स साठी ओळखली जाणारी महिंद्रा थारचे नवे मॉडल ‘महिंद्रा थार 5 डोअर’ पुढच्या महिन्यात बाजारात येणार आहे. या महिंद्रा थार 5 ला ‘थार रॉक्स’ असे नाव दिले आहे. ही कार 15 ऑगस्टला मार्केटमध्ये पदार्पण करणार आहे. विशेष म्हणजे मार्केटमधील सध्याचे थार मॉडेलने चार वर्षांपूर्वी 15 ऑगस्टलाच पदार्पण केले होते. त्यामुळे महिद्रांची ही लॉचिंग रणनिती असू शकते. महिंद्रा कंपनीने थारचे नवीन नाव जाहीर केलेच त्यासोबत एक टीझर व्हिडिओ देखील जारी केला आहे, ज्यामध्ये आपण महिंद्रा थार रॉक्स पाहू शकतो. टीझरनुसार थार रॉक्स या मॉडेलमध्ये कारची लांबी वाढली आहे, कारच्या डिझाइनमध्ये अनेक लहान अपडेट्स केले आहेत, ज्यामध्ये नवीन हेडलाइट्स आणि ग्रिल देखील नवीन आहे. त्यामुळे थार आकर्षक दिसत आहे. कंपनीकडून गेल्या काही दिवसांपासून थार 5 डोअरचे टेस्टिंग केले जात होते त्यावेळी कारचे काही फोटो लिक झाले होते.

थार रॉक्सचा टिझर

थार रॉक्सची वैशिष्ट्ये

थार रॉक्सच्या इंजिन 2.0L टर्बो-पेट्रोल मोटर आणि 2.2L डिझेल इंजिन पर्याय असण्याची शक्यता आहे. 6-स्पीड मॅन्युअल आणि 6-स्पीड ऑटोमॅटिक ट्रान्समिशन दोन्ही पर्याय उपलब्ध असतील. थार रॉक्स 4×4 ड्राइव्हट्रेनसह सुसज्ज असेल, ज्यामध्ये गिअरबॉक्स, मागील एक्सलवर यांत्रिक लॉकिंग डिफरेंशियल आणि ब्रेक-लॉकिंग फ्रंट एक्सल समाविष्ट असेल.

थार रॉक्स सध्याच्या थारच्या आतील भागासाठी समान डिझाइन संकेत देईल. तथापि, हे 10.25-इंच टचस्क्रीन प्रणाली, 10.25-इंच डिजिटल इन्स्ट्रुमेंट क्लस्टर आणि XUV700-सारखे स्टीयरिंग व्हील यांसारख्या नवीन वैशिष्ट्यांसह सुसज्ज असेल. याव्यतिरिक्त, यात पॅनोरॅमिक सनरूफ, लेव्हल-2 एडीएएस, 360-डिग्री कॅमेरा सेटअप आणि बरेच काही यासारखी काही खास वैशिष्ट्ये देखील मिळतील.

किंमतीच्या बाबतीत बोलायचे झाल्यास, थार रॉक्सची अंदाजे किंमत 16 लाख ते 30 लाख रुपयांच्या दरम्यान असण्याची अपेक्षा आहे. सध्याचे थार मॉडेल हे 12 ते 18 लाख रुपये आहे.