गुरुवार, 27 ऑगस्ट 2026
(फोटो सौजन्य-AI एआय)
JSW MG मोटर इंडियाने भारतीय ऑटोमोबाईल बाजारात प्लग-इन हायब्रिड सेगमेंटमध्ये एक नवा टप्पा गाठत MG हेक्टर टोमाहॉक प्लग-इन हायब्रिड ही अत्याधुनिक ७-सीटर SUV अधिकृतपणे लाँच केली आहे. बॅटरी आणि पेट्रोल इंजिन अशा दोन्ही तंत्रज्ञानाचा सुरेख संगम साधणाऱ्या या गाडीमुळे लांबच्या प्रवासात चार्जिंगची चिंता पूर्णपणे मिटणार आहे.
किंमत आणि बॅटरी-ॲज-अ-सर्व्हिस योजना
नवीन हेक्टर टोमाहॉक PHEV ची एक्स-शोरूम किंमत Exclusive व्हेरियंटसाठी ₹२५.७० लाख आणि Essence व्हेरियंटसाठी ₹२७.८० लाख निश्चित करण्यात आली आहे. तथापि, कंपनीच्या बॅटरी-ॲज-अ-सर्व्हिस योजनेअंतर्गत ही SUV ₹२१.७९ लाख आणि ₹२३.८९ लाख या आकर्षक सुरुवातीच्या किमतीत खरेदी करता येईल. यासाठी ग्राहकांना प्रति किलोमीटर ₹३.२ रुपये बॅटरी भाडे द्यावे लागेल.
इंजिन, परफॉर्मन्स आणि ड्रायव्हिंग मोड्स
या SUV मध्ये १.५-लिटर ॲटकिन्सन सायकल पेट्रोल इंजिन १०१ hp, १२५ Nm आणि एक पावरफुल इलेक्ट्रिक मोटर १९८ hp, २३७ Nm देण्यात आली आहे. ही गाडी अवघ्या ९ सेकंदात ० ते १०० किमी/तास वेग पकडू शकते. यामध्ये ड्रायव्हिंगच्या परिस्थितीनुसार वापरण्यासाठी ६ विविध ड्रायव्हिंग मोड्स दिले आहेत,
या PHEV मॉडेलमध्ये २०.५ kWh क्षमतेचा बॅटरी पॅक आणि ५२ लिटरची इंधन टाकी दिली आहे. ही कार केवळ बॅटरीवर ११५ किमीपेक्षा जास्त धावू शकते, तर इंधन आणि बॅटरीच्या संयुक्त वापराने तब्बल १,१०० किमीपेक्षा जास्त मायलेज/रेंज देते. चार्जिंगबाबत बोलायचे तर, २५ kW DC फास्ट चार्जरच्या मदतीने ३५ मिनिटांत ३० ते ८० टक्के बॅटरी चार्ज होते. तर ३.३ kW AC चार्जरने पूर्ण चार्ज होण्यासाठी ७.५ तास लागतात. याशिवाय यात V2H (व्हिकल-टू-होम), V2L (व्हिकल-टू-लोड) आणि V2V (व्हिकल-टू-व्हीकल) या प्रगत वीज पुरवठा सुविधाही समाविष्ट आहेत.
प्रीमियम केबिन, आतील फीचर्स आणि सुरक्षा
गाडीच्या केबिनमध्ये १५.६-इंचाची मोठी टचस्क्रीन इन्फोटेनमेंट सिस्टम, ८.८-इंचाचा डिजिटल ड्रायव्हर डिस्प्ले आणि ८० पेक्षा जास्त कनेक्टेड फीचर्ससह i-SMART प्रणाली दिली आहे.GenAI व्हॉइस असिस्टन्स, कॅरॅओके, ड्युअल-पेन कॉकपिट सनरूफ, व्हेंटिलेटेड फ्रंट सीट्स आणि ५०W कुल्ड वायरलेस चार्जिंग यांसारखे फीचर्स प्रवासाचा अनुभव अधिक सुखकर बनवतात.
सुरक्षेच्या दृष्टीने सर्व व्हेरियंट्समध्ये ६ एअरबॅग्ज, ESP, ABS सह EBD, ट्रॅक्शन कंट्रोल आणि चारही चाकांना डिस्क ब्रेक Standard म्हणून दिले आहेत. हाय-स्पेक्ट एसेन्स व्हेरियंटमध्ये लेव्हल-२ ADAS सुरक्षा देण्यात आले आहे.
संबंधित माहिती आणि बाजारातील स्थान
भारतीय बाजारात सध्या टोयोटा अर्बन क्रूझर हायरायडर किंवा मारुती ग्रँड विटारा यांसारख्या स्ट्रॉन्ग-हायब्रिड गाड्या उपलब्ध आहेत, परंतु त्यांची केवळ-इलेक्ट्रिक रेंज खूप कमी असते. MG हेक्टर टोमाहॉक PHEV ही ११५ किमीची केवळ-इलेक्ट्रिक रेंज देत असल्याने, दैनंदिन शहरांमधील प्रवास शून्य इंधन खर्चात करू इच्छिणाऱ्या आणि लांबच्या प्रवासासाठी पेट्रोलचा पर्याय शोधणाऱ्या भारतीय कस्टमर्ससाठी हा एक अत्यंत उत्तम पर्याय ठरेल.
