Zelio E Bikes कडून ‘या’ स्कुटर्स लाँच, किंमत सर्वसामान्यांना परवडणारी

भारतात सध्या इलेक्ट्रिक वाहनांचे वारे जोरदार वाहत आहे. अनेक कंपनीज ग्राहकांसाठी उत्तम ई बाईक्स व स्कुटर्स लाँच करताना दिसत आहे. नुकतेच झेलियो ई-बाईक्सने त्यांची नवीन 'Eeva' सीरीज लाँच केली आहे. या सिरीज अंतर्गत कंपनी कुठल्या स्कुटर्स ऑफर करत आहे त्याबद्दल जाणून घेऊया.

भारताच्या इलेक्ट्रिक टू-व्हीलर मार्केटमधील अग्रेसर कंपनी असलेल्या झेलियो ई-बाईक्सने आपली नवीनतम श्रेणी, Eeva सीरीज लाँच करण्याची घोषणा केली आहे. रु. 56 ,051 आणि 90,500 (एक्स-शोरूम) दरम्यानच्या किंमतींसह, Eeva सीरीज द्वारे Eeva, Eeva Eco आणि Eeva ZX+ या तीन मॉडेल ऑफर करण्यात आले आहे.

ग्रेसी सीरीज आणि एक्स मेन लो-स्पीड इलेक्ट्रिक स्कूटर सारख्या पूर्वीच्या मॉडेल्सच्या यशावर आधारित, Eeva सीरीज विद्यार्थी, व्यावसायिक आणि तात्पुरत्या कामगारांसह शहरी प्रवाशांसाठी त्यांना हवी तशी नाविन्यपूर्ण, पर्यावरणास अनुकूल गतिशीलता उपाय पुरवण्यासाठी बनवली आहे.

हे देखील वाचा: जुन्या बाईकची मिळेल सर्वोत्तम किंमत ! बाईकमध्ये करा फक्त ‘हे’ बदल

ही इलेक्ट्रिक स्कूटर समोरील आणि मागील बाजूस ड्रम ब्रेकसह उपलब्ध आहे, ज्यामुळे तुमची राइड ही अधिक सुरक्षित होऊ शकते. हायड्रॉलिक शॉक अ‍ॅबसॉर्बरसह तुम्ही या स्कुटरसोबत खडबडीत रस्त्यांवरही सहजपणे प्रवास करून शकता.

Eeva मध्ये अँटी-थेफ्ट अलार्म, रिव्हर्स गियर, पार्किंग स्विच, ऑटो रिपेअर स्विच, यूएसबी चार्जर आणि डिजिटल डिस्प्ले यासारख्या प्रगत वैशिष्ट्यांचाही समावेश आहे, ज्यामुळे ही स्कुटर प्रवाशांसाठी एक उत्तम पर्याय बनतो. इवा ब्लू, ग्रे, व्हाइट आणि ब्लॅक रंगांत उपलब्ध आहे.

हे देखील वाचा: 1 लिटर पेट्रोल-डिझेलमध्ये Mahindra Scorpio कितीचा मायलेज देते? खरेदी करणार असाल तर जाणून घ्या

Eeva ZX+ मॉडेल हे, प्रीमियम इलेक्ट्रिक स्कूटरचा अनुभव घेऊ इच्छिणाऱ्यांसाठी तयार करण्यात आले आहे. ZX+ मध्ये फ्रंट डिस्क ब्रेक आणि मागील ड्रम ब्रेकची वैशिष्ट्ये आहेत, ज्यामुळे असाधारण नियंत्रण आणि सुरक्षितता सुनिश्चित होते. या मॉडेलमध्ये Eeva आणि Eeva Eco च्या सर्व प्रगत वैशिष्ट्यांचा समावेश आहे, जसे की अँटी-थेफ्ट अलार्म, रिव्हर्स गियर, पार्किंग स्विच, ऑटो रिपेअर स्विच, यूएसबी चार्जर आणि डिजिटल डिस्प्ले. Eeva ZX+ निळा, राखाडी, पांढरा आणि काळा या रंगात उपलब्ध आहे.

झेलियो ईबाईक्सचे सह-संस्थापक आणि व्यवस्थापकीय संचालक, कुणाल आर्य म्हणतात, “Eeva सीरीजची ओळख भारतातील शहरी गतिशीलता बदलण्याच्या आमच्या प्रवासातील एक महत्त्वपूर्ण माइलस्टोन आहे. आमच्या पूर्वीच्या लो-स्पीड मॉडेल्सच्या यशावर आधारित, ज्यांना त्यांच्या विश्वासार्हता आणि कार्यक्षमतेसाठी चांगला प्रतिसाद मिळाला आहे, आम्ही विविध ग्राहकांच्या गरजा पूर्ण करणारी स्कुटर ऑफर करण्यास उत्सुक आहोत.”