सोन्याच्या दरात मोठी वाढ
नवी दिल्ली : सोने-चांदीच्या दरात सातत्याने वाढ होताना दिसत आहे. जागतिक आर्थिक आव्हाने आणि किमती वाढण्याची शक्यता लक्षात घेता लोक गुंतवणूकीसाठी सोने खरेदी करण्याचा विचार करत आहेत. सध्या गुंतवणुकीचा पर्याय म्हणून सोन्याकडे पाहिले जात आहे. सोन्याची नाणी आणि बार यांची विक्री जास्त असण्याची अपेक्षा आहे, तसेच हलक्या दिसणाऱ्या दागिन्यांची विक्रीही जास्त असेल. त्यातच ऐन सणासुदीच्या दिवसात सोने एक लाख 34 हजार प्रतितोळा जाण्याची शक्यता आहे.
इंडियन बुलियन अँड ज्वेलर्स असोसिएशनने सांगितले की, गेल्या वर्षी धनत्रयोदशीला सोने ८१४०० रुपये प्रति १० ग्रॅम होते, तर शुक्रवारी ते १३४८०० रुपयांच्या विक्रमी उच्चांकावर पोहोचले. एका वर्षात सोने ५३४०० रुपयांनी (६५.६०%) महाग झाले आहे. असे असूनही, या धनत्रयोदशीला देशभरात ३९ टन सोने विकले जाण्याची अपेक्षा आहे.
गेल्या धनत्रयोदशीला विकल्या गेलेल्या ३५ टन सोन्यापेक्षा हा आकडा ११.४२ टक्के जास्त आहे. किमतीच्या बाबतीत, या वर्षी ५०७०० कोटी रुपयांचे सोने खरेदी-विक्री होण्याची अपेक्षा आहे. २०२३ मध्ये धनत्रयोदशीला देशभरात ४२ टन आणि २०२२ मध्ये ३९ टन सोने विकले गेले.
हलक्या वजनाच्या दागिन्यांना मागणी जास्त
सौंदर्य आणि सजावटीच्या दृष्टिकोनातून जड दिसणाऱ्या हलक्या वजनाच्या दागिन्यांना चांगली मागणी आहे. ९ कॅरेट ते १८ कॅरेटपर्यंतच्या सोन्याच्या दागिन्यांची यावेळी चांगली विक्री होईल, असा अंदाज आहे.
दागिन्यांच्या विक्रीत होऊ शकते ३०% पर्यंत घट
सध्याच्या वाढीनंतर, भविष्यात किमती आणखी वाढण्याची अपेक्षा आहे आणि लोक या धनत्रयोदशीला गुंतवणुकीसाठी सोने खरेदी करतील. सोन्याच्या नाण्या आणि बारच्या विक्रीत २५-२६% वाढ होण्याची अपेक्षा आहे. दागिन्यांच्या विक्रीत २५-३०% घट होण्याची अपेक्षा आहे.
सर्व प्रमुख बाजारपेठांमध्ये आकर्षक ऑफर्स
जीएसटी दर कमी झाल्याचा परिणाम दिल्लीच्या बाजारपेठांमध्ये सोने, चांदी, भांडी आणि नाण्यांच्या खरेदीवर दिसून येत आहे. चांदणी चौक, लाजपत नगर, राजौरी गार्डन, सरोजिनी नगर, नेहरू प्लेस, साकेत आणि करोल बाग यासारख्या प्रमुख बाजारपेठांमध्ये गर्दी होण्याची अपेक्षा आहे. अनेक ब्रँड आकर्षक सवलती देत आहेत.
हेदेखील वाचा : Todays Gold-Silver Price: आजच्या बाजारात सोनं-चांदीची चमक कायम! एका क्लिकवर जाणून घ्या आजचे भाव
.png "Videos"){kind=small}
