४ IPO लाँच करण्यात येणार! Groww च्या IPO वर सगळ्यांची नजर

या आठवड्यात पाच कंपन्यांचे IPO आणि लिस्टिंगमुळे शेअर बाजारात उत्साहाचे वातावरण आहे. विशेषतः Groww IPO गुंतवणूकदारांच्या सर्वाधिक लक्षात आहे.

या आठवड्यात गुंतवणूकदारांसाठी IPO बाजारात चांगली चहलपहल दिसणार आहे. किमान पाच कंपन्यांचे शेअर्स लिस्टिंगसाठी येणार आहेत. Orkla India, Studds Accessories, Jayesh Logistics, Game Changers Texfab आणि Safecure Services JE. त्याचबरोबर काही नवीन IPO देखील सुरू होत आहेत. त्यात सर्वात चर्चेत असलेला आहे Groww (ग्रो) या ऑनलाइन स्टॉक ब्रोकिंग प्लॅटफॉर्मची पॅरेंट कंपनी Billionaires Garage Ventures Ltd चा IPO.

गुलाबी नोटांसंदर्भात मोठी अपडेट! 2000 रुपयांच्या नोटा अजूनही चलनात? आरबीआयने केला धक्कादायक खुलासा

Groww IPO तपशील

हा IPO ४ नोव्हेंबर ते ७ नोव्हेंबर या कालावधीत खुला राहणार आहे. कंपनी एकूण ₹6,632.30 कोटी उभारणार आहे. यात ₹1,060 कोटींचा फ्रेश इश्यू आणि ₹5,572.30 कोटींचा ऑफर फॉर सेल (OFS) समाविष्ट आहे. प्राइस बँड ₹95 ते ₹100 असून लॉट साइज 150 शेअर्स इतका आहे. या OFS अंतर्गत प्रमोटर्स ललित केशरे, नीरज सिंग, ईशान बंसल आणि हर्ष जैन तसेच Peak XV Partners, Ribbit Capital, YC Holdings II आणि इतर फंड्स आपली काही हिस्सेदारी विकणार आहेत. Groww ची स्थापना २०१६ मध्ये झाली असून ती आज भारतातील सर्वात विश्वासार्ह ऑनलाइन गुंतवणूक प्लॅटफॉर्म्सपैकी एक आहे. ती शेअर्स, म्युच्युअल फंड्स, कमॉडिटीज, वेल्थ मॅनेजमेंट, मार्जिन ट्रेडिंग आणि लोन अगेंस्ट शेअर्स सेवा देते.

Shreeji Global FMCG IPO

• हा SME IPO ४ नोव्हेंबर रोजी खुला होईल. कंपनीचा उद्देश ₹85 कोटी उभारण्याचा आहे.
• प्राइस बँड ₹120 ते ₹125 प्रति शेअर निश्चित केला आहे. गुंतवणूकदारांना ७ नोव्हेंबरपर्यंत अर्ज करता येईल.
• कंपनीचे शेअर्स १२ नोव्हेंबर रोजी NSE SME प्लॅटफॉर्मवर लिस्ट होणार आहेत.

Finbud Financial Services IPO

• हा इश्यू ६ नोव्हेंबर ते १० नोव्हेंबर या कालावधीत खुला राहील.
• प्राइस बँड ₹140 ते ₹142 असून एक लॉटमध्ये २,००० शेअर्स असतील.
• कंपनीचे शेअर्स १३ नोव्हेंबर रोजी NSE SME एक्सचेंजवर लिस्ट होतील.

Curis Lifesciences IPO

• हा SME इश्यू ७ नोव्हेंबर रोजी सुरू होणार आहे.
• प्राइस बँड ₹120 ते ₹128 प्रति शेअर ठरवण्यात आला आहे.
• १४ नोव्हेंबर रोजी या IPO चे शेअर्स NSE SME प्लॅटफॉर्मवर लिस्ट होणार आहेत.

Todays Gold-Silver Price: सोन्या – चांदीच्या दरात चढउतार सुरुच, जाणून घ्या आजचे तुमच्या शहरातील भाव

या सर्व IPOमुळे या आठवड्यात बाजारात गुंतवणूकदारांची मोठी हालचाल होण्याची शक्यता आहे. विशेषतः Groww IPOकडे सर्वांचे लक्ष लागले आहे.