Blue Dart कडून तिसऱ्या तिमाहीचे आर्थिक निकाल जाहीर, कमावला ‘इतक्या’ कोटींचा नफा

ब्ल्यू डार्ट या लॉजिस्टिक कंपनीने आपल्या तिसऱ्या तिमाहीचा आर्थिक निकाल जाहीर केला आहे. यंदाच्या निकालात कंपनीला किती नफा झाला आहे, त्याबद्दल जाणून घेऊया.

ब्लू डार्ट एक्स्प्रेस लिमिटेड या दक्षिण आशियातील आघाडीच्या एक्स्प्रेस एअर इंटिग्रेटेड ट्रान्स्पोर्टेशन व डिस्ट्रिब्यूशन लॉजिस्टिक कंपनीने त्यांच्या संचालक मंडळाच्या मुंबईत आयोजित करण्यात आलेल्या बैठकीत 31 डिसेंबर 2024 रोजी संपलेल्या तिमाहीचे आर्थिक निकाल आज जाहीर केले. कंपनीच्या नफ्यात किती वाढ झाली आहे. तसेच एकूण किती उत्पनांची नोंद झाली आहे. त्याबद्दल जाणून घेऊया.

31 डिसेंबर 2024 रोजी संपलेल्या तिमाहीमध्ये कंपनीने ₹79 कोटी इतका करोत्तर नफा नोंदवला. तर तिमाहीसाठी कामकाजातून मिळालेले उत्पन्न ₹1,512 कोटी इतके नोंदविले.

सर्वसामान्यांच्या खिशावर होणार थेट परिणाम! ‘या’ 5 गोष्टींबाबत लागू होणार नवीन नियम

कंपनीच्या कामगिरीबद्दल प्रतिक्रिया देताना ब्लू डार्ट एक्स्प्रेस लिमिटेडचे मॅनेजिंग डायरेक्टर बॅलफर मैनुअल म्हणाले, “तिसऱ्या तिमाहीतील आमच्या कामगिरीतून आमच्या वैविध्यपूर्ण बी2बी व बी2सी सोल्यूशन्सची परिस्थितीशी जुळवून घेण्याची क्षमता आणि बदलांना स्वीकारण्याची क्षमता दिसून आली. शिस्तबद्ध अंमलबजावणी आणि कामकाजातील उत्कृष्टतेचा उपयोग करून घेत मार्केटमधील बदलांमधून वाट काढण्याची आमची क्षमता या तिमाहीतील कामगिरीतून दिसून येते. आम्ही सातत्याने प्रगती करत असून दीर्घकालीन मूल्य निर्माण करण्यावर भर देत आहोत, ज्यामुळे सर्व शेअरधारकांसाठी विश्वासू भागीदार म्हणून आमची भूमिका अधिक मजबूत करत आहोत.

व्यवसायाच्या भविष्याबद्दल पुढे बॅलफर म्हणाले, “आम्ही भविष्यातील गरजांसाठी सक्षम लॉजिस्टिक्स सिस्टम विकसित करण्यावर लक्ष केंद्रित केले आहे. त्यासाठी सस्टेनबिलिटी, स्केलेबिलिटी आणि उत्कृष्ट सेवा यामध्ये सातत्याने गुंतवणूक करत आहोत. आमचे धोरणात्मक उपक्रम कार्यक्षमता वाढवण्यासोबतच पर्यावरणपूरक उपायांवर भर देतात, ज्यामुळे अधिक सुरळीत आणि विश्वासार्ह सेवा पुरवणे शक्य होते. या प्रयत्नांमुळे देशातील बदलत्या लॉजिस्टिक्स गरजा पूर्ण करत, आम्ही विश्वासू सेवा प्रदाता म्हणून आमची भूमिका अधिक मजबूत करत आहोत.

Budget 2025: अर्थसंकल्पाच्या दिवशी शेअर मार्केटची परिस्थिती कशी असते? जाणून घ्या मागच्या 24 वर्षांचा इतिहास

ब्लू डार्टचा असामान्य सेवा दर्जा, त्याला ऑटोमेशन व तंत्रज्ञानाची लाभलेली साथ यामुळे ग्राहकांना सातत्याने सुरळीत, वन-स्टॉप लॉजिस्टिक्स सोल्यूशन मिळत आहे. नेतृत्व, इनोव्हेशन आणि ग्राहककेंद्री धोरणांच्या आधारे ब्लू डार्ट आपल्या धोरणात्मक उपक्रमांच्या माध्यमातून शाश्वत वृद्धी साध्य करत आहे. हे उपक्रम प्रमुख बाजारपेठांतील आणि उद्योगांमधील अनुकूल परिस्थितीचा लाभ घेत पुढील वाढीस चालना देतात.

कंपनीच्या सकारात्मक दृष्टिकोनातून बाजारातील अस्तित्व वाढवण्याची आणि ग्राहकांशी अधिक दृढ संबंध निर्माण करण्याची कंपनीची प्रेरणा स्पष्ट होते. यामुळे भागीदारांसाठी अधिक मूल्य निर्माण करण्यावर भर दिला जातो. नुकतीच भारताची टॉप व्हॅल्यू क्रिएटर 2024 म्हणून वाहतूक आणि लॉजिस्टिक्स श्रेणीत मान्यता मिळाल्याने, ब्लू डार्टने कार्यक्षमतेच्या उच्च दर्जाप्रती असलेली आपली बांधिलकी आणि देशाच्या व्यापार वृद्धीला चालना देणारा प्रमुख घटक म्हणून आपली भूमिका पुन्हा अधोरेखित केली आहे.