Cash Withdrawal without ATM Card: एटीएम कार्ड हरवलं? स्कॅमची भीती? आता नाही! UPI ने करा सुरक्षित कॅश विथड्रॉ

देशभरातील बँकांनी UPI Cardless Cash Withdrawal Feature सुरू केले आहे. ज्यामुळे तुम्ही एटीएम कार्डशिवाय एटीएम मशीनमधून पैसे काढू शकणार आहात. तेही UPI स्कॅन करून पैसे काढता येतील. अधिक माहितीसाठी वाचा ही बातमी 

• एटीएम कार्डशिवाय एटीएम मशीनमधून पैसे येणार काढता
• UPI स्कॅन करून काढा एटीएम मशीनमधून पैसे
• बँकाकडून UPI Cardless Cash Withdrawal Feature सुरू

 

Cash Withdrawal without ATM Card: जेव्हा तुम्हाला एटीएम मधून पैसे काढायचे असतात मात्र, तुमच्याकडे एटीएम कार्ड नसते तेव्हा, तुम्हाला बऱ्याच गोष्टींना सामोरे जावे लागते. किंवा अचानक एटीएम कार्ड हरवते किंवा चोरीला जाते अशावेळी तुम्हाला पैशाची गरज पडल्यावर तुम्हाला सुचेनासे होते. तेव्हा तुमच्याकडे बँकेत जाण्याशिवाय पर्याय उरत नाही. मात्र, आता देशभरातील बँकांनी नवे फीचर सुरू केले आहे. ज्यामुळे तुम्हाला एटीएम मधून कार्डलेस पैसे काढतात येतील.

सर्व बँकांनी UPI Cardless Cash Withdrawal Feature सुरू केले आहे. ज्यामुळे तुम्ही एटीएम कार्डशिवाय एटीएम मशीनमधून पैसे काढू शकणार आहात. तेही UPI स्कॅन करून पैसे काढता येतील. म्हणजेच, गुगल पे, फोनपे किंवा भीम अ‍ॅपवरून तुम्ही थेट एटीएममधून पैसे काढू शकता. हे नवे फीचर फक्त जलद नसून सुरक्षित असल्याचेही बँकांनी सांगितले आहे. कारण, एटीएममधून पैसे काढताना तुम्हाला कार्डची किंवा पिनची गरज लागणार नाही. तसेच, स्किमिंग, कार्ड क्लोनिंग किंवा चोरी यांसारखे धोके सुद्धा टळतील.

हेही वाचा : FDI Insurance Revolution:विमा ग्राहकांसाठी खुशखबर! हिवाळी अधिवेशनात विधेयक सादर करणार..; विमा क्षेत्रात होणार मोठे बदल

आयसीसीडब्ल्यू म्हणजेच Interoperable Cardless Cash Withdrawal असे या फीचरचे नाव असून यामुळे तुम्ही एटीएममधून एटीएम  कार्डशिवाय फक्त यूपीआय स्कॅन करून पैसे काढू शकतो.

UPI स्कॅन करून काढा एटीएम मशीनमधून पैसे

• एटीएम स्क्रीनवर ‘यूपीआय कॅश विथड्रॉल’ किंवा ‘आयसीसीडब्ल्यू’ पर्याय निवडा.
• एटीएम एक क्यूआर कोड जनरेट करते.
• यूपीआय अ‍ॅपवरून अर्थात गुगल पे, फोनपे किंवा भीम अ‍ॅप यावरून स्कॅन करा.
• तुमचे बँक खाते निवडून तुमचा यूपीआय पिन एंटर करा.
• एटीएममधून रोख बाहेर आल्यावर तुमचा व्यवहार पूर्ण झाल्याची माहिती मिळेल.

हेही वाचा : UPI Payment Error: UPI पेमेंट फेल? नेटवर्क, सर्व्हर डाऊन की सुरक्षा अलर्ट — जाणून घ्या खरे कारण

या फीचरमुळे ग्राहक एटीएममध्ये UPI अ‍ॅप वापरुन जास्तीत जास्त 10 हजार रुपये काढू शकतात. फोनपे, गुगलपे किंवा पेटीअम यांसारख्या UPI अ‍ॅपवरुन UPI कॅश विथड्रॉवल फीचरचा वापर करू शकता. ज्या एटीएममध्ये ICCW फीचर आहे. त्याच एटीएममधून तुम्ही हे UPI फीचर वापरुन पैसे काढू शकता.

ICCW या फीचरचे फायदे

• सुरक्षित: 100 % कार्डलेस व्यवहार असल्याने कार्ड हरवण्याची अथवा चोरीला जाण्याची भीती नाही.
• वेळेची बचत: या फीचरमुळे तुमच्या वेळेची बचत होते, तुमचे क्षणात स्कॅन करून पैसे काढू शकता.
• सर्वत्र उपलब्ध: कोणत्याही बँकेचे ग्राहक या फीचरचा इंटरऑपरेबल सिस्टमद्वारे लाभ घेऊ शकतात.
• पर्यायी: एटीएम कार्ड हरवले किंवा चोरीला गेले तर या फीचरचा वापर करून रोख काढू शकता.