Fixed Deposit and Recurring Deposit: तुम्ही फिक्स्ड डिपॉझिट किंवा रिकरिंग डिपॉझिटमध्ये गुंतवणूक करताय? त्याआधी वाचा ही बातमी

तुम्ही फिक्स्ड डिपॉझिट किंवा रिकरिंग डिपॉझिटमध्ये गुंतवणूक करत आहात?  डिपॉझिटमध्ये कोण जास्त व्याजदर देते? तुमच्या बचतीसाठी कोणता पर्याय उत्तम आहे याबद्दल अधिक माहिती जाणून घ्या. 

• तुम्ही पैशांची गुंतवणुक FD आणि RD मध्ये करताय?
• FD आणि RD पैकी सर्वोत्तम पर्याय कोणता?
• जाणून घ्या FD आणि RD मधला खरा फरक

 

Fixed Deposit and Recurring Deposit: आजकाल प्रत्येक कुटुंबासाठी बचत ही एक गरज आहे आणि जेव्हा बचतीचा विचार येतो तेव्हा बहुतेक लोक दोन गोष्टींचा विचार करतात. एक तर एफडी (फिक्स्ड डिपॉझिट) आणि दुसरी आरडी (रिकरिंग डिपॉझिट) आहे. या दोन्ही बँका आणि पोस्ट ऑफिसद्वारे ऑफर केलेल्या सर्वात विश्वासार्ह गुंतवणूक योजनांपैकी आहेत. परंतु बरेच लोक गोंधळलेले असतात की, या दोघात कोण जास्त फायदे देतात. ते जाणून घेण्यासाठी वाचा ही बातमी सविस्तर..

फिक्स्ड डिपॉझिट म्हणजे काय?

फिक्स्ड डिपॉझिट म्हणजे तुम्ही एका वेळी बँकेत एक निश्चित रक्कम जमा करू शकता. उदाहरणार्थ, तुमच्याकडे १ लाख रूपये एका निश्चित कालावधीसाठी जमा केली तर निर्दिष्ट कालावधीनंतर, तुम्हाला मूळ रकमेत जोडलेला निश्चित व्याजदर मिळेल. या गुंतवणुकीची मुदत काही महिन्यांपासून अनेक वर्षांपर्यंत असू शकते. एफडीमधील व्याजदर सुरुवातीला निश्चित असतो आणि संपूर्ण मुदतीत तोच व्याजदर राहतो. ज्यांच्याकडे एकाच वेळी मोठी रक्कम जमा करण्याची क्षमता आहे, जसे की बोनस, पीएफ, ग्रॅच्युइटी, व्यवसाय उत्पन्न इ. त्यांच्यासाठी हा सर्वोत्तम पर्याय आहे.

हेही वाचा : RBI Customer Benefit: आरबीआय गव्हर्नरांचा बँकांना इशारा! व्याजदर कपातीचा फायदा ग्राहकांना त्वरित द्या

रिकरिंग डिपॉझिट (आरडी) म्हणजे काय?

आरडी म्हणजे रिकरिंग डिपॉझिट. यामध्ये, तुम्ही दरमहा एक निश्चित रक्कम जमा करू शकता. उदाहरणार्थ, तुम्ही दरमहा तुमच्या पगारातून एकरकमी रुपये जमा करू शकता. या गुंतवणुकीची मुदत ६ महिन्यांपासून १० वर्षांपर्यंत असतो. या गुंतवणुकीचा व्याजदर एफडी प्रमाणेच, परंतु मासिक ठेवींना लागू होऊ शकतो.  ही पद्धत नियमितपणे लहान रक्कम वाचवू इच्छिणाऱ्यांसाठी उत्तम पर्याय आहे. तसेच, नोकरी करणारे लोक, विद्यार्थी, लहान व्यवसाय किंवा मर्यादित उत्पन्न असलेले परंतु दरमहा बचत करू इच्छितात.

हेही वाचा : India financing market: महाराष्ट्रातील व्यावसायिक वाहनांना आर्थिक पाठबळ देण्यात श्रीराम फायनान्स पुढे; LCV आणि HCV खरेदीला नवी गती

एफडी आणि आरडीमध्ये व्याज कसे मिळते?

एफडी हे एकरकमी व्याजावर आधारित असतात, ज्यामुळे एकूण व्याज जास्त मिळते. दुसरीकडे, आरडी मासिक ठेवींवर व्याजावर आधारित असतात, त्यामुळे ते एफडीइतके व्याज देत नाहीत कारण ठेव हळूहळू वाढते. जर तुम्ही एफडी आणि आरडी दोन्हीमध्ये समान रक्कम गुंतवली तर एफडीमध्ये मिळणारे व्याज नेहमीच जास्त असेल. एफडी आणि आरडी दोन्हीचे स्वतःचे फायदे आहेत. ज्यांच्याकडे एकाच वेळी मोठी रक्कम असते आणि ज्यांना जास्त व्याज मिळवायचे असते त्यांच्यासाठी एफडी चांगले असतात. ज्यांना मासिक बचत करून मोठा निधी जमा करायचा असतो त्यांच्यासाठी आरडी हा एक उत्तम पर्याय आहे.