ग्लोबल ब्रोकरेज फर्मचा मोठा सल्ला ( सौजन्य - सोशल मीडिया )
नुकतंच परदेशी ब्रोकरेज फर्म एचएसबीसीने सोमवारी शेअर बाजारातील अलीकडील घसरणीच्या पार्श्वभूमीवर भारतीय शेअर्सवरील आपला दृष्टिकोन ‘ओव्हरवेट’ म्हणजे सर्वसाधारण गुंतवणुकीच्या सल्ल्यापेक्षा अधिक असा सुधारला आहे, तर चिनी शेअर्सवरील आपले रेटिंग ‘न्यूट्रल’ असे खाली आणले आहे. पण नेमकी काय आहे परिस्थिती?
एचएसबीसीने आपल्या अहवालात म्हटले आहे की, भारतीय शेअर्सचे अनेक वर्षांपासूनचे कमकुवत मूल्यांकन आणि उदयोन्मुख बाजारपेठांच्या तुलनेत त्यांची कमी कामगिरी यानंतर हा निर्णय घेण्यात आला. त्यात म्हटले आहे की, भारतीय शेअर्सचे मूल्यांकन आता अधिक वाजवी पातळीवर पोहोचले आहे.
अहवालानुसार, एचएसबीसीला अपेक्षा आहे की भारताची कर्जवाढ मजबूत राहील आणि कंपन्यांची कमाई स्थिर होईल. याव्यतिरिक्त, आर्थिक वाढ आणि रुपयाला आधार देण्यासाठीच्या उपाययोजना देखील बाजारासाठी अनुकूल ठरतील. ब्रोकरेजने म्हटले आहे की, भारतासारख्या ऊर्जा-आयात करणाऱ्या देशासाठी कच्च्या तेलाच्या किमतीतील चढ-उतार नैसर्गिक आहेत. तथापि, तेलाच्या वाढलेल्या किमती आणि एल निनोचा धोका असूनही, याचा एकूण बाजाराच्या भावनेवर लक्षणीय परिणाम होण्याची शक्यता नाही.
एचएसबीसीने म्हटले आहे की, आर्टिफिशियल इंटेलिजन्स (एआय) कंपन्यांचे वर्चस्व असलेल्या आशियाई बाजारपेठांमध्ये भारत गुंतवणुकीचा एक वैविध्यपूर्ण पर्याय उपलब्ध करून देतो. शिवाय, बाजारातील अस्थिरता तुलनेने कमी आहे. अहवालानुसार, उच्च व्याजदर आणि कच्च्या तेलाच्या किमतींसारख्या विविध आर्थिक आव्हानांना न जुमानता भारताची आर्थिक वाढ मजबूत राहिली आहे.
चिनी शेअर्सचे रेटिंग ‘न्यूट्रल’वर आणण्याच्या आपल्या निर्णयात, HSBC ने म्हटले आहे की शेअरच्या मूल्यांकनात शाश्वत सुधारणा घडवून आणू शकणारे घटक मर्यादित आहेत. अहवालात म्हटले आहे की, ग्राहकांचा कमकुवत आत्मविश्वास, स्थावर मालमत्ता बाजारावरील दबाव आणि देशांतर्गत गुंतवणुकीतील सुस्ती यांचा चीनच्या आर्थिक विकासावर परिणाम होत आहे.
याव्यतिरिक्त, मुख्य भूमीतील चिनी गुंतवणूकदारांकडून हाँगकाँग शेअर बाजारात येणाऱ्या गुंतवणुकीचा ओघ कमी होणे आणि मार्जिन कर्जाचा वापर करून शेअर्समधील गुंतवणुकीत घट होणे, हे देखील गुंतवणूकदारांची आवड कमी होत असल्याचे दर्शवते.
(Desclaimer: येथे शेअर बाजाराची माहिती दिली आहे, गुंतवणुकीचा सल्ला नाही. शेअर बाजारात गुंतवणूक करणे हे बाजारातील जोखमीच्या अधीन आहे, त्यामुळे गुंतवणूक करण्यापूर्वी कृपया प्रमाणित गुंतवणूक सल्लागाराचा सल्ला घ्या.)
Ans: फर्मने चीनच्या बाजारातील रेटिंग घटवली असून, गुंतवणूकदारांना चीनमधील जोखीम टाळून भारतीय शेअर बाजारात गुंतवणूक करण्याचे आवाहन केले आहे.
Ans: चिनी अर्थव्यवस्थेतील मंदी, धोरणातील अनिश्चितता आणि इतर आव्हानांमुळे ग्लोबल कंपन्यांनी चीनबाबतचा दृष्टिकोन सावध केला आहे.
Ans: परदेशी संस्थात्मक गुंतवणूकदारांचा (FII) ओघ भारतीय बाजाराकडे अधिक वळू शकतो, ज्यामुळे भारतीय अर्थव्यवस्था आणि शेअर बाजाराला मोठे बळ मिळू शकते.
.png "Videos"){kind=small}
