Gold Prices Global Vs India : जगभरात तब्बल 24% तर घसरले सोन्याचे भाव! मग भारतात फक्त 20% घसरण का? या फरकामागचं मोठं कारण समोर

Gold Prices Global Vs India : आंतरराष्ट्रीय बाजारपेठेत सोन्याच्या किमतीत २४ टक्क्यांची घसरण पाहायला मिळाली असली, तरी भारतीय बाजारात सोने केवळ २० टक्क्यांनीच सस्त झाले आहे.

• जगभरात तब्बल 24% तर घसरले सोन्याचे भाव!
• मग भारतात फक्त 20% घसरण का?
• या फरकामागचं मोठं कारण समोर

Gold Prices Global Vs India : जागतिक स्तरावर सध्या सोन्याच्या दरांत मोठी घसरण होत आहे. शुक्रवारी स्पॉट सोन्याचा भाव प्रति औंस $४,०६८.७१ वर बंद झाला. जो २९ जानेवारी २०२६ मध्ये तब्बल $५,३७९ च्या नोंदवलेल्या विक्रमी उच्चांकापेक्षा जवळपास २४% कमी आहे. पण या सगळ्यात प्रश्न समोर उभा राहतो की, जेव्हा एखादी वस्तू तिच्या विक्रमी उच्चांकावरून २०% किंवा त्याहून अधिक घसरते, तेव्हा ती ‘बेअर मार्केट’मध्ये किंवा तीव्र मंदीच्या लिस्टमध्ये दाखल झाली आहे असे का मानले जाते? ( Gold Prices Global Vs India ) 

Todays Gold-Silver Price: दिवाळीच्या शुभ मूहूर्तावर काय आहेत सोन्याचे दर? एका क्लिकवर जाणून घ्या

भारतात, ऑल इंडिया सराफा असोसिएशनच्या मते, राष्ट्रीय राजधानी दिल्लीत धनतेरसच्या दिवशी ९९.९% शुद्ध सोन्याचा भाव प्रति १० ग्रॅम १,४६,३०० रुपयांवर बंद झाला, जो २९ जानेवारी रोजी १,८३,००० रुपयांच्या विक्रमी उच्चांकावर पोहोचला होता. याचा अर्थ, भावात जवळपास २०% घसरण झाली आहे. आता प्रश्न असा निर्माण होतो की, भारतीय खरेदीदारांना ४% चा फायदा का आणि कसा झाला?

4% चा फरक नेमका कुठे दिसतो?

जागतिक आणि भारतीय सोन्याच्या किमतींमधील या फरकाचं मुख्य कारण हे भारत सरकारच्या कर धोरणांमध्ये आणि चलन बाजारामध्ये दडलेलं आहे. भारत आपल्या सोन्याचा बहुतांश भाग परदेशातून आयात करतो, त्यामुळे देशातील सोन्याच्या किमती आंतरराष्ट्रीय सोन्याच्या दराव्यतिरिक्त इतर दोन प्रमुख घटकांवर अवलंबून असतात:

पहिलं महत्त्वाचं कारण म्हणजे आयात शुल्क

जानेवारीमध्ये जेव्हा सोन्याच्या किमती विक्रमी उच्चांक पातळीवर पोहोचल्या होत्या, तेव्हा भारताने सोन्यावर ६% आयात शुल्क लावले होते. १३ मे रोजी, सरकारने यात सुधारणा करून सोने आणि चांदीवरील प्रभावी शुल्क १५% पर्यंत वाढवले. यामध्ये १०% मूलभूत सीमा शुल्क आणि ५% कृषी पायाभूत सुविधा उपकराचा समावेश आहे.

या निर्णयाचा उद्देश आयात कमी करणे आणि रुपया, परकीय चलन साठ्यावरील दबाव कमी करणे हा होता, जे आंतरराष्ट्रीय तेलाच्या वाढलेल्या किमतींमुळे आधीच दबावाखाली होते.

पंतप्रधान नरेंद्र मोदी यांनी नागरिकांना वर्षभर सोने न खरेदी करण्याचे आवाहन केल्यानंतर काही दिवसांतच हा निर्णय घेण्यात आला. या ९% कर वाढीमुळे आंतरराष्ट्रीय बाजारातील सोन्याच्या किमतींमधील घसरणीचा परिणाम मोठ्या प्रमाणात कमी झाला, ज्यामुळे येथील किमती जागतिक बाजाराइतक्या घसरण्यापासून रोखल्या गेल्या.

दुसरं महत्त्वाचं कारण म्हणजे कमजोर रुपया

सोन्याच्या किमती डॉलरशी जोडलेल्या आहेत, त्यामुळे जागतिक बाजारात कोणताही बदल झाला नसला तरी रुपया कमजोर झाल्यास स्थानिक सोन्याच्या किमती वाढतात. २९ जानेवारी रोजी, रुपया डॉलरच्या तुलनेत सुमारे ९२ वर होता, जी त्यावेळची त्याची आतापर्यंतची सर्वात नीच पातळी होती.

याचा अर्थ असा आहे की भारतीय आयातदारांना आता परदेशातून सोने खरेदी करण्यासाठी जास्त रुपये मोजावे लागत आहेत. या घटकामुळे देशांतर्गत सोन्याच्या किमती आणखी खाली घसरण्यापासून रोखल्या गेल्या. यामुळेच भारतातील सोन्याच्या किमती तब्बल २४% नी घसरल्या नाहीत, तर केवळ २०% नी घसरल्या.

Diwali Muhurat Trading 2026: लक्ष्मीपूजनाच्या मुहूर्तावर बाजारात तेजीची आशा! कधी सुरू होणार मुहूर्त ट्रेडिंग?