Stock Market Today: गुंतवणूकदारांसाठी तज्ज्ञांनी दिलाय ‘हा’ सल्ला, टेक महिंद्रासह कोणते शेअर्स ठरणार फायद्याचे? जाणून घ्या

Share Market Update: 16 जुलै रोजी आज शेअर बाजाराची सुरुवात कशी होणार आहे? याशिवाय तज्ज्ञांकडून आज काही शेअर्सची देखील शिफारस करण्यात आली आहे, जे गुंतवणूकदारांसाठी महत्त्वाचे ठरणार आहेत. सविस्तर जाणून घ्या.

जागतिक बाजारातील कमकुवतपणा लक्षात घेता, १६ जुलै रोजी आज भारतीय शेअर बाजारातील बेंचमार्क निर्देशांक, सेन्सेक्स आणि निफ्टी ५०, बुधवारी घसरणीसह उघडण्याची शक्यता वर्तवण्यात आली आहे. गिफ्ट निफ्टीवरील ट्रेंड देखील भारतीय बेंचमार्क निर्देशांकासाठी नकारात्मक सुरुवात दर्शवितात. गिफ्ट निफ्टी २५,१८३ च्या आसपास व्यवहार करत होता, जो निफ्टी फ्युचर्सच्या मागील बंदपेक्षा जवळजवळ ८३ अंकांनी कमी होता.

Todays Gold-Silver Price: आनंदाची बातमी! सोन्याच्या दरात माठी घसरण, चांदीचे भाव स्थिर! जाणून घ्या आजच्या किंंमती

खरं तर मंगळवारी शेअर बाजार वाढीसह बंद झाला. त्यामुळे असा अंदाज वर्तवला जात होती की, आज शेअर बाजाराची सुरुवात सकारात्मक होऊ शकते. मात्र आज देखील शेअर बाजाराची सुरुवात घसरणीसह होणार असल्याचा अंदाज तज्ज्ञांनी वर्तवला आहे. मंगळवारी, १५ जुलै रोजी भारतीय शेअर बाजार निर्देशांकांनी चांगल्या वाढीसह समाप्ती केली आणि चार दिवसांची घसरण थांबवली. मंगळवारी सेन्सेक्स ३१७.४५ अंकांनी म्हणजेच ०.३९% ने वाढून ८२,५७०.९१ वर बंद झाला, तर निफ्टी ५० ११३.५० अंकांनी म्हणजेच ०.४५% ने वाढून २५,१९५.८० वर बंद झाला. सेन्सेक्सने इंट्राडे आणि डेली चार्टवर उलट फॉर्मेशन तयार केले, जे मोठ्या प्रमाणात सकारात्मक आहे. मंगळवारी बँक निफ्टी निर्देशांक २४१.३० अंकांनी म्हणजेच ०.४३% ने वाढून ५७,००६.६५ वर बंद झाला. (फोटो सौजन्य – istockphoto)

आजच्या व्यवहारात गुंतवणूकदारांसाठी टेक महिंद्रा, आयटीसी हॉटेल्स, एंजल वन, एचडीएफसी लाईफ, एचडीबी फायनान्शियल, डिक्सन टेक्नॉलॉजी, झायडस लाईफ, बजाज फिनसर्व्ह, जस्ट डायल, इंडियन ओव्हरसीज बँक, बायोकॉन, कोटक महिंद्रा बँक हे शेअर्स महत्त्वाचे ठरणार आहेत.

प्रभुदास लिल्लाधर येथील तांत्रिक संशोधनाच्या उपाध्यक्षा वैशाली पारेख यांनी आज गुंतवणूकदारांसाठी सिटी युनियन बँक , वरुण बेव्हरेजेस आणि बोदल केमिकल्स या शेअर्सची शिफारस केली आहे. चॉइस ब्रोकिंगचे कार्यकारी संचालक सुमित बगडिया यांनी आज गुंतवणूकदारांसाठी हेरांबा इंडस्ट्रीज, डायमंड पॉवर इन्फ्रास्ट्रक्चर , विंटेज कॉफी अँड बेव्हरेजेस , समही हॉटेल्स आणि पीटीसी इंडिया या शेअर्सची शिफारस केली आहे. १०० रुपयांपेक्षा कमी किमतीत खरेदी करणासाठी आज सुझलॉन एनर्जी , येस बँक , मोरेपेन लॅब्स आणि बोदल केमिकल्स या इंट्राडे स्टॉकची शिफारस करण्यात आली आहे.

Elon Musk कि Mark Zuckerberg? कोणता टेक दिग्गज कमावतो सर्वाधिक पैसे? तंत्रज्ञान क्षेत्रात कोणाचा दबदबा? जाणून घ्या

टेक महिंद्रा, आयटीसी हॉटेल्स, एंजेल वन, एलटी टेक, कल्पतरू आणि इक्सिगो या किमान १७ कंपन्यांपैकी आहेत ज्या बुधवार, १६ जुलै रोजी त्यांचे उत्पन्न अहवाल जाहीर करणार आहेत. बुधवार, १६ जुलै रोजी किमान १७ कंपन्या त्यांचे पहिले तिमाहीचे उत्पन्न जाहीर करणार आहेत. यामध्ये आयटीसी हॉटेल्स सारख्या अनेक सरकारी दिग्गज कंपन्या आणि टेक महिंद्रा सारख्या खाजगी मार्की कंपन्यांचा समावेश आहे.

(टीपः वरील लेखातील माहिती वैयक्तिक विश्लेषक आणि तज्ज्ञांच्या आधारे देण्यात आली आहे. Navarashtra.com कोणताही दावा करत नाही. आम्ही गुंतवणूकदारांना गुंतवणूकीबाबत कोणताही निर्णय घेण्यापूर्वी प्रमाणित तज्ञांकडून शेअर्सबाबत विचारणा करण्याचा सल्ला देतो.)