Stock Market Today: लाल रंगात उघडणार भारतीय शेअर बाजार? तज्ज्ञांनी वर्तवला अंदाज, स्टॉक्स खरेदी करण्यापूर्वी वाचा सविस्तर

Share Market Update: तज्ज्ञांनी अंदाज वर्तवला आहे की, आज शेअर बाजारात नकारात्मक ओपनिंगची शक्यता आहे. गुंतवणूकदारांनी सावध राहा आणि खरेदी करा असा सल्ला देण्यात आला आहे.

• लाल संकेतांसह बाजाराची सुरुवात? गुंतवणूकदारांनी सावध राहा!
• बाजार घसरणार का? तज्ज्ञांचा इशारा
• शेअर बाजारात नकारात्मक ओपनिंगची शक्यता

India Share Market Update:  १६ फेब्रुवारी रोजी, सोमवारी आज भारतीय शेअर बाजार लाल रंगात उघडू शकतो, असा अंदाज तज्ज्ञांनी वर्तवला आहे. यामुळे आज कोणतेही शेअर्स खरेदी करताना गुंतवणूकदारांनी सावध राहणं अतिशय गरजेचं आहे. जागतिक बाजारात आज मिश्र संकेत पाहायला मिळाले आहेत. याचा परिणाम भारतीय शेअर बाजारावर होणार असून, सोमवारी भारतीय शेअर बाजारातील बेंचमार्क निर्देशांक, सेन्सेक्स आणि निफ्टी ५०, लाल रंगात उघडण्याची शक्यता वर्तवण्यात आली आहे. गिफ्ट निफ्टीवरील ट्रेंड देखील भारतीय बेंचमार्क निर्देशांकासाठी नकारात्मक सुरुवात दर्शवितात. गिफ्ट निफ्टी २५,४४८ च्या आसपास व्यवहार करत होता, जो निफ्टी फ्युचर्सच्या मागील बंदपेक्षा जवळजवळ ७१ अंकांनी कमी होता.

Todays Gold-Silver Price: किंचीत घसरले सोन्या – चांदीचे दर! तुमच्या शहरातील दर जाणून घ्या एका क्लिकवर

शुक्रवारी, भारतीय शेअर बाजार मोठ्या प्रमाणात घसरला, बेंचमार्क निफ्टी ५० २५,५०० च्या पातळीच्या खाली घसरला. सेन्सेक्स १०४८.१६ अंकांनी म्हणजेच १.२५% ने घसरून ८२,६२६.७६ वर बंद झाला, तर निफ्टी ५० ३३६.१० अंकांनी म्हणजेच १.३०% ने घसरून २५,४७१.१० वर बंद झाला. शुक्रवारी बँक निफ्टी निर्देशांक ५५३.१० अंकांनी किंवा ०.९१% ने घसरून ६०,१८६.६५ वर बंद झाला. (फोटो सौजन्य – Pinterest)

आनंद राठी शेअर अँड स्टॉक ब्रोकर्स येथील इक्विटी टेक्निकल रिसर्चचे वरिष्ठ व्यवस्थापक जिगर एस. पटेल यांनी पुढील एक ते दोन आठवड्यांसाठी भारतीय शेअर बाजारातील गुंतवणूकदारांना तीन स्टॉक्स खरेदी करण्याचा सल्ला दिला आहे. यामध्ये कोल इंडिया, आयएफसीआय आणि फिनोलेक्स इंडस्ट्रीज यांचा समावेश आहे. आजच्या व्यवहारात गुंतवणूकदार मणप्पुरम फायनान्स, रेलिगेअर एंटरप्रायझेस, ओला इलेक्ट्रिक मोबिलिटी, हिंदुस्तान कॉपर, फोर्टिस हेल्थकेअर, टोरेंट फार्मा, अदानी एंटरप्रायझेस, झायडस लाईफसायन्सेस, सिग्नेचर ग्लोबल, लोढा डेव्हलपर्स या शेअर्सवर लक्ष केंद्रीत करू शकतात.

भारत स्टार्टअप्सची ‘महासत्ता’! केंद्र सरकारने दिली १०,००० कोटी रुपयांच्या निधीला मंजुरी, नव्या कल्पनांना मिळणार पंख

चॉइस ब्रोकिंगचे कार्यकारी संचालक सुमित बगडिया, आनंद राठी येथील तांत्रिक संशोधनाचे वरिष्ठ व्यवस्थापक गणेश डोंगरे आणि प्रभुदास लिलाधर येथील तांत्रिक संशोधनाचे वरिष्ठ व्यवस्थापक शिजू कुथुपलक्कल या शेअर बाजारातील तज्ज्ञांनी आजच्या व्यवहारात गुंतणूकदारांना खरेदी करण्यासाठी सात इंट्राडे स्टॉक्सची शिफारस केली आहे. तज्ज्ञांनी शिफारस केलेल्या या शेअर्समध्ये श्नायडर इलेक्ट्रिक, ब्लू स्टार, बजाज फायनान्स, सेल, एसबीआय लाईफ, एबीएफआरएल आणि किर्लोस्कर ऑइल इंजिन्स यांंचा समावेश आहे.

(टीपः वरील लेखातील माहिती वैयक्तिक विश्लेषक आणि तज्ज्ञांच्या आधारे देण्यात आली आहे. Navarashtra.com कोणताही दावा करत नाही. आम्ही गुंतवणूकदारांना गुंतवणूकीबाबत कोणताही निर्णय घेण्यापूर्वी प्रमाणित तज्ञांकडून शेअर्सबाबत विचारणा करण्याचा सल्ला देतो.)