Stock Market Today: गुंतवणूकदारांनो सावध राहा! लाल रंगात उघडणार आजचा शेअर बाजार? तज्ज्ञांनी दिला इशारा

Share Market Update: गिफ्ट निफ्टीमधील ट्रेंड्स देखील भारतीय बेंचमार्क निर्देशांकासाठी गॅप-डाउन सुरुवातीचे संकेत देत आहेत. सुमीत बागडिया यांनी आजच्या व्यवहारात पाच शेअर्स खरेदी करण्याचा सल्ला दिला आहे.

• भारतीय बेंचमार्क निर्देशांकासाठी गॅप-डाउन सुरुवातीचे संकेत
• शेअर बाजार लाल रंगात उघडण्याची शक्यता
• शुक्रवारी, शॉर्ट-कव्हरिंगच्या पार्श्वभूमीवर भारतीय शेअर बाजार वधारला

India Share Market Update: चौथ्या आठवड्यात देखील अमेरिका आणि ईराण यांच्यामधील युद्ध सुरुच आहे. जागतिक बाजारातील कमकुवत संकेतांचा विचार केला तर आज सोमवारी भारतीय शेअर बाजारातील प्रमुख निर्देशांक, सेन्सेक्स आणि निफ्टी ५०, मोठ्या घसरणीसह उघडण्याची शक्यता वर्तवण्यात आली आहे. गिफ्ट निफ्टीमधील ट्रेंड्स देखील भारतीय बेंचमार्क निर्देशांकासाठी गॅप-डाउन सुरुवातीचे संकेत देत आहेत. गिफ्ट निफ्टी, निफ्टी फ्युचर्सच्या मागील क्लोजपेक्षा जवळपास ३१५ पॉइंट्सच्या सवलतीवर, २२,८२५ च्या पातळीवर व्यवहार करत होता. आजचा शेअर बाजार लाल रंगात उघडणार असल्याने गुंतवणूकदारांनी आज व्यवहार करताना सावध राहणं अत्यंत गरजेचं आहे.

Todays Gold-Silver Price: सोन्याचे दर नरमले, चांदीही घसरली! तुमच्या शहरातील दर जाणून घ्या

शुक्रवारी, शॉर्ट-कव्हरिंगच्या पार्श्वभूमीवर भारतीय शेअर बाजार वधारित बंद झाला, आणि बेंचमार्क निफ्टी ५० २३,१०० च्या पातळीच्या वर बंद झाला. सेन्सेक्स ३२५.७२ अंकांनी, म्हणजेच ०.४४ टक्क्यांनी वाढून ७४,५३२.९६ वर बंद झाला, तर निफ्टी ५० ११२.३५ अंकांनी, म्हणजेच ०.४९ टक्क्यांनी वाढून २३,११४.५० वर स्थिरावला. बँक निफ्टी निर्देशांक शुक्रवारी २३.९५ अंकांनी, म्हणजेच ०.०४% ने घसरून ५३,४२७.०५ वर बंद झाला. (फोटो सौजन्य – Pinterest)

चॉईस ब्रोकिंगचे कार्यकारी संचालक सुमीत बागडिया यांनी आजच्या व्यवहारात गुंतवणूकदारांना पाच शेअर्स खरेदी करण्याचा सल्ला दिला आहे. सुमीत बागडिया यांनी शिफारस केलेल्या शेअर्समध्ये लॉरस लॅब्स, बँक ऑफ इंडिया, एपीएल अपोलो ट्यूब्स, दिल्लीवेरी आणि स्टील अथॉरिटी ऑफ इंडिया यांचा समावेश आहे. आनंद राठी शेअर अँड स्टॉक ब्रोकर्स येथील इक्विटी टेक्निकल रिसर्चचे वरिष्ठ व्यवस्थापक, जिगर एस. पटेल यांनी पुढील एक ते दोन आठवड्यांसाठी गुंतवणूकदारांना खरेदी करण्यासाठी तीन स्टॉक्स्सची शिफारस केली आहे. जिगर एस. पटेल यांनी शिफारस केलेल्या शेअर्समध्ये हिंदुस्तान कॉपर, गुजरात अंबुजा एक्सपोर्ट्स, ब्रिटानिया इंडस्ट्रीज यांचा समावेश आहे.

चॉईस ब्रोकिंगचे सुमीत बागडिया, आनंद राठी येथील टेक्निकल रिसर्चचे वरिष्ठ व्यवस्थापक गणेश डोंगरे आणि प्रभुदास लिलाधर येथील टेक्निकल रिसर्चचे वरिष्ठ व्यवस्थापक शिजू कुथुपालक्कल यांनी आज २३ मार्च रोजी गुंतवणूकदारांना खरेदी करण्यासाठी आठ स्टॉक्सची शिफारस केली आहे. तज्ज्ञांनी दिलेल्या सल्ल्यानुसार आजच्या व्यवहारात गुंतवणूकदार जीपीआयएल, एनटीपीसी, जिओ फायनान्शियल सर्व्हिसेस, इटरनल, आयसीआयसीआय बँक, आयशर मोटर्स, दिल्लीवेरी आणि एनटीपीसी ग्रीन हे शेअर्स खरेदी करू शकतात.

Rupee Falls Against Dollar: रुपया घसरणीमुळे अर्थव्यवस्थेवर दबाव; ९५ चा टप्पा ओलांडणार का?

निओट्रेडरचे सह-संस्थापक आणि स्टॉक रिसर्च प्लॅटफॉर्म मार्केटस्मिथ इंडियाचे राजा व्यंकटरमण यांनी आजच्या व्यवहारात गुंतवणूकदारांना फर्टिलायझर्स अँड केमिकल्स त्रावणकोर लिमिटेड (FACT), चंबळ फर्टिलायझर्स अँड केमिकल्स लिमिटेड, सीसीएल प्रॉडक्ट्स (इंडिया) लिमिटेड आणि ऑरोबिंदो फार्मा लिमिटेड हे चार शेअर्स खरेदी करण्याची शिफारस केली आहे.

(टीपः वरील लेखातील माहिती वैयक्तिक विश्लेषक आणि तज्ज्ञांच्या आधारे देण्यात आली आहे. Navarashtra.com कोणताही दावा करत नाही. आम्ही गुंतवणूकदारांना गुंतवणूकीबाबत कोणताही निर्णय घेण्यापूर्वी प्रमाणित तज्ञांकडून शेअर्सबाबत विचारणा करण्याचा सल्ला देतो.)