केरळ लॉटरीच्या इतिहासातील सर्वात मोठा जॅकपॉट! ( सौजन्य - सोशल मीडिया )
मिळालेल्या माहितीनुसार, तब्बल ३० कोटींचे जॅकपॉट जिंकणारे ‘TL360615’ हे तिकीट केरळमधील कन्नूर जिल्ह्याला मान मिळाला आहे. हे तिकीट कन्नूर जिल्ह्यात विकले गेले होते. या निकालाच्या घोषणेनंतर संपूर्ण कन्नूर जिल्ह्यात उत्साहाचे वातावरण निर्माण झाले आहे. त्यामुळे सर्वांचे लक्ष आता या महा-विजेत्याकडे लागले आहे.
यंदाचा ओणम बंपर केरळ लॉटरीच्या इतिहासातील विशेष मैलाचा दगड ठरला आहे. यापूर्वी ओणम बंपरचे पहिले बक्षीस २५ कोटी रुपये होते, मात्र २०२६ च्या या सोडतीसाठी राज्य सरकारने ते वाढवून ₹३० कोटी केले.
तिकीट किंमत: ओणम बंपरच्या एका तिकिटाची किंमत ₹५०० होती.
विक्रमी विक्री: लॉटरी विभागाने यंदा एकूण ९० लाख तिकिटे छापली होती. विशेष म्हणजे, सोडतीपूर्वीच सर्वच्या सर्व ९० लाख तिकिटांची विक्री झाली, ज्यावरून या लॉटरीची प्रचंड लोकप्रियता दिसून येते.
३० कोटींचे पहिले बक्षीस जिंकणाऱ्या ‘TL360615’ तिकीटधारकाला आपले मूळ तिकीट सुरक्षित ठेवण्याचे आणि अधिकृत ‘केरळ सरकारी लॉटरी’ चॅनेलद्वारे निकालाची पडताळणी करण्याचे आवाहन करण्यात आले आहे. नियमांनुसार, विजेत्याला निर्धारित वेळेत आवश्यक कागदपत्रांसह अधिकृत सरकारी प्रक्रिया पूर्ण करून बक्षिसाच्या रकमेवर दावा करावा लागेल. इतर सर्व तिकीटधारक देखील अधिकृत वेबसाईटवरून BR-111 चा पूर्ण निकाल तपासून इतर क्रमांकांची बक्षिसे तपासू शकतात.
.png "Videos"){kind=small}
