कोटक महिंद्रा प्राइममध्ये नेतृत्व बदल! सुरज राजप्पन नवे एमडी आणि सीईओ
संचालक मंडळाने श्री. सुरज राजप्पन यांची १ जून २०२६ पासून तीन वर्षांच्या कालावधीसाठी सदस्यांच्या मंजूरीनुसार मॅनेजिंग डायरेक्टर आणि चीफ एक्झिक्युटिव्ह ऑफिसर म्हणून नियुक्ती केली आहे. श्री. सुरज राजप्पन यांनी कोटक महिंद्रा प्राइम लिमिटेडमधून आपल्या कारकिर्दीची सुरुवात केली. त्यांना या संस्थेतील विविध विभागांमधील २४ वर्षांचा दांडगा अनुभव आहे. सध्याचे मॅनेजिंग डायरेक्टर व सीईओ श्री. शाहरुख तोडीवाला हे कोटक ग्रुपमध्ये तीन दशकांहून अधिक काळ सेवा बजावल्यानंतर ३१ मे २०२६ रोजी सेवानिवृत्त होणार आहेत.
कोटक महिंद्रा बँकेचे एमडी व सीईओ अशोक वासवानी म्हणाले, ”शाहरुख यांनी कोटक महिंद्रा प्राइममध्ये विचारपूर्वक वाढ, जोखीम शिस्त आणि ग्राहक-केंद्रितता यांचा प्रबळ वारसा मागे सोडला आहे. आम्ही या नेतृत्वाच्या स्थानी सुरज यांचे स्वागत करतो. त्यांचा उद्योगातील सखोल अनुभव आणि कार्यक्षमता केएमपीएलला पुढील टप्प्यातील वाढीसाठी सज्ज करेल.”
‘ही तर आर्थिक आत्महत्या…’, CA ने दिला गुंतवणुकीबाबत इशारा, चक्रवाढ व्याजाकडे दुर्लक्ष ठरेल धोकादायक
केएमपीएलचे एमडी व सीईओ शाहरुख तोडीवाला म्हणाले, ”केएमपीएलच्या ३० वर्षांच्या प्रवासाचा भाग असण्याचा आणि त्यांच्या वाढीत योगदान देण्याचा अनुभव अत्यंत समाधानकारक राहिला आहे. या कंपनीचे नेतृत्व करणे हा माझा बहुमान आहे. मला पूर्ण विश्वास आहे की, सुरज आणि त्यांची लीडरशीप टीम या भक्कम पायावर अधिक प्रगती करतील आणि केएमपीएलला नवीन उंचीवर घेऊन जातील.”
केएमपीएलचे नियुक्त एमडी व सीईओ सुरज राजप्पन म्हणाले, ”मला संचालक मंडळाने माझ्यावर दाखवलेल्या विश्वासाचे अत्यंत सन्माननीय वाटत आहे. केएमपील शिस्तबद्ध वाढ, नाविन्यता आणि सर्वोत्तम ग्राहक अनुभवावर लक्ष केंद्रित करणे सुरूच ठेवेल. तसेच, आम्ही सर्व ओईएम आणि डीलर भागीदारांसोबतचा सहयोग अधिक दृढ करू.”
कोटक महिंद्रा प्राइम लिमिटेडचा (केएमपीएल) वारसा १९९६ पासून दिसून येतो. कोटक महिंद्रा फायनान्स आणि फोर्ड क्रेडिट इंटरनॅशनल यांच्यातील ६०:४० अशा भागीदारीतून कोटक महिंद्रा प्राइमस लिमिटेड या नावाने ही कंपनी स्थापन करण्यात आली होती आणि भारतातील सर्वात पहिल्या संघटित कार-फायनान्स प्लॅटफॉर्मपैकी एक होती. २००५ मध्ये कोटक महिंद्रा बँकेने फोर्ड क्रेडिटचा हिस्सा विकत घेतला, ज्यामुळे ही कंपनी कोटक ग्रुपची पूर्ण मालकीची उपकंपनी बनली आणि त्यानंतर कंपनीचे नाव कोटक महिंद्रा प्राइम लिमिटेड असे बदलण्यात आले.
गेल्या जवळपास तीन दशकांमध्ये भारतातील ऑटोमोटिव्ह आणि ग्राहक कर्ज बाजारपेठेसोबत केएमपीएल विकसित होत गेली आहे. ही संस्था जोखीम शिस्त, प्रशासन आणि संस्थात्मक सातत्य या मूल्यांवर आधारित आहे, तसेच कोटक ग्रुपच्या व्यापक आर्थिक सेवा परिसंस्थेशी नेहमीच संलग्न राहिली आहे.
.png "Videos"){kind=small}
